एमसीसीका बारेमा देउवा र प्रचण्डले अमेरिकालाई लेखेको पत्रको व्यहोरा बाहिरियो

प्रधानमन्त्री शेरबहादुर देउवा र माओवादी केन्द्रका अध्यक्ष पुष्पकमल दहाल प्रचण्डले संयक्त रुपमा हस्ताक्षर गरेर अमेरिकालाई लेखेको पत्रको व्यहोरा बाहिरिएको छ ।

हस्ताक्षर गरेर पत्र लेख्ने मध्येका एक माओवादी केन्द्रका अध्यक्ष प्रचण्डलेनै देउवा र आफुले अमेरिकालाई पत्र लेखेको स्विकार गरेका छन् । हिजो देखी खुबै चर्चामा आएको पत्र भित्र के लेखिएको थियो भन्ने कुरा पनि प्रचण्डले खुलासा गरिदिएका छन् ।

प्रधानमन्त्री देउवाले भने जस्तो हामी एमसीसी पास गर्न तयार छौँ भनेर भने पत्र नलेखिएको दावी प्रचण्डले गरेका छन् । बरु प्रचण्डले देउवाले भन्दा ठ्याक्कै उल्टो कुरा गरेका छन् । देउवाले एमसीसी पास गर्छौ भनेर लेखेको भनेका छन् भने प्रचण्डले राष्ट्रिय सहमती नभई यथाअवस्थामा पास गर्दैनौँँँ भनेर लेखेको दावी गरेका छन् ।

प्रचण्डले एमसिसी पास गर्छौँ भनेर चिठी नपठाएको बताएका छन्। प्रधानमन्त्री शेरबहादुर देउवाले बोलेपछि तरंग आएको बताउँदै उनले देशमा सबै दलहरूसँग छलफल नगरी, राष्ट्रिय सहमति नबनाई यसलाई पारित गर्न नसकिने बताए।

‘शेरबहादुर जीले कहाँ के बोल्नुभएछ। देशैभरि तरंग पैदा भएको छ। एमसिसी पास गर्न चिठी पठायौँ भनेर भन्नुभएछ,’ उनले भने, ‘पछि उहाँले त्यसो त भनेको होइन भनेर भन्नुभयो। सबै दलहरूसँग छलफल नगरी, राष्ट्रिय सहमति नबनाई हामीले यसलाई पारित गर्न सकिँदैन।

त्यसका लागि हामीलाई समय पनि चाहिन्छ। हामी छलफल गर्छौँ समस्या कहाँ छ रु त्यसको निदान कसरी गर्न सकिन्छ भन्ने उपाय निकाल्छौँ भनेर लेखेको चिठी लेखेको हो। हामी पास गर्छौँ भनेर लेखेको चिठी होइन।’

अमेरिका वा बेलायतले वा विकसित देशले दिएको सहयोग नलिने भन्ने नीति नरहेको उनले बताए। एमसिसी सम्झौताको समयमा संसदमा लगेर ऐनसरह हुने सहमति नभएको बताए।

पछि संसदमा लैजाने भन्ने थपिएपछि त्यसको पछाडिको रहस्य के हो भन्ने भयो र विवाद बन्न आएको उनले बताए। ओरिजिनल सहमतिसँग डराउनुनपर्ने बताउँदै उनले भने, ‘बीचमा थपिएका कुराले नेपालको राष्ट्रिय हितमाथि नै असर पर्ने भन्ने आम जनतालाई लागि सकेपछि यसलाई संशोधन नगरी पास गर्न सकिँदैन।’