राजेन्द्र लिङ्देन र कमल थापाको छिनोफानो आज

राष्ट्रिय प्रजातन्त्र पार्टी राप्रपाको नयाँ नेतृत्व चयनका लागी भइरहको एकता महाधिवेशेनमा आज मतदान हुने भएको छ। अध्यक्ष का प्रत्यासीद्धय कमल थापा राजेन्द्र लिंदेन को अध्यक्ष बन्ने छिनोफानो आजैको मतदानले गर्ने छ ।

काठमाडौंमा जारी राप्रपाको एकता महाधिवेशन अन्तरगत आज नेतृत्व चयनका लागि चुनाव हुँदैछ । चुनावी तालिकाअनुसार हिजो उम्मेदवारी दर्ता सकिएको छ । आज हुने निर्वाचनमा अध्यक्षसहित १ सय ९९ सदस्यीय नयाँ कार्यसमितिका लागि २ सय ६६ जनाले उम्मेदवारी दर्ता गराएका छन् ।

अध्यक्षका लागि कमल थापा र राजेन्द्र लिङ्दनको उम्मेदवारी परेको छ । एक अध्यक्ष, चार उपाध्यक्ष, तीन महामन्त्री गरी आठ पदाधिकारीसहित सदस्यका लागि उम्मेदवारी परेको छ ।

निर्वाचन ८ बजेदेखि सुरु हुनेछ । साँझ ५ बजेसम्म मतदान हुने मतदानमा अध्यक्ष पदका लागि मतपत्र र पदाधिकारी एवं सदस्यका लागि विद्युतीय मेसिनबाट मतदान गर्ने व्यवस्था मिलाइएको राप्रपाले जनाएको छ ।

अध्यक्षका लागि थापा र लिङ्देनबीच कडा प्रतिस्पर्धा हुने अनुमान छ । थापालाई नेता पशुपतिशमशेर राणा र लिङ्देनलाई नेता प्रकाशचन्द्र लोहनीको साथ छ । उपाध्यक्षमा विक्रम पाण्डे दुवै समूहमा परेका छन् ।

महामन्त्रीमा थापा प्यानलबाट कुन्ती शाही र लिङ्देन प्यानलमा परेकी नायिका रेखा थापाको प्रतिस्पर्धा चासोको विषय बनेको छ ।महाधिवेशनमा देशभरबाट चार हजार सात सय प्रतिनिधि सहभागी भएका छन् ।

कमल थापा अन्तिम पल्ट आफुले नेतृत्व गर्ने अडान सहित चुनावी मैदानमा निस्कीएका छन् भने राजेन्द्र टिम अब कमल थापाको अनुहार देखाएर चुनाव जित्न नसकिने मत सहित नेतृत्व हस्तान्तरण र पुस्तान्तरणको एजेण्डा सहित मैदानमा निस्किएको छ।