अध्यक्ष हारे पछि यसो पो भन्न थाले भिम रावल !

नेकपा एमालेको दशौँ राष्ट्रिय महाधिवेशन चितवनमा भव्यताका साथ सम्पन्न भएको छ । अध्यक्षमा केपि ओली सर्वाधिक मत सहित विजयी भएका छन् भने भिम रावलको लज्जास्पद पराजय भएको छ ।

जित हार जे भए पनि सहज रुपमा स्विकार्छु एक भोट भए पनि चुनाव लड्छु भनेर अड्डी लिएर बसेका भिम रावलले निर्वाचनमा पराजय पश्चात भने अब के गर्ने भनेर छिट्टै निर्णय लिने बताएका छन् । उनले केन्द्रिय सदस्यमा भएको बिजय पनि अस्विकार गरेका छन् ।

निर्वाचनमा पराजय बेहोरेर चितवन छोड्नु अघि रावलले अब के गर्ने भन्ने बिषयमा काठमाडौँ गएर विस्तृत रुपमा जानकारी दिए बताएका छन् । यस्तो परिणाम आउँछ भनेर आफुलाई पहिल्यै थाहा भएको पनि दावी गरेका थिए । यस्तो हुन्छ भन्दा भन्दै पनि आफुले निर्वाचनको सामान गर्न हिम्मत गरेको उनले जिकिर गरेका छन् ।

एमालेमा अध्यक्ष पदका प्रत्याशी भएर पराजित बनेका भीम रावलले केन्द्रीय सदस्य बस्न अस्वीकार गरेका छन् । मत परिणाम आउनु अगाडि नै उनले आफू अध्यक्ष हारेमा पार्टीका कुनै पनि कमिटीमा नबस्ने घोषणा गरेका थिए ।

चुनावी परिणामले भने रावललाई केन्द्रीय सदस्यमा विजयी गराएको छ । अध्यक्ष केपी शर्मा ओलीले प्रस्ताव गरेका ३०१ केन्द्रीय सदस्यको सूचीमा उनको पनि नाम थियो ।एमाले प्रतिनिधहरुले अध्यक्षमा भोट नदिए पनि केन्द्रीय सदस्यमा उनलाई भोट दिएका छन् । तर, रावल आफूले केन्द्रीय सदस्यमा उम्मेदवारी नै नदिएको बताइरहेका छन् ।

निर्वाचन परिणामपछि महाधिवेशनस्थलमा नै सपथग्रहण समारोह आयोजना गरिएको थियो । अध्यक्ष केपी शर्मा ओलीले पदाधिकारी तथा केन्द्रीय सदस्यहरुलाई सपथ गराउँदा रावल कुर्सीबाट उठेनन् । उनले आफू सपथ ग्रहण नगर्ने जानकारी पार्टीको निर्वाचन आयोगलाई समेत गराएका थिए ।

कार्यक्रमपछि सबै केन्द्रीय सदस्यहरु वैठकका लागि गएका थिए । रावल भने एक्लै बाहिरिने क्रममा सञ्चारकर्मीले उनलाई घेरे । सक्षिप्त प्रतिक्रिया दिँदै रावलले आफू अब कसरी अगाडि बढ्ने भन्ने निर्णय लिन बाँकी रहेको बताए ।

‘महाधिवेशनका विविध पक्षको विवेचना म काठमाडौंमा गएर गर्नेछु । तर, जुन वातावरणमा मैले जति मत प्राप्त गरेको छु, त्यसलाई महत्वपूर्णरुपमा लिएको छु ।’ उनले भने ।

रावलले आफू केन्द्रीय कमिटी सदस्य नरहेको बताए । निर्वाचन आयोगलाई आफूले अध्यक्षमा मात्रै उम्मेदवारी दिएको जानकारी गराएको भन्दै उनले भने, ‘मैले केन्द्रीय सदस्यमा उम्मेदारी नै दिएको छैन भने कसरी निर्वाचित हुन सक्छु रु’

पार्टीका कमिटीमा नबसीकन अब कसरी काम गर्नुहुन्छ भन्ने प्रश्नमा उनले जवाफ दिए, ‘सोचौंला नि भोलीदेखि ।’रावलले नवनिर्वाचित अध्यक्ष केपी शर्मा ओलीलाई औपचारिक बधाइ दिइसकेका छैनन् । मञ्चमा सँगै बसेर ओलीसँग उनको भलाकुसरी भएको भने देखिएको थियो ।