सर्वेन्द्र खनाल एमाले बन्ने खबरले किसान श्रेष्ठलाई छट्पटी !

नेपाल प्रहरीका पूर्व प्रहरी महानिरीक्षक सर्वेन्द्र खनाल एमाले प्रवेश गर्ने खबर बाहिरिए सँगै ठूलो चर्चापरिचर्चा भइरहेको छ ।

प्रहरी संगठनमा रहँदा सलेब्रेटी छवी बनाएका खनाल पछिल्लो केहि समय भने विवादीत पनी बनेका थिए । खनाललाई केहि दिनमै एमाले अध्यक्ष केपी ओलीले तामझामका साथ एमाले भित्राउँने तयारी गरका छन् ।

खनाल एमाले प्रवेश गर्ने खबरले सबैभन्दा तनाव कुनै बेला उनका नजिकका साथी समेत रहेका नेकपा एसका नेता तथा हालका श्रममन्त्री किसान श्रेष्ठलाई भएको बताइन्छ । किनभने ओलीले खनाललाई एमाले भित्राएर तनहुँ बाट चुनाव लडाउँने तयारी गरेका छन् ।

रोचक संयोग कस्तो छ भने गत बर्ष सांसद अप हरणका प्ररकणमा किसान श्रेष्ठ सँगै खनाल पनि जोडिएका थिए । ओलीले मन्त्री नबनाए पछि श्रेष्ठ माधव नेपाल तिर गएर मन्त्री बनेका छन् भने खनाल एमाले प्रवेश गर्ने भएका छन् । कुनै बेलाका नजिकका साथी विच तनहुँमा चुनावी प्रतिष्पर्धा हुने सम्भावना बढेर गएको छ ।

खनालले एमाले नेतृत्वसँग पार्टी प्रवेश गर्ने सहमति भइसकेको खबर छ । सम्पुर्ण तयारी पुरा भएको र छिट्टै प्रवेश कार्यक्रम हुने एमाले स्रोतले जानकारी दिएको छ । खनालको एमाले प्रवेशको खबरले देशभरका एमाले कार्यकर्तामा खुशियाली देखिएको छ ।

खनाललाई ९ कात्तिकको पालिका अधिवेशनपछि खनाललाई स्वागत गरिनेछ । ९ कात्तिकमा एमालेले ७५३ वटै स्थानीय तहमा अधिवेशन गर्दैछ ।यस्तै यता बीएण्डसी अस्पताल, झापाका सञ्चालक दुर्गा प्रसाईं नेकपा एमाले प्रवेश गरेका छन् ।

आइतबार झापामा आयोजित कार्यक्रममा एमाले अध्यक्ष केपी शर्मा ओलीले प्रसाईंलगायतलाई पार्टी प्रवेश गराएका हुन् । एमाले केन्द्रीय सदस्य रवीन कोइराला भन्छन्, ‘उहाँलाई के हैसियत दिने भन्ने पछि छलफल होला, अहिले पार्टी प्रवेश गर्नुभएको छ ।’

आइतबार पार्टी प्रवेश गरेका प्रसाईं असोज १५–१७ सम्म ललितपुरको गोदावरीमा भएको प्रथम विधान महाधिवेशनमा नै सहभागी भएका थिए । उनी एमाले केन्द्रीय सदस्यको हैसियतमा विधान सम्मेलनमा सहभागी भएका थिए । पार्टी प्रवेश कार्यक्रमलाई सम्बोधन गर्दै प्रसाईंले माओवादी केन्द्रका अध्यक्ष प्रचण्डको चर्को आलोचना गरे ।

लिखित सम्बोधन गरेका उनले प्रचण्ड र बाबुराम भट्टराईलाई कम्युनिस्ट भन्न लाज लाग्नुपर्ने बताए । उनले प्रचण्ड र बाबुरामको नाम लिँदै ‘हामीले यही दिन देख्न मृत्युवरण गरेका हौं र?’ भनी प्रश्न गर्दा सहभागीहरुले हुटिङ गर्दै ‘होइन’ भनेका थिए ।

उनीपछि सम्बोधन गरेका एमाले अध्यक्ष ओलीले पनि प्रसाईंकै अभिव्यक्तिलाई समर्थन जनाउँदै प्रचण्डको पछि लागेर काम नहुने पनि बताए ।

प्रसाईं लामो समयसम्म प्रचण्डनिकट मानिन्थे । एमाले र माओवादी केन्द्रबीच एकता हुनुपूर्व प्रचण्ड र केपी शर्मा ओलीलाई आफ्नै निवासमा भेट गराएर मार्सी चामलको भात खुवाएको तस्वीर सार्वजनिक भएपछि प्रसाईं चर्चामा आएका थिए ।

तर २३ फागुन २०७७ को सर्वोच्च अदालतको फैसलाले नेकपा खारेज भएर एमाले र माओवादी केन्द्र ब्यूँतिएपछि प्रसाईं एमालेतिर लागेका छन् ।