भिम रावलले ठूलो गल्ती गरे उनलाई कुनै हालतमा साथ दिन सकिँदैन :अष्टलक्ष्मी शाक्य

नेकपा एमालेको दशौँ राष्ट्रिय महाधिवेशनमा अध्यक्षमा उमेदवारी घोषणा गरेका भिम रावलले एक पछि अर्को नराम्रो खबर सुन्नु परेको छ ।

कुनै समय रावल सँगै रहेर काम गरेका एमालेका पुराना नेताहरुले समेत रावलको कदमको खुलेर विरोध गर्दै उनको कमललाई साथ दिन नसकिने बताउँन थालेका छन् ।

एमाले की उपाध्यक्ष तथा वाग्मती प्रदेशकी निवर्तमान मुख्यमन्त्री अष्टलक्ष्मी शाक्यले भीम रावलले अध्यक्षमा उम्मेद्धवारी दिने घोषणा गरेकोमा असन्तुष्टि व्यक्त गरेकी छिन् ।

उनले भनिन्,‘यतिवेला चारैतिरबाट पार्टीमा संकट आएको छ, अप्ठ्यारो आएको छ, यो महाधिवेशनबाट नेकपा एमाले एक ढिक्का, एक मना, एकताका साथ एक ढिक्का भएर यो मुलुक हाँक्नुपर्छ भनेर अगाडि बढ्ने बेलामा, रावल कमरेडले ९मलाई थाहा छैन, उहाँहरुको व्यक्तिगत कुरा होला, निजी कुरा हो, अहिलेको बेलामा त्यसो नगरेको भए हुन्थ्यो ।’

उनले रावलले सबैसँग बसेर छलफल गर्नुपर्ने थियो भन्ने धारणा राखिन् । उनले भनिन्,‘छलफल नै नगरी एकैचोटी अध्यक्षमा उम्मेद्धवारी घोषणा गरेर अप्ठ्यारो स्थिति सिर्जना गर्नुहुँदैन भन्ने मेरो धारणा हो, यो बेला चाहीँ उम्मेद्धवारी दिनुहुँदैन थियो । उहाँले गलत गर्नुभयो । मलाई त्यस्तै लाग्छ ।’

उनले रावलले आफूहरुसँग छलफल नै नगरेको पनि गुनासो पोखिन् । उनले आफूले थाहा पाएअनुसार अध्यक्ष केपी शर्मा ओली र भीम रावलबीच छलफल भएको थियो । तर, उनीहरुसँग के÷कस्तो छलफल भयो रु भन्ने कुरा आफूलाई यकिन थाहा नभएको उनले सुनाईन् ।

त्यस्तै एमाले नेता एवं पूर्व सञ्चारमन्त्री पार्वत गुरुङले सहमतिका साथ नेतृत्व चयनको दिशामा अघि बढन सबै नेता कार्यकर्ता र महाधिवेशन प्रतिनिधिहरुलाई अपील गरेका छन् ।

दशौं महाधिवेशनको मिति नजिकिँदै जाँदा नेतादेखि महिाधवेशन प्रतिनिधिसम्मले धमाधम उम्मेद्वारी घोषणा गर्न थालेपछि आज सामाजिक संजाल फेसबुकमा एक स्टाटस लेख्दै नेता गुरुङले यस्तो अपील गरेका हुन्।

एमालेमा अध्यक्ष केपी शर्मा ओलीलाई सर्वसम्मत पुनः अध्यक्ष बनाउनु पर्ने अडानमा रहनुभएका नेता गुरुङले उपाध्यक्ष भीम रावलले अध्यक्षमा उम्मेद्वारी घोषणा गरेलगत्तै घोषणा गरिसकेको अवस्था भए पनि सच्याउन समेत आग्रह गरेका छन् ।

‘गुट र फुटकै कारण नेपाली कम्युनिष्ट आन्दोलन पटक पटक पछारिएको छ । गुट र फुटमुक्त पार्टी निर्माणका लागि दशौं महाधिवेशनलाई नमुना महाधिवेशन बनाऔं । उम्मेद्वारी घोषणा गरेका वा गर्न लागेका आदरणीय नेताहरुलाई सर्वसम्मत रुपमा नेतृत्व निर्माणका लागि तपाईंको भूमिका रहोस भन्दै निर्णय सच्याउन हार्दिक आग्रह गर्दछु,’ गुरुङले सामाजिक सञ्जालमार्फत भनेका छन् ।