रातारात पल्टीयो पासा , चोलेन्द्रको पक्षमा हवात्तै बढ्यो माहोल !

मन्त्री परिषदमा भाग खाएको आरोपमा राजिनामाका लागी दबाव बढेका बेला प्रधानन्यायाधिश चोलेन्द्र शमशेर जबराको पक्षमा विस्तारै माहोल बन्दै गएको छ।

सुरुमा गठबन्धनमा प्रधानन्यायाधिश पनि भन्ने खालका समाचार आउँदा र उनले भाग खाएकै हुन् भन्ने एकोहोरो प्रचार भएका बेला सिंगो देशनै उनी विरुद्ध खनिएको थियो तर विस्तारै माहोल परिवर्तन हुँदै गएको छ ।

सर्वोच्च अदालत बाट परमादेश जारी गरेर प्रधानमन्त्री बनाउँनै पर्छ भनेर कन्दीनी कसेर लाग्ने मान्छेहरुनै आज चोलेन्द्रले राजिनामा दिनु पर्छ नभए महाअभियोग लगाउँनु पर्छ भन्दै जोडतोडले लाग्न थाले पछि अरु पनि विस्तारै सचेत भएका छन् यस भित्रको भित्री खेल वुझ्न थालेका छन् ।

राजिनामा दिने हो भने चोलेन्द्रले मात्रै होइन प्रधानमन्त्री देउवा र परमादेश जारी गर्ने पाँचै जना न्यायाधिशले राजिनामा दिनु पर्ने आवाज पनि मुखर ढंगले उठ्न थालेको छ । चोलेन्द्र एउटाको राजिनामाले समस्याको समाधान नहुने आवाज उठ्नाले उनलाई राहत मिलेको छ।

प्रधानन्यायाधिश राणाले कसैले सडकबाट माग्दैमा आफुले राजिनामा नदिने बरु महाअभियोग समाना गर्न तयार रहेको प्रष्ट पारिसकेका छन् । सत्तागठबन्धनले आफैँले भाग खुवाएको कारण नैतिकताका आधारमा पनि महाअभियोग नलगाउँने र प्रमुख प्रतिपक्षी दल नेकपा एमालेले राजिनामा दिने भए परमोदश दिने सबैले दिनु पर्छ भने पछि राणा बलियो बन्दै गएका छन् ।

इजलासनै बहिस्कार गरेर आन्दोलनमा उत्रिएका न्यायाधिश र जबराको राजिनामाका लागी दबाव बढाइरहेको नेपाल बार एसोसियन अहिले विखलबन्दमा परेका छन् । सँधै इजलास नचलाउँदा पनि नागरिका मुद्धा नहेरेको भनेर आलोचना बढिरेहको छ भने इजलासमा फर्कन पनि उनीहरुलाई गारो परिरहेको छ ।

घटनाक्रम विकास हुँदै जाँदा राणा बलियो बन्दै जाने र राजिनामा मागेर आन्दोलनमा उत्रिएका न्यायाधिश देखी नेपाल बारका नेतृत्व सम्मले यो जाडो महिनामा फेरी चिसो पानीले नुहाउँनु पर्ने अवस्था आउँन लागेको विश्लेषण सुरु भएको छ ।