रामचन्द्र पौडेलले लिए बोल्ड डिसिजन, सभापतीको दावी छोड्न तयार, तर एउटा सर्तमा

नेपाली काग्रेसको आसन्न महाधिवेशनमा सभापतीको दावेदार मध्येका एक प्रमुख दावेदार रामचन्द्र पौडल आफ्नो दावी छोड्न तयार भएका छन् ।

अघिल्लो महाधिवेशनमा सभापतीको उमेदवार बनेर शेरबहादुर देउवा सँग दोस्रो राउण्डमा पराजित भएका पौडलले यस पटक पनि संस्थापन इतर टिमबाट आफु उमेदवार बन्न पाउँनु पर्ने दावी गर्दै आएका थिए तर एउटा सर्तमा सो दावी छोड्न उनी तयार भएका भएका छन् ।

काग्रेसका वरिष्ठ नेता पौडलले वर्तमान सभापती शेरबहादुर देउवालाई फेरी सभापती बन्न बाट रोक्न जसरी भए पनि संस्थापन इतर टिम बाट एकजना साझा उमेदवार बन्नै पर्ने भन्दै एकजना मात्रै सझा उमेदवार बन्न सबैमा सहमती कायम हुन्छ भने आफु छोड्न तयार रहेको बताएका छन् ।

युवा नेतृत्वले तोकेरनै संस्थापन इतर बाट एक जनालाई तपाई सभापती बन्नुस भनेर भन्छन् र सो नाममा सहमती बन्छ भने आफुले दावी छोड्न तयार रहेको पौडेलले बताएका छन् । त्यसो गर्ने हो भने छिटो गर्नु पर्ने अब ढिलो भैसकेको उनले बताएका छन् ।

सझा उमेदवार बने आफु छोड्न तयार रहेको भने पनि पौडलले एक पटकलाई आफुलाई नै साझा उमेदवार बनाउँन पनि विन्ती विसाएका छन् । ने शुक्रबार भएको अनौपचारिक बैठकमा उनले आफू सभापति भए तीन तहकै चुनावमा काँग्रेसलाई जिताएर आफूले विदा लिने बताएको बैठकमा सहभागी नेताहरुले बताएका छन् ।

पौडेलले आफू एक पटक कांग्रेसको सभापति हुन चाहेको बताउँदै सभापति भए पार्टीलाई बलियो बनाउने बताएका थिए । उनले संस्थान इतर समूहबाट आफूलाई साझा उम्मेदवार बनाउन आग्रह गर्दै उम्मेदवार बनाए आफू सभापति जित्ने र आम निर्वाचनदेखि तिनै तहको निर्वाचनमा काँग्रेसलाई पहिलो बनाउने बताएका थिए ।

बैठकमा उनले भनेका थिए, ‘सहमतिका लागि म सधै उदार छु । म सधैंका लागि सभापति बन्ने पनि होइन । मेरो नेतृत्वमा आगामी निर्वाचनमा कांग्रेसलाई बहुमत दिलाउँछु । त्यसपछि तत्काल नेतृत्व हस्तान्तरण गर्न म सकरात्मक छु ।’

टिमभित्र सहमति जुटाउन आफू लचक रहेको भन्दै पौडेलले आफूबाहेकका दावेदारको नाममा सहमति भए पनि स्वीकार गर्ने बताएका थिए । उनको समूहबाट शशांक कोइराला, प्रकाशमान सिंह र शेखर कोइराला सभापतिका दावेदार देखिएका छन् । प्रकाशमान आफ्नो पक्षमा माहौल बनाउन शुक्रबार दिल्ली प्रस्थान पनि गरिसकेका छन् ।

एक्लाएक्लै लड्नुभन्दा आफूलाई साझा उम्मेदवार बनाउँदा राम्रो हुने उनको भनाई थियो । पौडेलले १३ औं महाधिवेशनमा आफू सभापतिमा पराजित भएपनि त्यसयता निष्क्रिय नरहेको बताउँदै एउटा महाधिवेशनमा पराजित हुँदैमा अयोग्य नहुने बताएका थिए ।

बैठकमा उनले भनेका थिए, ‘म सभापति हारेपछि सेलाएर बसेको छैन । निरन्तर सक्रिय नै छु । त्यसैले मलाई अस्वीकार गर्न भएन । कि तपाईंहरुमध्ये एकजना मिलेर आउनुस्, कि मलाई सघाउनुस्’, बैठकमा पौडेलले भने ।