कहाँ बाट उठ्यो आज ओलीलाई यस्तो रिस !सयौँको अगाडी भिम रावल र घनश्याम भुषालको सातो लिए

नेकपा एमाले केन्द्रिय कमिटीको आज बसेको बैठकमा नेकपा एमालेका अध्यक्ष केपीको फरक रुप देखिएको छ ।

दशौँ महाधिवेशनका लागी प्रतिनिधी छनोट लगायतका विषय फाइनल गर्न आज बसेको बैठकमा ओली अरु दिनको भन्दा कडा रुपमा प्रस्तुत थिए । ओलीले आजको बैठकमा उपाध्यक्ष भिम रावल र उपमहासचिव घनश्याम भुषाललाई निसाना बनाएका छन् ।

दश बुँदे कार्यान्वयन भन्दै किचकिच गरिरहेका रावल र भुषाललाई आज ओलीले रातोपिरो हुँदै जवाफ फर्काएका छन् । अध्यक्ष ओलीलाई चिठ्ठीनै लेखेका भुषाललाई आज ओलीले गतिलो जावाफ दिएको एक केन्द्रिय सदस्यले ओटीभी नेपाललाई जानकारी दिए ।

अध्यक्ष केपी शर्मा ओलीले पार्टीभित्र चिठीको क्षेप्यास्त्र प्रहार गर्न आवश्यक नरहेको बताएका छन् ।एमाले उपमहासचिव घनश्याम भुसालले लेखेको चिठीतर्फ संकेत गर्दै उनले त्यसको जवाफ दिइरहन आवश्यक नभएको बताए ।

शुक्रबार बसेको एमाले केन्द्रीय कमिटी बैठकमा अध्यक्ष ओलीले भने, ‘युवराजजी ९उपाध्यक्ष युवराज ज्ञवाली० यहाँ मास्क लगाएर बस्नुभएको छ । मास्क खोल्नुस् भनेर चिठी लेख्नुपर्छ ? आफ्ना सहमतिहरु बैठकमा नै राख्नुपर्ने उनले बताएका थिए ।

यता बैठकमा नेकपा एमालेका अध्यक्ष केपी ओली र उपाध्यक्ष भिम रावल विच केन्द्रिय कमिटी बैठैकमै नोकझोक चलेको छ । दश बुँदे कार्यान्वयन नभएको र आफुलाई एक्लो बनाएको भन्दै भिम रावल बम्किन थाले पछि एमाले अध्यक्ष ओलीले विचमै हस्तक्षेप गरेका थिए । सारै कम मात्रै रिसाउँने ओलीले आज भने रातो मुख लगाएर रावललाई झपारेको एक केन्दिय सदस्यले ओटीभी नेपाललाई जानकारी दिए ।

अध्यक्ष ओलीले काम गर्न सक्दिन भनेर राजीनामा दिएपछि १० बुँदेको औचित्य सकिएको बताएका थिए । ‘तपाईंले सक्नु भएन राजीनामा दिनु भयो त म के गरौँ ?’ बैठकमा ओलीले भने, ‘अब राजीनामा दिएपछि कार्यदल पनि सकियो, १० बुँदेको उपदेयता पनि सकियो । किन कार्यदल चाहियो । तपाईंले राजीनामा दिएपछि कार्यदल नै सकियो ।’ अध्यक्ष ओलीले पार्टीको समस्याका विषयमा पार्टीका कमिटीहरुमै छलफल हुने बताए ।

जवाफमा रावलले आफूले नसकेर राजीनामा दिएको नभई आफ्नो कुरा कार्यान्वयन नभएपछि राजीनामा दिएको बताएका थिए । रावल र ओलीका बीचमा भनाभन चर्किएपछि स्थायी कमिटी सदस्यहरु अष्टलक्ष्मी शाक्य र अमृतकुमार बोहराले उनीहरुलाई रोकेका थिए ।

केन्द्रीय कमिटी सदस्यहरुले पनि स्थायी कमिटीको समस्या स्थायी कमिटीमै मिलाउनुपर्ने बताएपछि उनीहरुको विवाद रोकिएको थियो । ओलीले झपार्दा समेत अरु कसैको साथ नपाए पछि रावल चुप लागेका थिए ।

बैठक अवधि भर मुड अफमा बसेका रावल बैठक सकिए पछि भने महाधिवेशनमा प्रयोग हुने डिजिटल भोटिङ मेसिनमा नमुना भोटिङका लागी पुगेका थिए । एमाले एकतावद्ध भएको सन्देश गएका बेला रावलले नचाहिने लफडा गरेको भन्दै देशभरका एमाले कार्यकर्ताले पनि रावलको ओलोचना गरिरहेका छन् ।