विरोधीले गरेको गाली पनि ओलीलाई बरदान हुन्छ, भिम रावललाई आफ्नो औकात थाहा भयो होला :भद्रकुमारी घले

पूर्वमन्त्री एवं समाजसेवी भद्रकुमारी घलेले पूर्वप्रधानमन्त्री एवं नेकपा एमालेका अध्यक्ष केपी ओलीलाई जनता नै दाहिना भएकाले जसले जती नै गाली र आलोचना गरे पनि केहि फरक नपर्ने बताएकी छिन् ।

ओटीभी नेपाल डट कम सँग कुराकानी गर्दै घलेले विरोधीले गरेको गाली पनि ओलीलाई बरदान हुने बताएकी छिन् । सफल हुनलाई प्रशंसा र आलोचनाको बराबार हात हुने भन्दै उनले गल्ती गर्न खोज्दा पनि आलोचकको कुरा सुन्दा सहि निर्णय लिन सकिने घलले बताइन ।

घले नेकपा एमालेको दशौँ राष्ट्रिय महाधिवेशनमा केपी ओलीले सानदार मत ल्याएर विजयी भएकोमा चौपट्टै खुशि भएकी छिन् ।विगत लामो समय देखि एमाले अध्यक्षको पक्षमा बोलेर चर्चा कमाएकी घलले अध्यक्षमा ओलीले प्राप्त गरेको मत र सानदार मतका कारण आफु धेरै नै हर्षविभोर भएको बताएकी छिन् । ओलीले जित्दा आफैँले जितेको भन्दा खुशि महसुस भएको उनले बताएकी छिन् ।

अब ओलीकै नेतृत्वमा नेकपा एमालेले आगामी निर्वाचनमा दुई तिहाइ मत ल्याएर फेरी सरकारमा फर्कने ठोकुवा पनि उनले गरेकी छिन् । आफ्नो सदासर्वदा साथ र आर्शिवाद ओलीलाई रहको पनि उनले बताइन् ।

कुराकानीको क्रममा घलेले अध्यक्षका अर्का प्रत्यासी भिम रावललाई पनि गाली नगर्ने बताइन । म भिम रावलको बारेमा कुनै नकारात्मक टिप्पणी गर्न चाहन्न तर रावललाई आफ्नो औकात कति भन्ने कुरा राम्रो सँग थाहा भयो होला अब उहाँले अझै जिम्मेवार र परिपक्क भएर मनजित्ने गरि काम गर्नु पर्छ । घलेले भनिन् ।

कुराकानी अवधीभर ओलीको जीतले औधी खुशी देखिएकी घलेले ओली व्यक्तीले जितेर खुशी भएको होइन अब सम्वृद्ध नेपाल सुखि नेपाली बन्ने ढोका खुल्छ भनेर आफु खुशि भएको बताइन् । गतिलो नेता नजन्मीएकै कारण आज सम्म देश पछि परेको भन्दै देश विकास गर्न सक्ने नेताको रुपमा आफुले ओलीलाई विश्वास गरेका उनले बताइन ।

ओलीले जितेको खबर सुन्ने बेला सम्म आफुले राम्रो सँग खाना पनि नखाएको र राम्रो सँग निदाउँदा पनि ननिदाएको पूर्वमन्त्री घलेले बताइन् । ओलीले फराकिले मतान्तरले जितेको भन्ने समाचार सुन्ने वत्तीकै तातो चिया खाएर ढुक्कले बसेको उनले बताइन् ।

घलेले अब ओलीले निर्वाचनमा दुई तिहाइ ल्याएर देशको नेतृत्व गर्ने गरि तयारी गर्नु पर्ने सुझाव दिएकी छिन् । ओलीलाई दुइ तिहाइ देउ भेनेर आफुले भगवान सँग प्राथनानै गरेको बताउँदै उनले नारायणी किनारमा मान्छे उत्रिएको देख्दा पक्कै दुई तिहाइ आउँछ जस्तो लागेको बताइन ।

एमाले अध्यक्ष ओलीलाई राजा महेन्द्र पछिको राष्ट्रवादी र विकासप्रेमी नेता भन्ने घलले ओली सँग आज सम्म आफ्नो प्रत्यक्ष देखभेट भने कहिल्यै नभएको बताइन् । ओलीलाई मैले नजिक बाट प्रत्यक्ष देखेको पनि छैन कुरा भएको पनी छैन टिभीमा मात्रै देखेको हो उसको कामलेनै मेरो मन जित्यो । घलेले भनिन् ।