देउवालाई साथी राखेर ओलीले यसो भने पछि कटक्कै खायो प्रचण्ड र माधवको मन

आज बाट चितवनमा सुरु भएको प्रमुख प्रतिपक्षी दल नेकपा एमालेको दशौँ राष्ट्रिय महाधिवेशनमा अध्यक्ष केपी ओलीले प्रचण्ड र माधव नेपालको मन कटक्कै खाने गरी भाषण गरेका छन् ।

नारायणी किनारमा भएको महाधिवेशनको उद्घाटन सत्रका प्रमानमन्त्री एवं नेपाली काग्रेसका सभापती शेरबहादुर देउवा प्रति निकै सम्मान भावमा प्रस्तुत भएका ओली माओवादी केन्द्रका अध्यक्ष पुष्पकमल दहाल प्रचण्ड र नेकपा एसका अध्यक्ष माधव कुमार नेपाल प्रति भने उदार बन्न सकेनन् ।

नेकपा माओवादी केन्द्रको तर्फ बाट नेकपा एमालेको दशौँ राष्ट्रिय महाधिवेशनमा सम्बोधन गर्न चितवन पुगेका नेता लिलामणी पोखरेललाई अगाडीनै रोखेर ओली प्रचण्ड र माधव माथी खनिएका छन् । नेकपा एसलाई भने एमालेले कार्यक्रममा निम्तानै गरेको थिएन । बामपन्थी सरकार ढालेर दक्षिणपन्थी सरकार बनाउँने तत्वहरु भन्दै ओली प्रचण्ड माधव माथी खनिएका छन् ।

झण्डै एक घण्टा लामो सम्बोधनका क्रममा ओली आफ्नो सरकार ढाल्न निर्णायक भूमिका खेलेका पूर्व सहकर्मीहरू पुष्पकमल दाहाल प्रचण्ड र माधवकुमार नेपालप्रति रूखो शैलीमा प्रस्तुत भए।

ओलीले उद्घाटन समारोहमा उपस्थित कांग्रेस सभापति एवम् प्रधानमन्त्री शेरबहादुर देउवाप्रति नरम रुपमा प्रस्तुत हुँदै बाध्यतामा परेर आफूलाई विस्थापित गर्दै उनी सरकारमा जानुपरेको संकेत गरे। सम्बोधनका क्रममा देउवाप्रति नरम देखिएका उनले पाँच दलीय गठबन्धनका नेताहरु दाहाल र नेपालमाथि पटक पटक आक्रमण गरे।

उनले देउवालाई फकाउँदै अहिलेको सरकारबारेमा धेरै टिप्पणी गर्न नचाहेको बताए। असार २८ मा सर्वोच्चको अदालतको फैसलाले सरकारबाट हटेपछि पहिलो पटक आफ्नै मञ्चमा देउवालाई स्वागत गरेका ओलीले सहकार्य हुन सक्ने पनि संकेत गरे।

देउवाबारे उनको सम्बोधनको सार भनेको उनी प्रचण्ड र माधवका कारण बाध्यतामा परे सरकारमा जानुपरेको भन्ने थियो। ओलीले आफ्नो सरकार ढाल्नेहरू माधव प्रचण्ड अहिले प्रधानमन्त्री देउवाको खुट्टा समातेर बसेको बताए।

ुअहिलेको सरकारबारे म केही भन्दिनँ। प्रधानमन्त्रीलाई मञ्चमा राखेर मैले सरकारबारे बोल्नु उचित हुँदैनु, उनले देउवातिर इसारा गर्दै भने, प्रधानमन्त्री त काम गर्न चाहनु हुन्छ जस्तो लाग्छ तर उहाँलाई काम गर्न अफ्ठ्यारो छ किरु आफैंले अतिथि बनाएर बोलाएपछि सरकारबारे यहाँभन्दा धेरै नबोलौँ।

यति भन्दा भन्दै पनि ओलीले सम्बोधनका क्रममा अलिक अगाडि पुगेपछि देउवा नेतृत्वको सरकारलाई दक्षिणपन्थी भन्न भ्याए। कतिसम्म भने आफ्नै सरकार ढालेर, आफ्नै अध्यक्षविरुद्ध लागेकाहरू अहिले दक्षिणपन्थी सरकार बनाएर गएका छन्, उनले माधव(प्रचण्डलाई कटाक्ष गर्ने क्रममा देउवा नेतृत्वको सरकारबारे गरेको यो कडा टिप्पणी थियो।

‌ओलीले आफ्नो खुट्टा तान्नेहरू अहिले देउवाको खुट्टा समातेर सरकारमा बसेको भन्दै माधव(प्रचण्डमाथि आक्रोश पोखिरहे। मलाई अफ्ठ्यारो पार्नेहरू, खुट्टा तान्नेहरू अहिले प्रधानमन्त्री देउवाजीको खुट्टा समातिरहेका छन्, ओलीले भने।

