भिम रावललाई आफ्नो हैसियतमा बस्न लेखराज भट्टको चेतावनी

नेकपा एमाले सुदुरपश्मि प्रदेशका इन्चार्ज लेखराज भट्ट्टले एमाले उपाध्यक्ष भिम रावललाई आफ्नो हैसियतमा बस्न चेतावनी दिएका छन् ।

रावलले आफ्नो हैसियत भन्दा बढि भएर साँगठनिक अराजकता मच्चाएको भन्दै भट्टले त्यस्ता काम तत्काल बन्द गर्न भनेका छन् । उनले पार्टीका सन्दर्भमा केहि असन्तुष्टि भए सामाजिक संजालमा होइन पार्टीको बैठकमा आएर राख्न पनि भनेका छन् ।

पछिल्लो समय भिम रावल अराजक भएको भन्दै भट््टले यस्तो पारा पार्टीमा स्विकार्य नहुने प्रष्ट पारेका छन् । एकजनाको झोक लहडको बन्दी पार्टी बन्न नसक्ने भन्दै उनले कसैको घुर्किले पार्टीको नरोकिने र आफ्नो गतिमा अघि बढ्ने प्रष्ट पारेका छन् ।

रावलले मङ्गलवार बिहान ट्विट गर्दै सुदूरपश्चिम प्रदेश कमिटीको बैठकप्रति आपत्ति जनाएका थिए । त्यसको प्रतिवाद गर्दै भट्टले भने, ‘मतभेदहरू पार्टी कमिटीमा राख्दा उपयुक्त हुन्छ । मिडियामार्फत पार्टीमा भएका मतभेदहरू सार्वजनिक गर्नु भनेको सङ्गठनात्मक रूपमा अराजकताको चरम सीमा हो ।’

रावलले आफ्नो ट्विटमा मंगलवारको ‘कथित भेला’ अपानी १२ विपरीत रहेको आरोप लगाएका थिए । उनले बैठक र यसका निर्णयहरू अवैध रहेको भन्दै आफूले नमान्ने बताएका छन् । भट्टले भने पार्टी कमिटीले गरेको निर्णय अवैध हुन नसक्ने प्रष्ट पारे । ‘कि उहाँले पार्टी नै अवैधानिक हो भन्नु प¥यो नत्र पार्टीले गरेको निर्णय कसरी अवैध हुन्छ रु’ भट्टले थपे, ‘कसैको स्वार्थ अनुसार महत्वाकांक्षा पुरा गर्दा त्यो निर्णय सही हुने, अरू निर्णयहरू अवैध हुने भन्ने कुरा हुँदैन ।’

उनले नगर तथा वडा अधिवेशनहरू पार्टीको निर्णय अनुसार भएको दाबी गरे । सुदूरपश्चिममै रहेका रावल भने मगंलवारको भेलामा सहभागी भएका थिएनन् । रावललाई खबर नभएको कि नआउनु भएको भन्ने पत्रकारको प्रश्नमा भट्टले भने, ‘मैले फोनमा कुरा गरेको छु, पत्र पनि पठाएर आमन्त्रण गरिएको छ । म त आउँदिन तपाइहरू गर्नुहोस् भन्नुभयो । ’

उनले रावल सुदूरपश्चिममै रहेर पनि सम्पर्क नगरेको बताए ।उद्घाटन सत्रमा बोल्दा पनि भट्टले रावललाई फरक मत राख्न पार्टीमा समितिहरू रहेको बताउँदै सामाजिक सञ्जालमा नौटङ्की नदेखाउन आग्रह गरेका थिए । इन्चार्ज भट्ट, सह इन्चार्ज नारदमुनि राना, निरु पाल, प्रदेश अध्यक्ष कर्ण थापा, सचिव राजेन्द्रसिंह रावललगायत नेताको उपस्थितिमा प्रदेश पदाधिकारी पनि थप भएको छ ।

बैठकले उपसचिवमा बलदेव रेग्मी र भागरथी बिष्टलाई चयन गरेको छ । भट्टले १८३ सदस्यीय प्रदेश कमिटी सदस्यहरूमध्ये खाली भएका संख्या पूर्ति गरेको बताए ।