सबैभन्दा धेरै मत ल्याएर केन्द्रिय सदस्य बनेका देवी ज्ञवालीलाई अर्को महत्वपुर्ण जिम्मेवारी दिँदै ओली !

चितवनमा सम्पन्न नेकपा एमालेको दशौँ राष्ट्रिय महाधिवेशनमा खुल्ला तर्फको केन्द्रिय सदस्यमा सर्वाधिक धेरै मत ल्याएर विजयी भएका नेकपा एमालेका नेता देवी ज्ञवालीले राष्ट्रिय राजनितीमा फड्को हान्ने संकेत देखिएको छ।

पदाधिकारी सहित सिंगो केन्द्रिय कमिटीको नाम प्रस्ताव गर्ने सर्वाधिकार प्राप्त गरेका एमाले अध्यक्ष ओलीले ज्ञवालीलाई खुल्ला तर्फको केन्द्रिय सदस्यमा नाम प्रस्ताव गरेका थिए । ओलीको च्वाइस एकदमै राम्रो थियो भन्ने कुरा महाधिवेशन प्रतिनिधीहरुले सर्वाधिक मत दिएर प्रमाणित गरिसकेका छन् ।

निष्ठा र इमान्दारिता र सरलताको राजनिती गरेर कष्ठपुर्ण अवस्थाबाट राजनितीमा अघि बढिरहेका ज्ञवालीलाई उनको निष्ठा र त्याग लाई महाधिवेशन प्रतिनिधीले अनुमोदन गरेको विश्लेषण गरिएको छ । प्रचण्डका कारण पटक पटक षड्यन्त्रको सिकार भएका उनलाई केन्द्रिय सदस्य मात्रै नबनाएर महत्वपुर्ण जिम्मेवारी दिने सोच एमाले अध्यक्ष ओलीले बनाएको बताइएको छ ।

गत स्थानिय तहको निर्वाचनमा प्रचण्ड पुत्रि रेणु दहाललाई मतपत्र च्यातेर जिताइए पछि अन्यायमा परेका ज्ञवालीले पछि बाम एकता हुँदा प्रचण्डलाई अँगालो हाल्ने साहसीक निर्णय गरेका थिए । व्यक्तिगत कुरालाई गौण मानेर पार्टीको निर्देशन मानेका ज्ञवालीले त्यसलाई आफुले महादेवले निलेको निलकण्ड बिष ठानेर खाएको बताउँछन् ।

रेणुको अत्याचार आलै रहेका बेला प्रचण्डसँग रहर होइन पार्टीको इमान्दार सिपाही भएका कारण गला मिलाउँने हिम्मत गरेका ज्ञवालीको कदमलाई एमाले अध्यक्ष ओलीले नजिक बाट महसुस गरेको बताइन्छ । त्यस बखत ज्ञवालीको आफ्नै परिवार २ महिना सम्म उनीसँग बोलेलन् तर उनले परिवार भन्दा पनी पार्टी माथी भनेर निर्णय लिए ।

आफ्नो व्यक्तीगत महत्वाकांक्षा प्राप्त गर्ने साधन होइन पार्टी , पार्टी भनेको देश र जनताका लागी सेवा गर्ने माध्यम मात्रै हो भन्ने आर्दश बोकेका ज्ञवाली त्यागको अर्को नाम जस्तै मानक बनेका छन्। मतपत्र च्यातेर मेयर बन्न नदिइएका उनलाई प्रचण्डले परमादेश सरकार बन्ने वित्तिकै भूमि सम्बन्धी समस्या समाधान आयोग बाट पनि अपमानपुर्ण तरिकाले हटाएका थिए ।

पटक पटक अन्याय र षड्यन्त्रको सिकार भएका ज्ञवाली लाई ओलीले एमालेको दशौँ राष्ट्रिय महाधिवेशनमा खुल्ला तर्फको केन्द्रिय सदस्यमा नाम प्रस्ताव गरे र प्रतिनिधीहरुले सबैभन्दा धेरै लोकप्रिय मत दिएर विजयी गराए । अब उनलाई अध्यक्ष ओलीले एमालको स्थायी कमिटीमा मनोनित गर्ने चर्चा चलेको छ ।

आफुलाई यो पद चाहियो भनेर कहिल्यै नभन्ने तर नेतृत्वले विवेक पुर्याएर न्याय गर्छ भन्नेमा विश्वस्त देखिएका ज्ञवालीले स्थायी कमिटीमा पारिदेउ भनेर गुहार माग्दै हिँडेका छैनन् । केन्द्रिय कमिटीमा सर्वाधिक मत ल्याएर जितेको र पटक पटक षड्यन्त्रको सिकार भएका उनलाई स्थायी कमिटीमा मनोनित गर्न ओली सकारात्मक रहेको स्रोतको दाबी छ ।

नेकपा एमालेको दोस्रो केन्द्रीय कमिटी बैठकले स्थायी कमिटी बनाउने म्यान्डेट पाएको छ । चितवनमा सम्पन्न पहिलो बैठकले स्थायी कमिटी मात्रै होइन, पोलिटब्युरो र केन्द्रीय सदस्यहरूको कार्यविभाजन तथा मनोनित गर्नेसमेत एजेन्डा तय गरेको छ ।उक्त एजेन्डाअनुसार आगामी २५ गतेदेखि काठमाडौंमा एमालेको दोस्रो केन्द्रीय कमिटी बैठक बस्ने भएको छ ।

एमालेको विधानमा ४५ सदस्यीय स्थायी कमिटी तयार गर्ने उल्लेख छ । तीमध्ये १९ जना केन्द्रीय पदाधिकारी स्वतः स्थायी कमिटी सदस्य बन्ने छन् । अरु नयाँ पुराना सबैलाई स्थान दिने गरि टिम बनाउँने तयारी ओलीले गरेका छन् ।