ईश्वर पोखरेलले नै यति भन्दिएपछि त सकियो ओलिको तनाब !

नेकपा एमालेका महासचिव ईश्वर पोखरेले चितवनमा हुन लागेको १०औँ महाधिवेशनपछि पनि एमाले केपी ओलीको नेतृत्वबिना अघि बढ्न सक्दैन भन्ने कुरा शुक्रबार ललितपुरको च्यासलमा आयोजित पत्रकार सम्मेलनमा स्पष्ट पारेका छन् ।

त्यसैले पोखरेल आफू ओलीको विकल्प नभएको बताइरहेका छन्।

नेसनल पोलिटिक्स दुई वटा पोलमा छ, एउटा पोल नेकपा एमालेले लिड गरिरहेको छ जसको नेता केपी ओलीले गर्नुहुन्छ। अर्को, विभिन्न शक्तिहरू छन्। जसको सिद्धान्त मिल्दैनर विचार मिल्दैन। ओलीले नेतृत्व गर्नुभएको पोलमा नेकपा एमालेका नेता कार्यकर्तामात्रै होइन देशलाई माया गर्ने सबै गोलबद्ध हुन जरुरी छ, ओलीको नेतृत्वलाई स्विकार्न आग्रह गर्दै पोखरेलले भनेका थिए।

एमाले नेताहरूका अनुसार ओलीले पोखरेललाई वरिष्ठ उपाध्यक्षका रूपमा अघि बढाउने पक्कापक्की छ। त्यसैले पोखरेलले मंसिर १० -१२ मा चितवनमा हुने महाधिवेशनमा ओली सर्वसम्मत रूपमा अध्यक्ष हुने दाबी गरिरहेका छन्।

यद्यपि, उपाध्यक्ष भीम रावल र उपमहासचिव घनश्याम भुसालले अध्यक्षका लागि आकांक्षा देखाइरहका छन्। तर, एमालेभित्र आफू कति कमजोर अवस्थामा छौँ भन्ने राम्रै जानकारी छ रावल र भुसाललाई। ुकेपी ओलीले आठौँ महाधिवेशन हारेका होइनन् ररु त्यो बेला हामी एकै प्यानलमा थियौँ। म उपाध्यक्षमा जितेँ। संविधानसभाको निर्वाचनमा ओली झापाबाट चुनाव हारेका होइनन् र ? माधव नेपालले काठमाडौँबाट हारेका होइनन् ररु,ुओलीसँग अध्यक्षमा लडे पराजित हुनसक्ने भन्दै रावलले गृह जिल्ला अछाम पुगेर कात्तिक २३ मा भनेका थिए।

उनीहरूले उम्मेदवारी दिए पनि त्यो औपचारिकतामा सीमित हुने सबैभन्दा बलियो उदाहरण हो १० बुँदे सहमति गरेर तत्कालीन वरिष्ठ नेता माधव नेपालको साथ छोडेका १० नेताको तितरबितर। पोखरेलले अध्यक्ष ओलीलाई कतिसम्म काँध थापिरहेका छन् भने एमाले र माओवादी केन्द्र २०७५ जेठ ३ मा एकीकरण भएर नेपाल कम्युनिस्ट पार्टी नेकपा बन्दा महासचिव पद खोसिँदा पनि उनले त्यसको प्रतिवाद गरेनन्। एमाले नेता विष्णु पौडेललाई ओलीले महासचिव बनाएका थिए।

पोखरेलको पद खोसिएको अर्को घटना हो ओली नेतृत्वको सरकारमा उनलाई रक्षा मन्त्रीबाट हटाएर प्रधानमन्त्री कार्यालयमा सारिनु। रक्षा मन्त्रालयबाट आफूलाई हटाउँदा पनि पोखरेलले ओलीलाई नै साथ दिए। तत्कालीन नेकपामा विवाद उत्कर्षमा पुग्दा ओलीको सबैभन्दा बढी बचाऊ गर्ने नेता पोखरेल नै थिए। हुन त ओलीले पोखरेलकै लागि भनेर विभिन्न अवसर सिर्जना नगरिदिएका भने होइनन्।

ललितपुरको गोदावरीमा सम्पन्न भएको विधान महाधिवेशनले ओली पछिको वरीयतामा रहने गरी एक जना वरिष्ठ उपाध्यक्षको व्यवस्था गरेको थियो। उक्त पद पोखरेलकै लागि सिर्जना गरिएको एमाले वृत्तमा चर्चा छ। ओलीलाई पोखरेलको दरिलो साथकै कारण चितवनमा हुने महाधिवेशनमा ओली इतरका नेताहरूको अस्तित्व सङ्कटमा पर्ने देखिन्छ।