राजेन्द्र लिङ्देनको पहिलो घोषणालेनै देशभरका राजावादीमा खुशियाली !

कमल थापालाई हराउँदै राष्ट्रिय प्रजातन्त्र पार्टी राप्रपाको अध्यक्ष निर्वाचित भएका राजेन्द्र लिङ्देनले अध्यक्षमा निर्वाचित भए लगत्तै देशभरका राजावादीमा खुशियाली छाउँने घोषणा गरेका छन् ।

अध्यक्षमा पराजित कमल थापाले आफुलाई पूर्वराजा ज्ञानेन्द्र शाहले ठाडो हस्तक्षेप गरेर हराएको आरोप लगाइरहेका बेला नवनिर्वाचित अध्यक्ष लिङ्देनको घोषणाले राप्रपका कार्यकर्ता मात्रै होइन सिंगै देशका राजावादीहरु हौसिएका छन् ।

अध्यक्ष लिङ्देनले अब देशमा राजा फर्कने ठोकुवा गरेका छन् । नारायणहिटी बाट नार्गाजुन पुगेका राजालाई फेरी नारायणहिटी फर्काएर श्रीपेच लगाइदिने घोषणा उनले गरेका छन् । लिङ्देनले मितीनै तोकेर देशभरका राजावादीहरुलाई एक ठाउँ ल्याउँने बताएका छन् ।

राजा सहितको प्रत्यक्ष निर्वाचित प्रधानमन्त्रीको एजेण्डा सहित राप्रपाले देशभर आन्दोलनको आँधीबेहेरी सिजर्ना गर्ने उनले बताएका छन् । लिङ्देनले ६ महिनाभित्रमा राजसंस्था र हिन्दू राष्ट्रको पक्षमा सबैलाई एकमत बनाउने उद्घोष गरेका छन् । अध्यक्षमा निर्वाचित भएपछि प्रतिक्रिया दिँदै उनले राप्रपा बाहिर भएका राजसंस्था र हिन्दूराष्ट्र चाहिन्छ भन्ने सबै संघ–संगठन र पार्टीहरूलाई एकताबद्ध गरेर लैजाने बताएका छन् ।

‘राप्रपा बाहिर भएका राजसंस्था र हिन्दूराष्ट्र चाहिन्छ भन्ने सबै व्यक्ति, समूह, संघ संगठन र पार्टीहरूलाई एकताबद्ध गरेर एउटा राष्ट्रिय शक्तिको निर्माण गर्ने छौँ । र, त्यो शक्तिको आधारमा हामीले निर्वाचनको तयारी गर्दै सडक संघर्षको पनि प्रारम्भ गछौँ। जहाँबाट छिटो हुन्छ त्यतैबाट राजसंस्था स्थापना गछौँ’, लिङ्देनले भने । उनले राप्रपाको कमिकमजोरी सच्याएर काँग्रेस, कम्युनिस्ट पार्टीको विकल्पमात्र होइन, जनताको मन जित्ने पार्टी बनाउने बताए ।

‘राप्रपाको ३१ वर्षको इतिहासमा खिइँदै खिइँदै कमजोर हुँदै आउने क्रममा अहिले सर्वाधिक कमजोर अवस्थामा छ’, उनले भने, ‘यो राष्ट्रिय पार्टीको रूपमा समेत छैन । विभाजित हाम्रो पार्टी फेरि हामीले एकीकरण गर्यौं । एकीकरण गरेको दुुई वर्ष बित्दा पनि हाम्रा नेताहरूले पार्टीमा सुधार र विकासका कुनै संकेतहरु देखाउनुभएन । यो बीचमा ठूलाठूला राष्ट्रिय मुद्दाहरू र घटनाहरू भए त्यस्तो अवस्थामा राप्रपा कहाँ छ भन्ने थाहा भएन । त्यस्तो अकर्मण्य मात्र भएन, बरु उहाँहरू झगडा गरेर बस्नुभयो ।’