मदन भण्डारीको समेत प्यारो मान्छे शंकर पोखरेल यसरी भए निर्विरोध एमाले महासचिव, यस्तो छ उनको राजनितिक जीवन

चितवनमा जारी नेकपा एमालेको दशौँ राष्ट्रिय महाधिवेशनमा महासचिव पदमा शंकर पोखरेल निर्विरोध निर्वाचित भएका छन् ।

भाग्यनै भन्नु पर्छ काठमाडौँमा भएको एमालेको नवौँ महाधिवेशनमा उपमहासचिव पराजित भएका पोखरेल दशाँै महाधिवेशन सम्म आइपुग्दा सर्वसम्मत महासचिव बन्न सफल भएका छन् । महासचिवका अर्का आकांक्षी बिष्णु पौडलको समेत चित्त बुझाएर पोखरेल सर्वसम्मत महासचिव बनेका छन् ।

महासचिव पद लाई लिएर एमालेमा निकै रक्साकस्सी चलेको थियो । अन्तीममा लुम्बीनी प्रदेशकै बिष्णु पौडललाई पछि पारेर लुम्बीनीकै पोखरेलले बाजी मारेका छन् । पौडेललाई पनि महासचिवको बलियो दावेदार मानिएको थियो तर ओलीको रोजाइमा अन्तिममा पोखरेलनै परे । रोचक संयोग कस्तो छ भने नवौँ महाधिवेशनमा पौडेल उपमहासचिवमा निर्वाचित भएका थिए भने पोखरेल पराजित भएका थिए ।

लुम्बिनी प्रदेशको निवर्तमान मुख्यमन्त्री समेत रहेका पोखरेलले मुख्यमन्त्री हुँदा सम्पादन गरेको काम देखिनै ओली उनी सँग थप सकारात्मक भएको बताइन्छ । हरेक अप्ठेरो घुम्तीहरुमा ओलीलाई आँखा चिम्लेर काँध थाप्दै आएका पोखरेललाई राष्ट्रपती विद्यादेवी भण्डारीको पनि भित्री साथ रहेको बताइन्छ ।

पार्टीमा संकट देखिएको बेला ओलीको पक्षमा चट्टानी अडान लिएर साथ दिएका पोखरेलले पार्टी विभाजन बाट रोक्नका लागी हर सम्भव प्रयास गर्दै सम्मन्वयकारी भूमिका निर्वाह गरेका थिए । पार्टी भित्र वैचारिक र अध्ययनशिल नेताको छवी बनाएका पोखरेललाई एमालेको भावी अध्यक्षको रुपमा पनि हेरिएको छ ।

नवनिर्वाचित एमाले महासचिव पोखरेल अनेरास्ववियुको राजनितीबाट राष्ट्रिय राजनितीमा उदाएका व्यक्ति हुन् । जननेता मदन भण्डारीले प्रतिपादन गरेको सिद्धान्त जनताको बहुदलीय जनवादको गहिरो अध्ययन भएको र विश्लेषण गर्र्न सक्ने क्षमता पनी उनीमा रहेको छ ।

जननेता मदन भण्डारी सँग समेत सँगै रहेर काम गर्ने अवसर पाएका पोखरेल सँग भण्डारी पनी प्रभावित हुने गरेका थिए । पाखरेलको जबजमा दख्खल राख्न सक्ने बैचारिक र तार्किक क्षमतानै अहिले महासचिव बन्ने सबैभन्दा ठूलो तागत भएको विश्लेषण गरिएको छ ।

नेपालको वामपन्थी आन्दोलनमा शंकर पोखरेल स्थापित नेता हुन् । विद्यार्थी राजनीतिबाट पार्टी राजनीतिमा प्रवेश गरेका पोखरेलको वैचारिक र राजनीतिक क्षमता र संगठनात्मक कार्यकुशलतालाई उदहारणीय मानिन्छ ।

भारतमा अध्ययनरत छँदा उनले प्रवासी नेपाली विद्यार्थीको नेताको रुपमा उनीहरुको हक अधिकारको पक्षमा महत्वपूर्ण भूमिका खेलेका हुन् । अखिल भारत नेपाली स्वतन्त्र विद्यार्थी युनियनका संस्थापक अध्यक्षलगायतको जिम्मेवारी बहन गरेका थिए ।

कुनै समय जननेता मदन भण्डारीसँग निकै निकट रहेर काम गरेका पोखरेलले अनेरास्ववियुको अध्यक्ष, त्रिभुवन विश्वविद्यालयको स्ववियु सभापति जस्ता भूमिकालाई कुशलतापूर्वक निर्वाह गरेका छन् ।

