गगन थापाले समेत पत्याउँन छोडे देउवा सरकारलाई!

पूर्व मन्त्री एवं नेपाली काग्रेसका सांसद गगन थापाले दार्चुला घटनाको सन्दर्भमा देउवा सरकार माथी अविश्वास प्रकट गरेका छन् । तुइन तर्ने क्रममा इण्डीयन एसएसबीले डोरी काटेर दार्चुलाका जयसिंह धामीले ज्यान गुमाएको विषयमा सरकारले ढाकछोप गर्ने त होइन भन्दै गगगनले संसदमै देउवा सरकार माथी प्रश्न उठाएका छन् ।

सत्तारुढ दल नेपाली कांग्रेसका सांसद गगनकुमार थापाले दार्चुलाको महाकाली घटनाका सन्दर्भमा गम्भीर प्रश्न उठाएका छन् । प्रतिनिधिसभाको मंगलबार बसेको बैठकमा बोल्दै उनले गृहमन्त्री बालकृष्ण खाँणलाई जयसिंह धामीको विषयमा भारतीय पक्षको सहभागिता नरहेको कुरा मिडियामा आएका छ सत्य के हो भन्ने प्रश्न गरेका छन् ।

सांसद थापाले भने, ‘यदि मिडियामा आएको कुरा सत्य हो भने, यस्तो हो भने भारती पक्षले छानविन समितिलाई कस्तो सहयोग गर्ला रु हाम्रो छानविन समितिले सत्य तथ्य पत्ता लगाएर ल्याउछ भन्ने विश्वास कसरी दिलाउनु हुन्छ ?

‘साथै उनले २०१२ मा केरेलाको तटको नजिक इटेलियन मरुवारहरुको गोलीबाट २ जना मछुवारहरुको हत्या गर्दा भारतीय सरकार तिन चार वर्ष दृढ भएर लडेको विषयलाई स्मरण गराउँदै जयसिंह धामीको सन्दर्भमा सत्यतथ्य बाहिर आएपछि जसरी भारत इटालीसँग लड्यो त्यसरी नै तरिरहेको तुहिन काटेको विषयमा नेपाल भारतसँग लड्छ भन्ने विश्वास गृहमन्त्रीले कसरी दिलाउनु हुन्छ रु ‘भन्ने प्रश्न गरेका छन् ।

यता गृहमन्त्री बालकृष्ण खाणले दार्चुलामा तुइन तर्ने क्रममा खसेर बेपत्ता भएका जयसिंह धामीको खोजतलास जारी रहेको बताएका छन् । नेपाल र भारत दुवैतर्फका सुरक्षाकर्मीले खोजतलास गरिए पनि फेला पार्न नसकिएको उनले जानकारी दिए ।

संसद बैठकमा आज विशेष समय लिएर बोल्दै गृहमन्त्री खाणले घटनाको अनुसन्धानका विषयमा जानकारी दिएका थिए । उनले भारतीय सशस्त्र प्रहरीले तुइन काटेको विषय उल्लेख गरेनन् ।
‘तुइन तर्ने क्रममा खसेर मृत्यु भएको भनी जिल्ला प्रहरी कार्यालय दार्चुलामा निवेदन दिएका छन् । तुइन तरेर पारी पुगेका तीन जनासँग जानकारी लिने काम भइरहेको छ,’ उनले भने ।