अध्यक्षमा उमेदवारी घोषणा गरेका भिम रावललाई लाई लेखराज भट्टले लगाए यस्तो आरोप !

नेकपा एमालेको दशौँ राष्ट्रिय महाधिवेशनमा अध्यक्ष पदमा उमेदवारी घोषणा गरेका एमाले उपाध्यक्ष भिम रावल माथी गम्भिर आरोप लागेको छ ।

हिजो मात्रै आसन्न महाधिवशेनमा एमाले अध्यक्ष केपी ओलीलाई टक्कर दिँदै अध्यक्षमा उमेदवारी घोषणा गरेका रावललाई नेकपा एमाले सुदुरपश्चिम प्रदेश इन्चार्ज लेखराज भट्टले मुखभरिको जवाफ दिएका छन् ।

ओटीभी नेपाल डककम सँगको विशेष कुराकानीमा एमाले सुदुरपश्चिम प्रेदेश इन्चार्ज भट्टले एमाले उपाध्यक्ष समेत रहेका रावललाई निहुँ खोजा मान्छे भन्दै जवाफ दिएका छन् । रावललाई जहाँ पनि निुहँ खोज्न भन्दा अरु नआउँने आरोप पनि भट्टले लगाएका छन् ।

भट्टले अहिले देशभरका एमाले कार्यकर्ताको चाहना अध्यक्षमा केपी ओलीनै हुन पर्ने भन्ने रहेको भन्दै भिम रावलले एमाले अध्यक्ष बन्छु भन्नु रहरको बिषय मात्रै भएको बताए । कसैले रहर गर्दैमा एमालेको अध्यक्ष बन्न नसक्ने पनि उनले बताए ।

जे कुरा पनि मिडियामा गएर भन्ने, सामाजिक संजालमा पोखिहाल्ने , पार्टी सिस्टममा नआउँने लगायतका पाराले पछिल्लो समय भिम रावल जत्तिको नेता सारै हलुवा बनेको भन्दै भट्टले उनलाई सिंगो सुदुरपश्चिम त के उनकै गाँउका कार्यकर्ताले पनि नपत्याउँने बताए ।

भिम रावलले त कार्यकर्ताको भावनलाई सम्मान गर्न अध्यक्ष उठ्छु भन्नु भएको छ ,सुदुरपश्चिमका एमाले कार्यकर्ताको भावना भिम रावललाई अध्यक्ष बनाउँनु पर्छ भन्ने खालको छ ? भन्ने ओटीभी नेपाल डक कमको प्रश्नमा भ्टटले त्यो उहाँको भावना होला सुदुरपश्चिमका एमाले कार्यकर्ताको भावना होइन भनेर जवाफ दिएका छन् ।

विधान महाधिवेशनमा सबैले एक मतले विधान पारित गरिसकिएको हुँदा जसको निति उसको उसको नेतृत्वको मान्यता अनुरुप पनि दशौँ महाधिवेशनबाट केपी ओलीनै एमाले अध्यक्ष बन्नु पर्ने जिकिर भट्टले गरे । सदुरपश्चिमका एमाले प्रतिनिधीहरु भिम रावलका पछि नलागी ओलीको पक्षमा एकमतले गोलवद्ध हुने पनि उनले प्रष्ट पारे ।

नेकपा एमालेका सुुदुरपश्चिम प्रदेश इन्चार्ज लेखराज भट्टसँग एमाले महाधिवेशन लगायतका समसामयिक बिषयमा केन्द्रित रहेर ओटीभी नेपाल डटकमले गरेको भिडियो कुराकानी हेर्नुहोस्