केपी ओली र भिम रावलका यी हुन् प्रस्तावक र समर्थक !

चितवनमा जारी नेकपा एमालेको दशाँै राष्ट्रिय महाधिवेशनमा अध्यक्ष पदका लागी वर्तमान अध्यक्ष केपी ओली र वर्तमान उपाध्यक्ष भिम बहादुर रावलले उमेदवारी दर्ता गराएका छन् ।

केपी ओलीले भन्दा झण्डै एक घण्टा अघिनै भिम रावलले अध्यक्ष पदमा उमेदवारी दर्ता गराएका थिए । सर्वसम्मत नेतृत्व चयनका लागी अधिकतम प्रयास भए पनि एक भोट आए पनि चुनाव लड्छु भनेर अड््डी कसेर बसेका रावलकै कारण नेतृत्वका लागी चुनाव हुने अवस्था आएको छ ।

नेकपा एमालेको अध्यक्षमा उम्मेदवारी दिएका केपी शर्मा ओलीको प्रस्तावकमा विष्णु पौडेल र समर्थकमा शंकर पोखरेल बसेका छन् । सोमबार विहान ओलीले उम्मेदवारी दर्ता गराउँदा उपाध्यक्षका उम्मेदवारी पौडेल प्रस्तावक बसेका छन् भने महासचिवका उम्मेदवार पोखरेल समर्थक रहेका छन् ।

यसअघि एमाले अध्यक्षमा उपाध्यक्ष भीम रावलले उम्मेदवारी दिएका छन् । योसँग ओली र रावलबीच चुनावी प्रतिस्पर्धा हुने भएको छ ।रावलको प्रस्तावकमा महादेव बजगाईँ, समर्थकमा दूधकला विष्ट छन् ।

एमाले अध्यक्ष ओलीले नेतृत्वका लागी गरेको नाम बाहेक घनश्याम भुषालले उपाध्यक्षमा उमेदवारी दर्ता गराएका छन् भने वर्तमान सचिव भिम आचार्यले पनि पदाधीकारीमा नपरे पछि उमेदवारी दर्ता गराएका छन् । ओलीले प्रस्ताव गरेका नामहरुले पनी धमाधम उमेदवारी दर्ता गराइरहेका छन् ।

मंसिर १० गते देखी चितवनमा जारी नेकपा एमालेको दशौँ राष्ट्रिय महाधिवेशन आज नयाँ नेतृत्व चयन गर्दै समापन हुँदै छ । पार्टी विभाजन पछि भएको पहिलो राष्ट्रिय महाधिवेशनलाई राष्ट्रिय अन्तराष्ट्रिय रुपमा निकै चासोका साथ हेरिएको छ ।