माओवादी सांसदले संसदमै गरे प्रचण्डको बेइजत

माओवादी केन्द्रमा भएजतीका सांसद सबै मन्त्री बन्न प्रचण्डलाई दवाव दिइरहेको बेलामा माओवादी केन्द्रकै एक सांसदले संसद भवनमै प्रचण्डमाथी व्यंग्य ठोकेका छन् । मन्त्री छान्न नसकेर ठूलो तनाव भयो भनेर सार्वजनिक लाचारी गर्ने प्रचण्डलाई आफ्नै सांसदले मन्त्री छान्ने तरिका संसद मार्फत सिकाइ दिएका छन् ।

मंगलवार प्रतिनिधि सभा बैठकको विशेष समयमा जुम्लाबाट प्रत्यक्ष निर्वाचित सांसद गजेन्द्र महतले व्यंग्यात्मक शैलीमा मन्त्रीका लागि लाइसेन्सको व्यवस्था गर्न प्रस्ताव गरेका हुन् । मन्त्री छान्नका लागि दलहरूलाई सकस परिरहेको समयमा माओवादी केन्द्रका सांसद बोहोराले विभिन्न शर्तसहित मन्त्री बन्नका लागि लाइसेन्स जारी गर्न संसद्‌मा प्रस्ताव गरेका छन् ।

समाचारमा आयो मन्त्री चुन्न सकस भयो भनेर अब हामी के गरौ भने एउटा लाइसेन्स जारी गरौँ मन्त्रीको लाइसेन्स १ मन्त्री बन्नका लागि शर्त राखौँ–पार्टी स्थायी कमिटी सदस्य हुनुपर्ने, टन्न पैसा भएको हुनुपर्ने । यो भन्दा अगाडि दुईपटक मन्त्री भएकै हुनुपर्ने । भरसक धेरै पार्टी फेरबदल गरेको हुनुपर्ने । पार्टी नेतृत्वलाई घुर्की, धाक र धम्की दिन सक्ने । पार्टी गुटमा आबद्ध भएकै हुनुपर्ने । भरसक पति, पति नभए पत्नी त्यो पनि राखौं,’ महतले संसद् बैठकमा भने, ‘नेतृत्वको वरिपरि घुमेर खुशी बनाउने भएको । भ्रष्टाचार र कमिसनको सबै दुला थाहा पाएको, त्यो क्षमता भएको माननीयलाई मन्त्री बनाउने शर्त राखौँ । सदनमा आइराख्न नपर्ने यसो झल्याकझुलुक गरे हुने प्रावधान राखौँ ।’

मन्त्रीका आकांक्षी धेरै भएको भन्दै माओवादी केन्द्रका अध्यक्ष पुष्पकमल दाहाल प्रचण्डले पार्टीमा मन्त्री छान्न सकस भएको सार्वजनिक अभिव्यक्ति दिएका थिए । प्रचण्ड मन्त्री छान्नैका लागी यती सम्म सकसमा परेका छन् की यो पटक पनि मन्त्री बन्न नपाए प्राण त्याग्ने सम्मको चेतावनी माओवादीका सांसदहरुले प्रचण्डलाई दिन थालिसकेका छन् ।

आफ्नै पार्टीका सांसदले संसदमै उभिएर यस्तो भन्ने थाले पछि माओवादी केन्द्र भित्र मन्त्री छान्ने बिषयमा कतीको लफडा परिरहको रहेछ भन्ने सहजै अनुमान लागाउँन सकिन्छ । केपी ओलीले प्रतिगमन गरको भनेर ओलीलाई परमादेशबाटै भए पनि हटाएर शेरबहादुर देउवालाई प्रधानमन्त्री बनाएका माओवादीक केन्द्रका अध्यक्ष प्रचण्ड आफ्नै पार्टी भित्र भने मन्त्री छान्न नसकेर लाचार बनेका छन् । संसदको आजकै बंैठकमा पूर्वमन्त्री एवं एमाले सांसद शेरबहादुर तामाङले सरकार बनाउँन नसके आफू सँग कोचिङ लिन आउँनुस भन्दै प्रधानमन्त्री देउवालाई जवाफ फर्काएका छन् ।