एमाले महासचिवमा शंकर पोखरेल !

प्रमुख प्रतिपक्षी दल नेकपा एमालेको दशौँ राष्ट्रिय महाधिवेशन दैलोमै आइपुगेको छ । राष्ट्रिय अन्तराष्ट्रिय रुपमा बढो चासोका साथ यो महाधिवेशनलाई हेरिएको छ ।

एमालले विधान महाधिवेशन सम्पन्न गरिसकेकाले यो महाधिवेशनले गोदावरीको विधान महाधिवेशनबाट पारित नितीलाई हाक्ने नेतृत्व चयन गर्ने छ । इतिहासकै विशिष्ट घडी बाट अघि बढिरहेको एमालेको आगामी नेतृत्व कस्तो आउँछ भन्ने चासो हरेक हिसाबले व्यापक मात्रामा रहेको देखिन्छ ।

अध्यक्षमा फेरी पनि केपी ओलीनै अनुमोदन हुने पक्का पक्की छ अध्यक्ष पछिको कार्यकारी पद महासचिव को बन्ला भन्ने बिषय बढो पेचिलो र रोचक ढंगले अघि बढेको छ । अहिले महासचिवमा ओलीले जसलाई रोज्दछन् उनै ओलीको उत्तराधिकारी हुने विश्लेषण गरिएको छ त्यसकारण पनि एमाले महासिचवमा सबैको ध्यान गएको छ ।

एमाले महासचिवका लागी अहिले चर्चामा विष्णु पौडेल , शंकर पोखरेल ,सुरेन्द्र पाण्डको नाम विशेष रुपमा चर्चामा आएको छ । वर्तमान सचिव पृथ्वीसुब्बा गुरुङले पनि महासचिवमा दावी गर्दै आफ्नो प्रचार अभियान सुरु गरेका छन् । पाण्डे बाहेक सबै ओलीका निटक पात्र मानिन्छन् ।

महासचिवको दौडमा रहेका नेताहरु मध्ये पछिल्लो समय नेता शंकर पोखरेलको सम्भावना व्यापक बन्दै गएको छ। एमालेले मार्गदर्शक सिद्धान्त मान्दै आएको जननेता मदन भण्डारीद्धारा प्रतिपादित जनताको बहुदलीय जनवादमा गहिरो अध्ययन भएको र विश्लेषण गर्न सक्ने क्षमता भएका पोखरेललाई महासचिव बनाउँनु पर्ने आवाज निकै प्रखर रुपले उठ्न थालेको छ ।

एमाले अध्यक्ष ओलीले सार्वजनिक रुपमा पदाधीकारीमा मेरो छनोट यो भनेर नभन्ने जो सर्वसम्मत हुन्छ उही मेरो मान्छे र जो निर्वाचित भएर आउँछ उही मेरो मान्छे भनेर कुटिल जवाफ दिएका छन् । ओली पक्ष भित्रै अहिले विष्णु पौडेल की शंकर पोखरेल भन्ने बिषय निकै पेचिलो बन्दै गएको छ ।

वर्तमान उपमहासचिव विष्णु पौडेल र एमालेको नवौँ महाधिवेशनमा उपमहासचिवमै पराजित भएका नेता शंकर पाखेरेल दुवै लुम्बिनी प्रदेशका हुन् । दुई मध्ये एक रोजेर तपाई बन्नुस भनेर ओलीले बाहिर फ्याट् मुख नखोले पनि शंकरलाईनै महासचिव बनाउँन ओली पनि तयार भएको स्रोतको दावी छ ।

लुम्बीनी प्रदेशको मुख्यमन्त्री हुँदा आफ्नो क्षमताका देखाएको र वैचारिक सुस्पष्टाकाका कारण पोखरेललाई ओलीको उत्तराधीकारीका रुपमा हेर्न थालिएको छ । एमाले उपमहासचिवबाट एमाले र माओवादी केन्द्र एकता भएर नेकपा हुँदा पौडललाई महासचिव बनाइएको थियो उनले मौका पाइसकेको तथा उनको सामाजिक छवि पनि विवादरहित हुन नसकेका कारण ओलीले झ्याप्पै काँध हाल्न सक्ने अवस्था अहिले नरहेको बताइन्छ ।

ओली निटकहरुको चाहना सके सम्म महासचिवमा विष्णु पौडल र शंकर पोखरेल विच प्रतिष्पर्धा नहोस् भन्ने देखिन्छ । पौडललाई उपाध्यक्ष र पोखरलेलाई महासचिव बनाएर जाने पौडलले महसचिवमा प्रतिष्पर्धा गर्नेनै भए भने उनलाई सहयोग नगर्ने पोखरेललाई महासचिवमा विजयी गराउँने तयारी ओली निकट नेताहरुको छ ।