एमाले महासचिवमा शंकर पोखरेल ,उपमहासचिवमा प्रदिप ज्ञवाली !

प्रमुख प्रतिपक्षी दल नेकपा एमालेको दशौँ राष्ट्रिय महाधिवेशन आजबाट चितवनमा सरु हुँदैछ, नयाँ नेतृत्व चयन गरेर सम्पन्न हुने महाधिवेशन तिर सिंगो देशको ध्यान मोडिएको छ ।

नेकपा एमालेका अध्यक्ष ओली देखी अध्यक्षका अर्का प्रत्यासी भिम रावल सम्म हिजै चितवन पुगेर आफ्नो पक्षमा माहोल बनाउँन खटिएका छन् । एमालेका शीर्ष तहका सबै नेता देखी अधिकांश प्रतिनिधी सम्म चितवन पुगीसकेका छन् ।

महाधिवेशनमा नेतृत्वको लागी मनोनयनको केहि समय मात्रै बाँकी रहँदा नेतृत्वका आकांक्षीहरुको दौडधुप चलिरहेको छ। सौराहमा बसेका ओली देखी भिम रावल सम्म बसेका होटलहरुका मध्यरात सम्म संवाद चलेको छ । भरसर सर्वसम्मत नेतृत्व चयनका लागी कसरत भइरहे पनि त्यो सम्भावना कम हुँदै गएको नेताहरु बताउँछन् ।

अध्यक्षमा भिम रावलले पनि आकांक्षा राखे पनि वर्तमान अध्यक्ष केपी ओलीनै फेरी पनि अध्यक्षमा दोहारिने पक्का छ । अ‍ोली प्रतिस्पर्धा मार्फत निर्वाचित हुने कि निर्विरोध हुने मात्रै सवाल रहेको छ । अध्यक्ष बाहेकका पदमा भने सहज व्यवस्थापनको अवस्था देखिएको छैन ।

अध्यक्ष पछिको वरियता वरिष्ठ उपाध्यक्षमा इश्वर पोखरेल ,सुवास नेम्वाङ , रामबहादुर थापा बादल लगायतले आकांक्षा राखेका छन् । यो व्यवस्थापनमा ओलीलाई हम्मेहम्मे पर्ने देखिन्छ । सर्वसम्मत गर्दा नेतृत्व व्यवस्थापन गर्न कठिन हुने हुँदा निर्वाचनकै सम्भावना देखिएको छ ।

सबैको चासो रहेको अध्यक्ष पछिको सबैभन्दा कार्यकारी पद महासचिवमा विष्णु पोडेल, शंकर पोखरेल ,सुरेन्द्र पाण्डे र पृथ्वीसुब्बा गुरङ लगायतको नाम चर्चामा छ । यी नामहरु मध्ये ओलीको रोजाइमा शंकर पोखरेल पर्ने बुझिएको छ । पोखरेललाई नै महासचिव बनाएर लैजाने ओलीले तयारी गरेका छन् ।

पोखरेल एमाले भित्र वैचारिक नेता मानिन्छन् । मदन भण्डारीले प्रतिपादन गरेको सिद्धान्त जनताको बहुदलिय जनवादमा पोखरेल सिद्धहस्त व्यक्ति मानिन्छन् । पौैडेललाई उपाध्यक्ष बनाएर पोखरेलाई महासचिव बनाउँन ओलीलाई एमाले नेता कार्यकर्ताले सुझाएका छन् । निर्वाचननै भए पनि महासचिवमा पोखरेलनै निर्वाचित हुने गणित तयार पारिएको बताइन्छ ।

एमालेको उपमहासचिवमा भने वर्तमान सचिव प्रदिप ज्ञवाली पक्का जस्तै भएका छन् । अहले सम्म ज्ञवालीलाई उपमहासविचमा टक्कर दिने अनुहार खासै देखिएको छैन । एमालेले एक मात्रै उपमहासचिवको व्यवस्था गरेको छ । अहिलेका उपमहासचिवहरु घनश्याम भुषालले उपाध्यक्ष हुने आकांक्षा राखेका छन् भने विष्णु पौडेल महासचिवको दौडमा रहेका छन् ।

उपमहासचिवमा दावी गर्न सक्ने वर्तमान सचिवहरु योगेश भट्टराई र गोकर्ण विष्टहरुले दावी गर्न सक्ने अवस्था देखिएको छैन । भट्टराईले पाए फेरी पनि सचिवमा दोहोरिने आकांक्षा राखेका छन् भने विष्टले खुलेर नबोले पनि सचिवमै चित्त बुझाउँने तयारी गरेको बताइन्छ ।

अरु पदमा यसै भन्न सक्ने अवस्था नदेखिए पनि नेकपा एमालेको दशौँ राष्ट्रिय महाधिवेशन बाट अध्यक्षमा केपी ओली , महासचिवमा शंकर पोखरेरल र उपमहासचिवमा प्रदिप ज्ञवाली निर्वाचित हुने सम्भावना बढेर गएको छ ।