भिम रावलको २२३ भोटका लागी ३ करोड खर्च !

नेकपा एमालेको दशौँ राष्ट्रिय महाधिवेशन सम्मन्न भएर आगामी कार्यकालका लागी नयाँ नेतृत्व चयन भएको छ तर यसको चर्चा चलिनैरहेको छ ।

महाधिवेशन अवधीभर नेकपा एमालेको अध्यक्ष पदमा भिम रावलको उमेदवारी हट केक बिषय बनिरह्यो । अप्रत्यासित रुपमा अध्यक्षमा उमेदवारी घोषणा गरेका रावल अप्रत्यासित रुपमै आफ्नो अडानमा टिकि राखे पछि माहोल पेचिलो बनेको थियो ।

भृकुटीमण्डपबाट भिम रावलले एमाले अध्यक्षमा उमेदवारी दिँदै गर्दा उनले उपाध्यक्ष पद सुरक्षित गर्नका लागी अध्यक्षमा उमेदवारी घोषणा गरेर चलाखी गरेको विश्लेषण गरिएको थियो । लगातार यस्तो आरोप लागे पछि आफ्नो बोली पुर्याउँन भए पनि रावल अडानमा टिकिरहे ।

नेकपा एमालेको विशिष्ट अवस्थालाई मध्यनजर गर्दै यस पटक सर्वसम्मत नेतृत्व चयनका लागी भन्दै ठुलो कसरत गरिएको थियो । मुख्य गरि भिम रावल र घनश्याम भुषाल बाधक बनेका कारण त्यो पुरा हनु पाएन र चुनावमै भयो ।

केपी ओली सँग अध्यक्षमा प्रतिष्पर्धा गरेका रावललाई जमानत जोगाउँन पनि हम्मेहम्मे परेका थियो । जम्मा २२३ भोट पाएका रावलले यस्तो अवस्था आउँछ भन्ने थाहा हुँदा हुँदै पनि आफुले प्रतिष्पर्धा गरेका बताएका छन् । लज्जास्पद पराजय हुन्छ भन्ने थाहा पाउँदा पाउँदै पनि उनले किन यसो गरे भन्ने कुराको कारण खोजि हुन थालेको छ ।

एमाले महाधिवेशनको बन्द सत्रको हलले पदाधिकारी सहित केन्द्रिय कमिटिको सिँगो टिम प्रस्ताव गर्ने सर्वाधिकार अध्यक्ष ओलीलाई दिएको थियो । निर्वाचननै भए पनि ओलीले प्रस्ताव गरेकै नामहरु निर्वाचित भएर आए । निर्वाचन केवल भिम रावल र घनश्याम भुषालको रहर पुरा गर्नका लागी जस्तो मात्रै भयो किन भने उनीहरुले हामीलाई निर्वाचन गराएर हार्न देउ भनेका थिए ।

भिम रावलको जिद्दीकै कारण एमाले महाधिवेशनलाई दुई दिन बढि समय लागेको थियो थियो । दुई दिन समय थप हुँदा कम्तीमा ३ करोड खर्च बढेको एमालेले बताएको छ । भोट हाल्नका लागी रातको निन्द्रा समते विथोलेर प्रतिनिधीहरु जागा बसेका थिए । रावलको जिद्धीले प्रतिनिधीले दुख पाएको र खर्च मात्रै बढेको विश्लेषण पनी भएको छ ।

एमाले केन्द्रिय सदस्य सुर्य थापालले रावल प्रती कटाक्ष गर्दै सामाजिक संलालमा स्टाटस नै लेखका छन् । ‘केवल अध्यक्षको उम्मेदवार भएर २२३ भोट पाएको देखाउन पार्टीको ३ करोड खर्च गराउने र महाधिवेशन दुई दिन लम्ब्याएर प्रतिनिधिहरूलाई अनाहकमा दुस्ख दिने साहसी व्यक्तित्व न पर्नुभयो, रावलजी !’ थापाको कसिलो व्यग्य छ