आफ्नो गृहजिल्लामा भएको एमालेको महाधिवेशनमा सहभागी हुन प्रचण्डले इच्छा देखाएनन्। बरु आफू काभ्रेको महाभारत र तालढुंगातिर लागेर लीलामणि पोखरेललाई चितवन पठाए।

ओलीसँग चिसिएको सम्बन्धलाई प्रचण्डले एमालेको मञ्चमा पुगेर सुधार्न चाहेनन्। बरु एमाले महाधिवेशनलाई बेवास्ता गर्दै आफ्नै पार्टीको गाउँपालिका अधिवेशन उद्घाटन गर्न हेलिकोप्टरमा काभ्रेतिर लागे।

ओलीले जनताका छोराछोरीलाई युद्धमा लगाएर आफ्नी छोरीलाई मन्त्री बनाएको भन्दै प्रचण्डमाथि उनकै जिल्लामा कडा प्रहार गरे। ओलीले प्रचण्डले शान्ति प्रक्रियालाई टुंग्याउन नचाहेको आरोप पनि लगाएका छन्। तर अहिले देउवा नेतृत्वको सरकारमा प्रचण्ड सत्ता साझेदार मात्रै हुन्।

उनले आन्दोलनका क्रममा भएको घाइतेहरुको उपचार गर्न र समस्यामा परेकालाई सहयोग गर्न पनि दाहाललाई चुनौती दिए। ओलीले महाधिवेशन सकिनेबित्तिकै दशौँ हजार पूर्व लडाकुहरुलाई एमालेमा प्रवेश गराउने तयारी रहेको भनेर प्रचण्डलाई झस्काउन पनि भ्याए।

ओलीले अहिलेसम्म पनि शान्ति प्रक्रिया नटुंगिएको बताएका छन्। उनले प्रचण्डको नेतृत्वमा पुरानै नाम लिएर एउटा चोइटो गएको पनि बताए। प्रचण्डकै कारण सत्यनिरुपण तथा बेपत्ता खोजबिनको काम अड्किएको जिकिर ओलीले गरे।

‘अहिले पनि शान्ति प्रक्रिया किन टुंगो लगाउनुहुन्न उहाँरु किन घाइतेहरुको बन्दोबस्त गर्नुहुन्नरु जेलमा रहेका झूटा मुद्दा किन खारेज गर्नुहुन्न रु किन घाइतेको उपचार हुँदैनरु किन बहिर्गमित लडाकुहरुको व्यवस्थापन हुँदैनरुु, ओलीले आफ्नो महाधिवेशनमा नआइ काभ्रे पुगेका प्रचण्डलाई इंगित गर्दै भने, ‘अनि मन परेका मान्छेलाई दश, दश हजार बाँड्ने रे !दश, दश हजार मन परेको मान्छेलाई बाँडेर यो समस्याको समाधान हुन्छरु घाइतेलाई उपचार गर्नुस्। समस्यामा परेकालाई हेर्नुस्।उनले सरकारमा भएकाले प्रचण्डले यी कुरा सम्बोधन गरेर देखाउन पनि चुनौती दिए।

हिजो सरकारले गर्न दिएन भनेर भाषण गर्नुहुन्थ्यो। तर, आज म प्रधानमन्त्री नभए पनि यो सरकार मेरो हातको कठपुतली हो म नचाइदिन्छु, मै शक्तिशाली, मै पावरफुल भन्दै हुनुहुन्छ। किन पावर देखाउनुहुन्नरु पावर देखाउनुस्, उनले भने, समस्या समाधान गर्नुस् लडाकुका। म भन्न चाहान्छु, अब यो महाधिवेशन सकिनेबित्तिकै हामी पूर्व लडाकुको व्यवस्थापन गर्नेछौँ। पूर्व लडाकुहरु एमालेमा प्रवेश गर्दै हुनुहुन्छ।

ओलीले प्रचण्डले युद्ध गराएका लडाकुलाई बेवास्ता गरेको भन्दै उनीहरुलाई फकाउने कोसिस गरे। तर त्यो कुराको प्रहार पनि उनै प्रचण्डमाथि थियो।हामी पूर्व लडाकुहरुको व्यवस्थापन गर्छौँ। अहिले मिल्ने भए यहाँ दशौँ हजार प्रवेश गर्न तयार थिएु, उनले भने, जनयुद्ध हाँक्ने पूर्वलडाकु तर मेयर र मन्त्री त अरु नै बनेँ।

उनले पूर्व लडाकुहरुको अधिकार एमालेले दिने बताउँदै पार्टीमा आउन पनि अपिल गरे। ओलीले आफूले निम्ता समेत नपठाएका माधव नेपाल र उनको पार्टीबारे खुलेर बोलेनन्। उनले प्रचण्डसँगै मुछेर माधव नेपाल पनि आफ्नो सरकार ढालेर कांग्रेसको सरकार बनाउन लागेको बताए।