चुनाव हारेको झोकमा कमल थापाले जोसमा होस गुमाए पछि…

एकता महाधिवेशनको नाम दिइएको राप्रपाकोे महाधिवेशनमा राजेन्द्र लिङ्देन सँग नराम्रो सँग पराजित भएका कमल थापाले चुनाव हारेको झोकमा सम्हालिन नसक्दा उनको ठूलो बेइजत भएको छ ।

चुनाव हारेर रन्थनिएका थापाले आफुलाई सम्हाल्न सकेका छैनन् र आफ्नो रिस पूर्वराजा ज्ञानेन्द्र शाह र उनको परिवार सँग देखाइरहेका छन् । निकै विक्षिप्त अवस्थामा पुगेका थापाले अहिले टुइटर भरी जथाभावी लेखेर सबैलाई चिर्थोन थालेका छन् ।

हडबढमा थापाले कटि गडबढ गरेका छन् भने बिहानै अध्यक्षमा निर्वाचित लिङ्देनलाई बधाइ दिँदै उनले पूर्वराजा ज्ञानेन्द्रलाई पनि मुछेका थिए । निर्मल निवासमाले नांगो हस्तक्षेप गरेर आफुलाई हराइएको भन्ने आरोप लगाएका थापाले अहिले हिमान शाह सँग पनि जोहोरी खोजेका छन् ।

थापा कति सम्म विक्षिप्त भएका रहेछन् भने उनले हिमानी शाहको फेक आइडीमा मेन्सन गर्दै टुइट गरेर बधाई दिएका छन् । हिमानी शाह नामको फेक आइडीबाट राजेन्द्र लिङ्देनलाई दिएको बधाईको प्रत्युतरमा थापाले उनलाई मेन्सन गर्दै ज्ञानेन्द्रकै स्टाइलमा शुभकामना दिएका छन् । बिहान थापाले पूर्वराजा ज्ञानेन्द्रलाई मेन्सन गरेको टुइटर अकाउण्ट पनि फेक भएको खुलासा भएको छ ।

पूर्वयुवराज्ञी हिमानी शाहको नाममा खुलेको फेक आइडीबाट ट्विट गर्दै राप्रपामा अध्यक्ष निर्वाचित भएका राजेन्द्र लिङदेनलाई बधाइ दिइएको थियो ।त्यसमा लेखिएको छ, ‘अवसरबाद, नाताबाद, कृपाबाद को अन्त्य गर्न सफल हुनु भएकोमा राष्ट्रबादी नेता राजेन्द्र लिङ्देन लाई हार्दिक बधाई तथा सफल कार्यकाल को सुभकामना राजेन्द्र लिङ्देन को जित सङ्गै मुलुकले मुलुकले आज सच्चा राष्ट्रबादी नेता पाउन सफल भएको छ !!’

करिब ९ हजार फलोअर्स भएको यस आइडीबाट यसअघि पनि अल्मल्याउने खालका पोष्टहरु आउने गर्थे । राप्रपा अध्यक्ष थापा पनि झुक्किएका हुन् वा झुक्किएको अभिनय गरेका हुन्, उनले माथिको पोष्टलाई सेयर गर्दै कटाक्ष गरेका छन् ।

उनले लेखेका छन्, ‘अब चाँडै राजसंस्था पुनःस्थापना हुने भएको हुँदा लाई पनि हार्दिक बधाइ तथा शुभकामना ।’यसअघि थापाले लेखेको स्टाटसमा पनि पूर्वराजाको फेक आइडीलाई मेन्सन गरेका थिए । पूर्वराजाको कुनै आधिकारिक ट्विटर अकाउन्ट नरहेको उनको सचिवालयले बारम्बार बताइसकेको छ ।