बामदेव पनी आउँने गर्छन बिच्च- बिचमा ..

नेकपा एमालेमा केपी ओली पक्ष र माधव नेपाल पक्षको घम्साघम्सी निकै रोचक रहेको छ । लामो समय देखी चलिरहको लफडा सकिने छाँटकाँट अझै देखिएको छैन । यसैविच एमाले उपाध्यक्ष बामदेव गौतम भने अनौठो भूमिकामा देखीएका छन् ।

तत्कालिन नेकपाको विवाद सरु हुँदा विवाद गराउँने मुख्य पात्र रहेका वामदेव विवाद चरम उत्कर्षमा पुग्दा नेकपा एकता अभियान भन्दै छुट्टै अभियान चलाएर बसेका थिए । फागुन २३ गते सर्वोच्च अदालतको फैसलाबाट एमाले र माओवादी अलग अलग भए पछि अब एमाले एक गराउँछु भनेर लागेका गौतम त्यस यता भने कहिले ओली तिर त कहिले माधव तिरको भूमिकामा देखीएका छन् ।

केहि समय अघि माधव नेपालले पार्टी फुटाउँने हो भने आफु पनि माधव नेपालको पार्टीमा आउँछु भनेर बोलेका गौतम त्यसको केहि समयमै बालुवाटारमा आयोजित एमाले केन्द्रिय कमिटी बैठकमा झुल्किए ।बामदेवको पारा प्रति कटाक्ष गर्दै ओलीले उक्त बैठकमा अब आउँने जाने नगर्नुस भन्दै गौतमलाई छेड हानेका थिए । ओलीले छेड हानेपछि गौतमले अव आए पछि आफु नफर्कने घोषणा गरेका थिए , गौतमको घोषणा पछि ओली पक्षका नेताहरुले तररर ताली बजाए , तर त्यसको केहि दिनमै बामदेव गौतमले राष्ट्रिय सभाको बैठकमा आफु ओली तिर नगएको भन्दै ओली पक्षले गलत हल्ला फिँजाएको दावी गरे ।

त्यस यता लगभग माधव नेपाल सँग नजिक जस्तो देखिएका गौतम हिजो एकाएक माधव पक्ष विनानै बस्न लागेको एमाले स्थायी कमिटि बैठकमा देखा परे ,आज पनि एमाले स्थायि कमिटी बैठकमा उनि झुल्किए । ललितपुरको च्यासलस्थित तुल्सीलाल स्मृति प्रतिष्ठानको कार्यालयमा आज बसेको स्थायी कमिटीको बैठकमा गौतम सहभागी भएका थिए ।

आजको स्थायि कमिटि बैठकले स्थानीय तहका कमिटीहरूको अधिवेशनको मिति निर्धारण गरेको छ । ललितपुरको च्यासलस्थित तुल्सीलाल स्मृति प्रतिष्ठानमा आज बसेको स्थायी कमिटी बैठकले देशभरका सबै पालिकास्तरको अधिवेशन आगामी असोज ९ सम्म गरिसक्ने निर्णय हो ।

बैठकपछि महासचिव ईश्वर पोखरेलले दिनुभएको जानकारीअनुसार पालिका अधिवेशनका लागि अन्तिम मिति असोज ९ गते तोकिएको छ । यसैगरी, बैठकले साउन २४ गतेलाई एमाले केन्द्रीय कमिटी बैठक बोलाएको छ ।महासचिव पोखरेलले एमालेको विधानमा दुई अध्यक्षको व्यवस्था नरहेको भन्दै विधानभन्दा बाहिर पार्टी नजाने निर्णय पनि भएको बताउनुभयो । २०७५ जेठ २ मा फर्किने भनेपछि सबै विषय त्यहिँबाट टुंगो लाग्ने उहाँको भनाई छ ।

बैठक सोमवार पुनः ३ बजे बस्नेछ । लामो समय पर्खदाँ पनि एमाले माधव नेपाल समूहले बैठकमा उस्थित हुन जाँगर नचलाएको अवस्थामा बैठक बस्न थालेको छ । पछिल्लो समय एमाले अध्यक्ष ओली र वरिष्ठ नेता माधव विच सम्बन्ध चिसिँदै गएको छ । सार्वजनिक रुपमै एक अर्कालाई आरोप प्रत्यारोप जारी राखेका छन् । ओली र नेपालको पछिल्लो अभिव्यक्तीले एमाले अभिव्यक्तिले एमाले एकतालाई थप पर धकेलिरहको छ ।