सुवास नेम्वाङले ओलीलाई अप्ठेरो पार्न यति सम्म गर्लान् भनेर कसले पो सोचेको थियो होला र !

चितवनमा जारी नेकपा एमालेको दशौँ राष्ट्रिय महाधिवेशनमा सर्वसहमत हुन नदिने मुख्य भुमिका सुवास नेम्वाङले खेलेकोे खुलासा भएको छ ।

ओली निकट रहेर लामो समय काम गरेका नेम्वाङलाई ओलीले यस पटक विशेष अनुरोध गर्दा पनि वरिष्ठ उपाध्यको दावी छोडेका छैनन् । ओलीलाई अप्ठेरो पार्ने डिजाइन अन्तर्गत उनले घनश्याम भुषालहरुको साथ लिएको बताइन्छ ।

कुनै पनि हालतमा इश्वर पोखरेललाई बरिष्ठ उपाध्यक्ष बन्न बाट रोक्नका लागी नेम्वाङ र भुषालहरुको साँठगाँठ रहको बताइन्छ । वरिष्ठ उपाध्यक्ष दाबी गरिरहेका भुषाल नेम्वाङ सँगको वार्ता पछि व्याक भएका छन् भुषालले सुवासलाई वरिष्ठ उपाध्यक्षमा सहयोग गर्ने वचन दिएको बताइएको छ ।

मुखले चिल्लो घसे पनि सुवास नेम्वाङ पहिल्यै देखी भित्रभित्रै ओलीलाई असफल बनाउँने डिजाइमा काम गरिरहेको जानकारहरु बताउँछन् । ओलीले संसद विघठन गर्दा आफुले हुँदैन भन्दा भन्दै गरेको भनेर बौल्दै आएका नेम्वाङ र संसद विघठनलाई प्रतिगमन भन्ने भुषालहरुको मिलन रहस्यमय रहेको एमालेजनको वुझाइ रहेको छ ।

बरिष्ठ उपाध्यक्षका दुई आकांक्षी ईश्वर पोखरेल र सुवास नेम्वाङ तथा महासचिवका दुई आकांक्षी विष्णु पौडेल र शंकर पोखरेललाइ सहमतिमा ल्याउन पनि सहज देखिएको छैन ।

हिजो बसेको केन्द्रीय कमिटी बैठकले लिएको पदाधिकारी बढाउने, पोलिटब्यूरो थप्ने र केन्द्रीय कमिटीको आकार बढाउने निर्णयले त्यो सकस समाधान हुने आशा गर्दै एमाले वृत्तमा खुसी छाएको थियो । तर, अझै पनि समस्या जहाँको त्यही देखिएको छ । आफू निकटस्थहरूलाई नै समझदारीमा ल्याउँन नसक्दा ओली सकसमा परेका छन् ।

समस्या समाधानका लागि ओलीले बरिष्ठ उपाध्यक्षका दाबेदारहरूलाई फकाउने कोसिस गरिरहेका छन् । ओलीले भविष्यमा राष्ट्रपतिमा अघि सार्ने बचन दिँदै नेम्वाङलाई बरिष्ठ उपाध्यक्ष छोडिदिन आग्रह गरिरहेका छन् ।

त्यसपछिको सकस महासचिवमा हो । ओलीको कोर टिमले पोखरेललाई महासचिवका रुपमा अघि सार्न चाहिरहेको छ । तर, नेकपामै महासचिव भइसकेका र सांगठनिक अवस्थामा मजबुत रहेका पौडेल भने कुनै पनि अवस्थामा महासचिव नछाड्ने अडानमा छन् ।

पौडेललाई पनि उपाध्यक्षमा व्यवस्थापन गर्न खोजिएको छ । तर, महासचिव आगामी उत्तराधिकारी हुने भएकाले पौडेल महासचिव छाड्ने अवस्थामा छैनन् ।

अरुबीच सहमति हुँदा सांगठनिक अवस्थाले कमजोर रावल अध्यक्षमै भिडिरहेन मुडमा छैनन् । सहमति हुने अवस्थामा उनी बरिष्ठ उपाध्यक्षमा पनि कम्प्रोमाइज गर्ने सोचमा छन् ।

तर, माथि उल्लेख गरिएका पात्रहरूबीचमा सहमति नहुँदा दुईवटा समीकरण बन्ने देखिएको छ । यस्तो अवस्थामा रावलले एउटा खेमाको नेतृत्व लिएर शक्ति बढाउने रणनीतिमा छन् ।

उपमहासचिव र सचिवलगायतको पदमा भने अहिले विषय नै प्रवेश गरिसकेको छैन। त्यस्तै एमाले भित्रको पूर्व माओवादी फ्याक्टरको व्यवस्थापनको विषयमा पनि कुरा प्रवेश गरिसकेको छैन ।

अहिलेसम्म समस्या नभएको भनेको चाहिँ उपाध्यक्षमा रामबहादुर थापा ‘बादल’ लाई व्यवस्थापन गर्ने विषय हो ।