विक्रम सम्वत २०१९ साल फागुन १५ गते दाङ, तुलसीपुर उपमहानगरपालिका वडा नं। १९, हाडिमेमा बुवा केशवराजशर्मा र आमा तिलकादेवीको कान्छो सन्तानको रुपमा जन्मिएका पोखरेल यस अघि नेकपा एमालेको स्थायी कमिटि सदस्य थिए । उनी लुम्बीनी प्रदेशका निवर्तमान मुख्यमन्त्री पनि हुन् ।

संक्षेपमा शंकर पोखरेलः
विक्रम संवत २०१९ साल फागुन १५ गते दाङ, तुलसीपुर उपमहानगरपालिका वडा नं। १९, हाडिमेमा बुवा केशवराज शर्मा र आमा तिलकादेवीको कान्छो सन्तान ।

त्रिभुवन विश्वविद्यालयबाट एमबिए तहको अध्ययन पूरा गरेका पोखरेल भू राजनीति र अर्थशास्त्रबारे राम्रो ज्ञान भएका नेता मध्ये एक ।
आर्थिक सामाजिक विकास र रुपान्तरणका सन्दर्भमा उनका सोचलाई पार्टीको नवौँ महाधिवेशनले पार्टीको राजनीतिक कार्यदिशाको रुपमा आत्मसात गरेको ।
३२ वर्षको उमेरमा पहिलो पटक २०५१ सालमा दाङको क्षेत्र नम्बर २ बाट प्रतिनिधिसभामा निर्वाचित ।एमालेको स्थायी कमिटि सदस्यको जिम्मेवारी पुरा गरिसेको , पार्टि स्कुल विभागको उपप्रमुख र विगतमा पार्टी सचिव साथै पूर्व सूचना तथा संचार मन्त्री ।

नेपालको वामपन्थी आन्दोलनमा स्थापित नेता ।जननेता मदन भण्डारीसँग निकै निकट रहेर काम गरेका ।विद्यार्थी राजनीतिबाट पार्टी राजनीतिमा प्रवेश, वैचारिक र राजनीतिक क्षमता र संगठनात्मक कार्यकुशलता ।

अखिल भारत नेपाली स्वतन्त्र विद्यार्थी युनियनका संस्थापक अध्यक्ष ।नेरास्ववियुको अध्यक्ष, त्रिभुवन विश्व विद्यालयको स्ववियु सभापति जस्ता भूमिकालाई कुशलतापूर्वक निर्वाह ।

२०३६ सालमा भएको विद्यार्थी आन्दोलन र २०४५र४६ पञ्चायती व्यवस्था अन्त्यका लागि भएको आन्दोलनकोमा नेतृत्वदायी भूमिका ।२०६२र६३ को जनआन्दोलनमा काठमाण्डौको मोर्चावाट आन्दोलनको नेतृत्व र गणतन्त्रका पक्षमा काठमाडौं त्रिचन्द्र क्याम्पसमा आयोजना गरेको पहिलो खुला कार्यक्रमको प्रमुख वक्ता ।

माओवादी आन्दोलन उत्कर्षमा रहेको बेला हिंसाको अन्त्य र प्रजातान्त्रिक निकासका पक्षमा जनमत सिर्जनागर्न राप्ती अञ्चलका पहाडी जिल्लामा शान्ति पदयात्राको नेतृत्वमाओवादी आन्दोलनको अध्ययन र समस्याको समाधानका सन्दर्भमा पार्टीले गठन गरेको कार्यदलको सचिव ।

एमालेको सातौँ महाधिवेशनमा अब संविधानसभाबाट नै राजनीतिक निकास खोज्नुपर्छ भन्दै प्रस्ताव पेश ।राज्यको पुनसंरचना सम्बन्धी पार्टीद्वारा गठन गरिएको कार्यदलको सचिव ।

आठौँ राष्ट्रिय महाधिवेशनले पार्टी जीवनको लोकतान्त्रिकरण सम्बन्धमा प्रस्तुत गरेको भएको पुरक प्रस्तावलाई सर्वसम्मत रुपमा स्वीकार ।
केन्द्रीय कमिटिको सदस्य समेत नभएको अवस्थामा पार्टीको प्रचार विभाग प्रमुख र पार्टीको मुखपत्र नवयुगको प्रधान सम्पादनको जिम्मेवारी समेत बहन ।
लुम्बनी प्रदेशको प्रथम मुख्यमन्त्रीको रुपमा कुशल नेतृत्व प्रदान