काग्रेसमा सस्थापन इतर समूह फुट्यो शंशाकले प्रकाशमानलाई मुख छोडे

नेपाली काग्रेसलाई पनि महाधिवेशनको रौनकले छोएको छ , नेताहरुका अभिव्यक्ति चर्को बन्दै गएको छ ।

१३ औँ महाधिवेशनमा वर्तमान सभापती शेरबहादुर देउवा विरुद्ध एकजुट भएको ंसंस्थापन इतर समूह १४औँ महाधिवेशनको मुखमा फुट्ने अवस्थामा पुगेको छ । रामचन्द्र पाडेल र प्रकाशमान सिहको पानीबाराबारको अवस्था छ भने शंशांक कोइराला पनि मुछिएका छन् ।

यस अघि जसरी पनि शेरबहादुर देउवालाई हराउँने भनेर लगाएर जमघट गर्दै आएका विपी पुत्र शशांक कोइराला, गणेशमान पुत्र प्रकाशमान र महेन्द्रनारयण पुत्र विमलेन्द्रको टिम आ आफ्नो बाटो लागेका छन् । शंशांकले त प्रकाशमानलाई तिखो टिप्पणी नै गरेका छन् ।

कांग्रेसका महामन्त्री डा। शशांक कोइरालाले वरिष्ठ नेता रामचन्द्र पौडेल र नेता प्रकाशमान सिंहले पार्टीको १४औँ महाधिवेशनमा सभापति पदमा जित्न नसक्ने बताएका छन् ।

केही दिनअघि सर्लाहीमा भएको एक कार्यक्रममा बोल्दै उनले संस्थापनइतर समूहबाट दाजु शेखर कोइराला मात्र सभापतिमा जित्ने उमेदवार भएको टिप्पणी गरेका हुन् । उनले नेता पौडेलले एकचोटि चुनाव लडिसकेकाले अब छाड्पर्ने संकेत पनि गरे ।

उनले पार्टीका पूर्वमहामन्त्री प्रकाशमान सिंहलाई काठमाडौंबाहिरका नेता–कार्यकर्ताले नचिन्ने कारणले सभापतिमा लड्न उपयुक्त नहुने टिप्पणी गरे । नेता सिंह काठमाडौंभित्रै घेरिएको उनको बुझाइ छ । पार्टीको महामन्त्री बने पनि सिंहको कार्यकर्तामाझ आत्मीयता नदेखिएको उनको भनाइ थियो ।

“उहाँको बारेमा भन्दाखेरी नराम्रो लाग्छ, तर सत्य हो, उहाँ काठमाडौंमै घेरिएर बस्नुभएको छ । काठमाडौंबाहिर निक्लिनेबित्तिकै प्रकाशमानलाई मान्छेले चिन्दैनन्,” उनले भने, “हुन त उहाँ पार्टीको महामन्त्री पनि हुनुभयो । तर, साथीहरूसँग उहाँको आत्मीयता म देख्दिनँ ।”

महामन्त्री कोइरालाले पार्टी सभापतिमा शेरबहादुर देउवालाई पराजित गर्ने हो भने नेता कृष्णप्रसाद सिटौलासहित संस्थापनइतर समूहको एकल उमेदवार बनाउनुपर्नेमा जोड दिए ।

“रामचन्द्रजी त एकचोटि लडिसक्नुभएको छ । अब सिटौलाजीलाई पनि हाम्रो टिममै तान्नुपर्‍यो । किनभने, सिटौलाजीसँग पनि धेरै मान्छे छन् । उहाँसहित हामी सबैको टिमबाट एउटै मान्छेले निर्वाचन लड्यो भने देउवाजी हामीसँग हार्नुहुन्छ,” उनले उक्त कार्यक्रममा भनेका थिए ।

महामन्त्री कोइरालाले दाजु शेखर कोइरालाले सभापति जित्ने भए अरू नेताहरूलाई पनि उनले मिलाउनुपर्ने उल्लेख गरे । “उहाँ र म मिल्नुपर्छ भन्ने साथीहरूको भावनालाई म सम्मान गर्छु । मलाई त उहाँले कन्भिन्स गरिहाल्नुहुन्छ । तर, उहाँलाई सभापति हुनु छ भने अरूलाई कन्भिन्स गर्न सक्नुपर्छ,” उनले भनेका थिए ।