आफुलाई देउवालेनै मुख्यमन्त्री बन्न रोकेको सुचना जीवनबहादुरको कानमा पुगेपछि

मुख्यमन्त्री आलोपालो खाने भनेर माओवादी सँग उधारको सम्झौता गरेर दंग परेका काग्रेस नेता शाही अन्तिममा आएर हिस्स पर्नु पर्ने अवस्था आएको छ ।

छ महिना पछि मुख्यमन्त्री छोड्ने सर्तमा कर्णाली प्रदेशमा महेन्द्र बहादुर शाहीलाई मुख्यमन्त्री बनाउँन ल्याप्चे हानेका शाही अहिले जिल्ल पर्ने अवस्था आएको छ । प्रचण्डले व्याकअप दिए पछि महेन्द्र बहादुर शाहीले कुनै पनि हालतमा राजिनामा नदिने बताएका छन् ।

माओवादी बाट धोका भएको भन्दै रुन्चेमुख बनाएका जीवन बहादुर शाहीलाई आफ्नै पार्टी नेपाली काग्रेसका सभापती समेत रहेका प्रधानमन्त्री शेरबहादुर देउवाले पनि मुख्यमन्त्री बनाउँन नचाहको चाल पाए पछि निरास बेनेका छन् ।

नेकपा माओवादी केन्द्रले कर्णाली प्रदेशमा मुख्यमन्त्री नछाड्ने भएको छ । महेन्द्रबहादुर शाहीले मुख्यमन्त्रीमा राजीनामा नदिने भएपछि वेटिङ मुख्यमन्त्री मानिएका नेपाली काँग्रेसका जीवनबहादुर शाहीलाई धक्का लागेको हो ।

स्रोतका अनुसार कर्णालीको साटो माओवादी सुदूरपश्चिममा मुख्यमन्त्री छाड्न तयार देखिएको छ । प्रधानमन्त्री शेरबहादुर देउवाको गृहक्षेत्र समेत भएकाले त्यहाँ त्रीलोचन भट्टलाई राजीनामा गराएर काँग्रेस सांसदलाई मुख्यमन्त्री बनाउने पहल सुरु भएको छ ।

शाहीलाई मुख्यमन्त्रीबाट रोक्न खोजिएपछि काँग्रेसको राजनीतिमा तरंग आउने देखिएको छ । उनी कर्णालीमा बलियो पकड भएका नेता हुन् । देउवानिकट शाहीले हुम्लामा चीनसँगको सीमा समस्याबारे कुरा उठाएका थिए । यसले उनलाई चर्चामा पुर्याएको थियो । शाही पूर्व पर्यटनमन्त्री पनि हुन् ।

महेन्द्रबहादुर शाही अर्को चुनावसम्म मुख्यमन्त्री रहने सम्भावना बढेर गएको छ । कर्णालीमा माओवादीले प्रभाव बलियो बनाएर आगामी चुनावमा सफलता हासिल गर्ने रणनीति समेत बनाएको छ ।

यसअघि शाहीले विश्वासको मत लिंदा काँग्रेस र माओवादीबीच आधा आधा कार्यकाल मुख्यमन्त्री रहने भद्र सहमति बनेको थियो ।