शम्भु थापालाई राम्रो भन्ने कोहि भेटिएन !

प्रधानन्यायाधिश चोलेन्द्र शमशेर जबराको राजिनामाका लागी उग्र भएर लागेका वरिष्ठ अधिवक्ता शम्भु थापाको चर्तिकलाको चर्को आलोचना भएको छ ।

आफुले गरेको सबै ठिक अरुले गरेको सबै बेठिक भन्ने मनोग्रन्थी बोकेका थापाले सर्वोच्चका न्यायाधिशले आन्दोलन गर्न हुँदैन ,जनताको मुद्धा हेरिनु पर्छ भनेर गरेको आन्दोलनलाई तुच्छ टिप्पणी गरे पछि जनताहरु उनीमाथी खनिएका छन् ।

जनताको मुद्धा हेरिनु पर्दछ, बार र अदालतलाई राजनितिक दाउपेचको थलो बनाउँनु हुँदैन भनेर गरिएको विरोध पछि अत्तालिएका थापाले उनीहरु माथी अशोभनिय टिप्पणी गरेका थिए । अरुले गरेको आन्दोलनलाई पैसा खाएर गरेको समेत उनले भनेका छन् ।

नेपाल बार एसोसिएसनको अगुवाईमा वकिलहरुले कालो पट्टी बाँधेर आन्दोलन गरिरहँदा अर्का चर्चित अधिवक्ता तथा उन्नत लोकतन्त्र पार्टीका अध्यक्ष स्वागत नेपालको नेतृत्वमा बारकै आंगन सेतो पट्टी बाँधेर प्रदर्शन भएको थियो ।

सेतो पट्टी बाँधेर वकिलहरुनै निस्कीए पछि डराएका थापाले कालो कोट र पैसा बाँढेर बारको आन्दोलन विफल बनाउँन खोजिएको आरोप लगाएका थिए । बारमा आएर अरुलाई आन्दोलन गर्ने अधिकार समेत नभएको भन्दै उनले को मान्छे कस्ता भन्ने त अनुहार बाटै देखिएको समेत भनेका थिए ।

सेतो पट्टी बाँधेर प्रतिरोध भए पछि कालो पट्टी बाँध्नेहरुको आन्दोलन फिक्का भएको थियो । कालो पट्टी र सेतो पट्टीको सामाजिक संजालमा खुबै चर्चा भएको छ । अधिवक्ता स्वागत नेपालको साहस र हिम्मत गजबको भनेर सामाजिक संजाल प्रयोगकर्ताहरुले तारिफ गरेका छन् भने थापालाई चर्को आलोचना गरेका छन् ।

ओटीभी नेपाल डट कमले शम्भु थापालाई सर्वोच्चको गेटमै स्वागत नेपालको काउण्टर शीर्षकमा प्रकाशन गरको समाचारमा सयौँले प्रतिक्रिया दिएका छन् जसमा थापालाई र उनले गरको कामलाई राम्रो भने एकजना पनि देखिएका छैनन् । बरु स्वागत नेपालको साहसलाई सलाम गर्नेहरुको लर्को छ ।