त्यसो भन्ने र यसो भन्ने एउटै मुख हो प्रचण्डको ?

नेकपा माओवादी केन्द्रका अध्यक्ष पुष्पकमल दहाल प्रचण्ड प्रधानन्यायाधिश चोलेन्द्र शमशेर जबरा प्रकरणमा नराम्रो सँग चिप्लीएका छन् ।

प्रधानन्यायाधिश चोलेन्द्र शमशेर जबराको राजिनामा मागेर सर्वोच्च अदालतका न्यायाधिश र नेपाल वार एसोसिएनका वकिलहरुले आन्दोलन चर्काइरहेको बेला माओवादी केन्द्रका अध्यक्ष प्रचण्डले पर्दा पछाडी बाट डबल रोल खेलेको खुलासा भएको छ ।

जबराले आफ्ना जेठान गजेन्द्र हमाललाई मन्त्री बनाएर कार्यपालिकामा भाग खाएका कारणले राजिनामा दिनु पर्ने तर्क गरेर आन्दोलन भइरहेको छ । यहि आन्दोलनमा प्रचण्डले डबल रोल खेलेको तथ्य बाहिर आएको छ ।

हमाललाई नेपाली काग्रेसको कोटा बाट मन्त्री बनाइएको हो भनेर सबैभन्दा पहिले बोल्नै नै प्रचण्ड नै थिए उनले एक होइन अनेक पटक गजेन्द्र काग्रेसको कोटाबाट मन्त्री बनेको हो भनेर सार्वजनिक अभिव्यक्ति दिएका छन् । बाहिर बाहिर यस्तो भनेर बचाउ गरे पनि प्रचण्डकै निर्देशनमा रमण श्रेष्ठ र रामनारायण विडारीहरु यहि निहुँमा चोलेन्द्रलाई हटाउँन हात धोएर लागेका छन् ।

आफु चोलेन्द्रको बचाउ गर्ने तर रमण श्रेष्ठहरुजस्ता कार्यकर्तालाई चोलेन्द्रलाई हटाउँन प्रचण्डले उचालेका छन् , यति मात्रै होइन यो विवाद सुरु भए पछि प्रचण्ड आफैँले गएर मध्यरातमा प्रधान्यायाधिश राणलाई भेटेर आफैँले मिडियामा सुचना दिएका थिए ।

यस अघि आफुले सार्वजनिक रुपमा चोलेन्द्रको बचाउ गरेका प्रचण्ड अब भने उनले कुर्सी छोड्नु पर्ने आशयको कुरा गर्न थालेका छन् । न्यायालयमा यस्तो विवाद हुनु अशोभनिय भन्दै प्रचण्डले अभिव्यक्ति दिएका छन् । प्रचण्डको संकेत चोलेन्द्रले राजिनामा नदिए महाअभियोग लगाउँने भन्ने देखिएको छ ।

हिजो आफैँले भाग दिने र आफैँले बचाउ गर्ने आफैँ मध्यरातमा गएर भेटेर हल्ला गर्ने अनि आज आएर त्यहि कारण विवादित भएको मान्छेलाई दिए राजिनामा देउ नभए महाअभियोग लगाउँछौ भन्ने टाइपको करा गरेर तर्साउँन प्रचण्डले कुन मुखले सकेको होला भनेर प्रश्न उठ्न थालेको छ।