अघि बढे चोलेन्द्र !

राजिनामाका लागी चौतर्फी दबाव बढिरहेका बेला प्रधान्यायाधिश चोलेन्द्र शमशेर राणा भने एक सुरले आफ्नो काममा अघि बढेका छन् ।

इजलासनै बहिस्कार गरेर सर्वोच्च अदालतका ठूलो संख्याका न्यायाधिशहरुले राजिनामा मागिरहेको र नेपाल बार एसोसियसनले समेत राजिनामा माग्दै नदिए बहिस्कार गर्दै आन्दोलन गर्ने बताइरहेका बेला प्रधानन्यायाधिश राणाले भने आज इजलास तोकेका छन् ।

प्रधानन्यायाधीश चोलेन्द्रशमशेर जबराले संवैधानिक इजलाससहितको पेसी तोकेका छन् । अन्य न्यायाधीशहरूले पेसी बहिष्कार गरिरहँदा प्रधानन्यायाधीश जबराले बुधबार आफूमात्रै रहने पूर्ण इजलासमा पनि पेसी तोकेका छन् ।

प्रधानन्यायाधीश जबराले बुधबारका लागि आफूसहित वरिष्ठतम् न्यायाधीशहरु रहेको संवैधानिक इजलासमा पनि पेसी तोकेका छन् । यद्यपि अन्य न्यायाधीशहरूले पेसी बहिष्कार गर्ने गरी बिहान ११ः३० बजे आन्तरिक छलफल डाकेका छन् ।

अन्य न्यायाधीशहरु इजलासमा नबसेपनि आफू एक्लै बस्न मिल्ने गरी प्रधानन्यायाधीश जबराले पूर्ण इजलास ९प्रधानन्यायाधीश एक्लै बसेपनि० मा आफ्ना लागि ५ वटा मुद्दा राखेर पेसी तोकेका छन् । प्रधानन्यायाधीशले आफ्नै इजलासमा राखेका पहिलो मुद्दा लुम्बिनी प्रदेशका सभामुख पूर्णबहादुर घर्ती विरुद्धको अदालतको अवहेलनासम्बन्धी रहेको छ ।

त्यसैगरी सम्पत्ति शुद्धीकरणसम्बन्धी मधुकुमारी चौधरी विपक्षी रहेको मुद्दा, ज्ञानबहादुर जोगीको हकमा अम्बिका विश्वकर्माबाट दायर गरिएको बन्दी प्रत्यक्षीकरणको मुद्दा, जिल्ला अदालत कास्की विरुद्धको बन्दी प्रत्यक्षीकरणको मुद्दा र कालो बजार तथा अन्य केही सामाजिक अपराधसम्बन्धी कसुरमा नेपाल सरकार विपक्षी रहेको रोशन जैसवालले दायर गरेको मुद्दा रहेका छन् ।

अन्य न्यायाधीशहरुले प्रधानन्यायाधीशको राजीनामा माग गरेर इजलास बहिष्कार गरिरहँदा प्रधानन्यायाधीशले आफू मात्रै रहने इजलास तोक्नुले बुधबार केही मुद्दाको सुनुवाई गर्न खोजेको देखिन्छ । यद्यपि कानुन व्यवसायीहरुले इजलास बहिष्कार गर्ने बताएका कारण प्रधानन्यायाधीशले आफू मात्रै रहने इजलासको गठन गरेर पेसी तोकेपनि इजलास बस्न सक्ने सम्भावना भने एकिन भन्न सक्ने अवस्था देखिएको छैन ।