एमालेको महाधिवेशन गगन थापालाई किन यत्रो खसखस !

चितवनमा प्रमुख प्रतिपक्षी दल नेकपा एमालेको महाधिवेशन चलिरहेको छ यता काग्रेस नेता गगन थापालाई भने उल्काको खसखस भएको छ ।

उद्घाटनका दिन नारायणी किनारमा एमालले लाखौँ मान्छे उतारेर भव्य शक्ती प्रर्दशन गरे पछि त झन् थापालाई खपिनसक्नुकै उखरमौलो भएको देखिएको छ । हरेक दिन एमाले महाधिवेशको बारेमा कुरा काटेरै उनको दैनिक वितिरहेको छ ।

काग्रेसका सभापती शेरबहादुर देउवा आफैँ एमालेको महाधिवेशनमा विशेष अतिथिको रुपमा सहभागी भएर सफलताको शुभकामना दिएर फर्किएका छन् उनले एमाले अध्यक्ष ओली र आफु जे ल मेट भएको सम्म स्मरण गर्दै लोकतन्त्र बचाउँनका लागी अझै सहकार्यको प्रस्ताव गरेका छन् तर थापालाई भने त्यो देखेर औडाहनै भएको देखिएको छ ।

चितवनमा एमालेले गरिरहेको अधिवेशन नभएर ओलीवेशन भनेर टिप्पणी गरेका थापाले एमाले महाधिवेशनकै सन्दर्भमा अर्को छुद्र टिप्पणी गरेका छन् । चितवन बाट फर्कदै गरेको एमाले खतरनाक भएको भन्दै थापाले त्यस्तो एमालेलाई काग्रेसले तह लगाउँने बताएका छन् ।

थापाले चितवन महाधिवेशनपछि नेतृत्वमा आएको नेकपा एमालेलाई काँग्रेसले तह लगाउने बताएका छन्। आइतबार नेपाली काँग्रेस काठमाडौं जिल्ला कार्य समितिको १४ औँ जिल्ला अधिवेशन उद्घाटन समारोहमा बोल्दै नेता थापाले एमालेलाई काँग्रेसले तह लगाउने बताएका हुन्।

उनले १० औँ महाधिवेशनपछि नेतृत्वमा आउने एमालेले जनवाद गुमाएर देशको प्रजातन्त्र सक्ने बाटोमा अघि बढने बताए। नेता थापाले एमाले अहिले बरालिएको भन्दै बरालिएको एमालेलाई सही ठाउँमा ल्याएर प्रतिष्पर्धा गर्ने ल्याकत काँग्रेसले राख्नु पर्ने बताए।

‘नेकपा एमालेले राष्ट्रिय राजनीतिमा लिने पोजिशन, उसले लिने राजनीतिक कार्यदिशाले नेपाली काँग्रेससँग धेरै ठूलो महत्व राख्छ,’ उनले भने, ‘चितवन महाधिवेशनपछि आएको नेकपा एमालेले आफ्नो भित्रको जनवादलाई सकाएको मात्रै होइन, देशको प्रजातन्त्रलाई सक्ने बाटोमा यो अघि बढेर आउँछ।’

नेता थापाले चितवनमा भइरहको नेकपा एमालेको महाधिवेशनमा बन्दसत्र नभइ ओली शेसन चलिरहेको बताए। उनले नारायणी किनारमा अहिले कोही पनि स्वतन्त्र हुन नसकेको बताउँदै प्रतिष्पर्धाबाट एक्लिएका भीम रावललाई प्रहरीले सुरक्षा दिइरहेको बताए।

नेकपा एमालेमा जनवाद सकिएको र केपी शर्मा ओलीको डनवाद शुरु भएको आरोप समेत लगाए। ‘बन्द सत्र कस्तो भइरहेको रहेछ भनेर जान्न चासो लाग्यो। त्यो पनि बन्द शेसन होइन, एक प्रकारले ओली शेसन नै चलिरहेको थियो,’ उनले भने, ‘मैले बिहान जे भनेको थिएँ, कि नारायणीको किनारमा त्यहाँ कोही पनि मानिस स्वतन्त्र भएका छैनन्।

त्यहाँ प्रतिष्पर्धा चलिरहेको छ। त्यो प्रतिष्पर्धामा भाग लिन्न भनेर एक जना उठेछन्, भीम रावल। भीम रावलले झन्डै भकुराइ खाएर, झन्डै पिटाइ खाएर अहिले हाम्रो प्रहरीले भीम रावल बसेको होटललाई सुरक्षा दिइरहेको अवस्था छ।’