के घनश्याम भुषालले चुनाव जित्छन् ? बाहिरियो यस्तो हिसाबकिताब

चितवनमा जारी नेकपा एमालेको दशौँ राष्ट्रिय महाधिवेशनमा सर्वसम्मत नेतृत्व चयनका लागी अधिकतम प्रयन्त भए पनि चुनाव तिर गयो ।

बन्दसत्रको हलले दिएको सर्वाधिकार बमोजिम एमाले अध्यक्ष ओलीले प्रस्ताव गरेका अधिकांश नामहरुमा सर्वसम्मत भए पनि पदाधिकारी सहित केहि नामहरुमा भने निर्वाचन हुने अवस्था आएको छ । अध्यक्ष स्वयमंमा ओली सँग भिम रावलले प्रतिष्पर्धा गर्ने छन् भने उपाध्यक्षमा हालका उपमहासविच घनश्याम भुषालको उमेदवारी परेको छ ।

अध्यक्षमा भिम रावलले उमेदवारी दिए पनी ओलीलेनै सानदार जित हासिल गर्ने पक्का जस्तै छ । वरिष्ठ उपाध्यक्ष , महासचिव र उपमहासचिवका उमेदवारहरु सर्वसम्मत भएका छन् । ओलीले प्रस्ताव गरेका नाम मध्ये अध्यक्ष ,उपाध्यक्ष र सचिवमा पनि फरक उमेदवारी परे पछि निर्वाचन हुन लागेको छ ।

ओलीले उपाध्यक्षमा प्रस्ताव गरेका छ जना रामबहादुर थापा बादल , सुवास नेम्वाङ , अष्टलक्ष्मी शाक्य , युवराज ज्ञवाली ,बिष्णु पौडेल, सुरेन्द्र पाण्डे बाहेक घनश्याम भुषालले पनि उमेदवारी दिएका छन् । भुषालको उमेदवारी पछि खेल थप रोचक बनेको छ ।

भिम रावलले अध्यक्षमा चुनाव हार्ने जति कन्फर्म छ घनश्यामले चुनाव हार्ने त्यत्ती कनफर्म नभएको राजनिनितक बजारमा चर्चा चल्न थालेको छ । ओलीले उपाध्यक्षमा प्रस्ताव गरेका नाम मध्ये शाक्य महिला बाट भएकाले उनी निर्विरोध हुने भइन भने भुषालको उमेदवारी अरुका लागी चुनौती नबन्ला भन्न सकिन्न ।

शाक्य बाहेक ज्ञवाली र पाण्डे पहिला माधव कुमार नेपाल सँग रहेका र दश बुँदैका दश भाई भनेर चिनिने भुषालकै साथीहरु हुन् उनीहको भोट भुषालले कति काट्न सक्छन् भन्ने एउटा सवाल रहेको छ । यता पूर्वमाओवादी बाट आएका बादलले एमालेको मत कति होल्ड गर्न सक्छन् भन्ने सवाल पनि रहेको छ । यस अघि ओलीको कोर टिममै रहेर काम गरेका नेम्वाङ र पौडेल भने बलिया उमेदवारका रुपमा हेरिएको छ ।

भुषालको उमेदवारीले बादल, सुरेन्द्र पाण्डे र युवराज ज्ञवालीका लागी चुनौती थपिएको विश्लेषण गरिएको छ । भुषालले आफ्नो उमेदवारीको औचित्य बताउँदै गर्दा जित्ने कन्फीडेण्ट देखाएका छन् । एमालेका प्रतिनिधीहरुले विवेक प्रस्तुत गर्ने विश्वास पनी उनले लिएका छन् ।

सोमबार बिहान उपाध्यक्ष पदमा उमेदवारी दर्ता गराएपछि सञ्चारकर्मीसित कुराकानी गर्दै उनले पार्टीमा गल्तीहरू भएको र त्यसलाई सुधार गरेर सही ठाउँमा ल्याउन आफूले उमेदवारी दिएको बताए ।

पार्टीका नीति, सिद्धान्तहरू बनाउन आफूले २० वर्षदेखि निरन्तर प्रयत्न गर्दै आएको पनि उनले उल्लेख गरे । “पार्टीभित्र सिद्धान्त जिउँदो छ, पार्टीभित्र मार्क्सवाद जिउँदो छ, पार्टीभित्र विचार जिउँदो छ भन्ने कुराको सशक्त हस्तक्षेप जरुरी छ भनेर मैले उपाध्यक्षमा उमेदवारी दायर गरेको छु,” उनले भने ।

उनले आफू पार्टी निर्माणमा त्याग गरेका, पुराना तमाम कार्यकर्ता, श्रमजीवी वर्ग, पार्टी निर्माणकर्मीहरूको प्रतिनिधिका रूपमा उभिएको पनि बताए ।
आफूले व्यक्तिगत हैसियतमा उमेदवारी दिएको र प्यानल बनाउन नहुने पक्षमा आफू रहेको उनले बताए ।