सीपी मैनालीले राजा महेन्द्रलाई राष्ट्रवादी भने पछि प्रचण्डले यसरी उत्पात मच्चाए

नेकपा मालेका महासचिव सीपी मैनालीले राजा महेन्द्रलाई राष्ट्रवादी भनेर प्रशंसा गरे पछि माओवादी केन्द्रका अध्यक्ष पुष्पकमल दहाल प्रचण्डलाई एलर्जी भएको छ ।

आज बाट काठमाडौँमा सुरु भएको राप्रपाको एकता महाधिवेशनमा सहभागी हुन अतिथि बनेर पुगेका सीपी र प्रचण्ड विच राजा महेन्द्रको बिषयमा घोचपेच भएको छ । मैनालीले राजा महेन्द्र जतीको राष्ट्रवादी नेता आफुले नदेखेको भनेपछि प्रचण्डको कन्सीरी तातेको थियो ।

उहि बखत विधानसभाको प्रस्ताव मार्फत इण्डीयाले नेपाललाई सिक्कीम बनाउँन खोज्दा तत्कालिन युवराज महेन्द्रको चलाखीका कारण नेपाल बचेको नभए अहिले सम्म नेपाल इण्डीयाको भाग भइसक्ने भन्दै मैनालीले राजा महेन्द्रको बखान गरेका थिए । यस्तो सुने पछि प्रचण्डलाई औडाह भएको थियो ।

मैनाली पछि राप्रपाको महाधिवेशनलाई सम्बोधन गरेका प्रचण्डलेले बरु राप्रपाको अध्यक्ष बन्न मैनालीलाई सुझाव दिएका छन् । कम्युनिष्ट आन्दोलन बाट आएको मान्छेको आजभोली बोली फेरिएको देख्दा आफुलाई अचम्म लागकोे भन्दै प्रचण्डले मैनालीलाई तपाई राप्रपाको अध्यक्ष बन्न लाग्नु भएको हो ? भेनेर समेत साधेका थिए ।

सीपीले भनेका थिए , ‘नेपाललाई भारतमा गाभिएको सिक्किम वा भूटानजस्तो हुनबाट जोगाउने पृथ्वीनारायण शाहपछि कसैले कदम चालेको छ राजा महेन्द्रले नै हो। दिल्ली सम्झौतामा उल्लेख विधानसभा भएको भए नेपाल त्यतिबेलै भारतमा गाभिन्थ्यो। महेन्द्रले देशलाई बचाए।’

उनले २०६२र६३ को जनआन्दोलनपछि नेपालमा विदेशी हस्तक्षेप बढेको उल्लेख गर्दै माओवादी आन्दोलनलाई भारतले दुरुपयोग गरेको टिप्पणी गरे।
‘सुरुमा जसले माओवादी आन्दोलन गर्न सहयोग गर्यो अन्तिममा उसैले आतंककारी भन्यो। उहाँहरु जनवादी शासन व्यवस्था ल्याउँछु भनेर सशस्त्र आन्दोलनमा जानुभयो तर सक्नु भएन, आत्मालोचना गर्नुपर्दैन?’, मैनालीले सोधे।

भृकुटीमण्डपमा जारी राप्रपाको महाधिवेशनमा मैनालीपछि लगत्तै माओवादी आन्दोलनका नेता पुष्पकमल दाहाल प्रचण्डले बोल्ने मौका पाए।राप्रपा महाधिवेशन सफलताको शुभकामना दिँदै प्रचण्डले महेन्द्रको प्रशंसा गरेको र माओवादी आन्दोलनप्रति मैनालीले गरेको टिप्पणीको प्रतिवाद गरे।

उनले भने, ‘राजतन्त्र निरंकुश भएकोले हटाउनुपर्छ भनेर टाउको काट्ने आन्दोलनको सुरुवात सीपी मैनालीजीहरूले नै गर्नुभएको हो। अहिले आएर राजा महान भन्दिनु भो। मलाई लाग्यो सीपीजी राप्रपाको अध्यक्ष बन्न पो खोजेका हुन् किरु त्यसो हो भने मेरो शुभकामना।’

प्रचण्डले आफू सीपीले जस्तो जे पनि बोल्न नसक्ने भन्दै कटाक्ष गरे। ‘सीपीजीले त भनिदिनुभयो राजा महान भनेर तर म त्यस्तो बोल्न सक्दिनँ’, प्रचण्डले भने।
२०२८ सालमा झापामा सुरु भएको सशस्त्र आन्दोलनको अगुवाइ मैनालीले नै गरेका थिए। त्यहीँ आन्दोलनमा लागेपछि १४ वर्ष जेल परेका केपी ओली मंगलबारमात्रै दोस्रो कार्यकालका लागि एमालेको अध्यक्ष भएका छन्।