एमाले महासचिवमा सुरेन्द्र पाण्डे !

प्रमुख प्रतिपक्षी दल नेकपा एमालेलाई दशौँ राष्ट्रिय महाधिवशेनले छपक्कै छोपेको छ ।

महाधिवेशन बाट नेतृत्वमा स्थापित हुन चाहनेहरुले दौडधुप सुरु गरेका छन् । अध्यक्षमा वर्तमान अध्यक्ष केपी ओली पक्का जस्तै देखिएका छन् । अध्यक्ष पछिको सबैभन्दा कार्यकारी पद महासचिव को भन्ने चासो पनि एमालेजनमा देखिएको छ ।

नेतृत्वको लागी खुलेर क्याम्पेनीङ धेरैले नगरे पनि यस पटकको एमाले महधिवेशनवेशनमा महासचिव पदका लागी नेता सुरेन्द्र पाण्डेले तयारी सुरु गरेका छन् । आफुलाई सबैभन्दा स्वाभाविक र सशक्त दावेदारका रुपमा पाण्डेले तयारी अघि बढाएको बताइएको छ ।

नवौँ राष्ट्रिय महाधिवेशनमा पनी पाण्डले महासचिवमा पदमा प्रतिष्पर्धा गरेका थिए । त्यस बेला माधव नेपाल प्यानलबाट महासचिवमा प्रतिष्पर्धा गरेका उनी झिनो मतले इश्वर पोखरेल सँग पराजित भएका थिए ।

पाण्डे स्वयंमले पनि आफु अघिल्लो पटक पनि महासचिवमा प्रतिष्पर्धा गरिसकेका कारण त्यो भन्दा तल झर्न उपयुक्त नहुने भन्दै सार्वजनिक रुपमा बताइसकेका छन् । यस पटक एमालेको जोड सर्वसम्मत नेतृत्व चयनमा देखिएकाले ओली अध्यक्ष हुँदा महासचिवमा पाण्डे सर्वसम्मत हुन सक्ने बताइन्छ ।

विशेष सुत्रले ओटीभी नेपाल डटकमलाई दिएको जानकारी अनुसार पाण्डेलाई महासचिव बनाउँन पार्टी अध्यक्ष ओली पनि सकारात्मक भएको बताइन्छ । हालका उपमहासिचव बिष्णु पौडलले पनि महासचिवमा चासो राख्दा भने व्यवस्थापनमा केहि कठिनाइ हुन सक्ने बताइएको छ ।

लामो समय सम्म माधव नेपालको साथमा रहेका पाण्डे पार्टी विभाजनका बेला ओलीलाई साथ दिएर एमालेमै बसेका थिए । पाण्डेका पछिल्ला अभिव्यक्तिहरु पार्टी अध्यक्ष ओलीलाई खुशि पार्ने तरिकाले आइरहेका छन् ।

एमाले अध्यक्षमा ओली सर्वसम्मत हुने देखी संकटको समयमा ओलीले नेतृत्व गरेका कारण एक कार्यकाल अध्यक्षमा अरुले दावी गर्न नहुने लगायतका अभिव्यक्तिहरु पाण्डले पछिल्लो समय दिइरहेका छन् ।
पाण्डेका पछिल्ला अभिव्यक्तिहरुलाई महासचिवकै तयारीको बोलीका रुपमा अर्थाइएको छ ।

प्रमुख सम्भावनमा सुरेन्द्र पाण्डे र विष्णु पौडेल देखिए पनि अन्तिममा सिन परिवर्तन भएर शंकर पोखरेल वा अरु कसैले बाजी मार्न सक्ने सम्भावना पनि टाढा नरहेको दावी स्रोतले ओटीभी नेपाल सँग गरेको छ।