कमल थापाले राप्रपा फुटाउँने , अब उप्रान्त ज्ञानेन्द्रलाई बोकेर नहिड्ने घोषणा

एकता महाधिवेशन भनेर महाधिवेशन सकाएर नयाँ नेतृत्व चयन भएकै दिन पूवपंचहरुको पार्टी राप्रपामा विभाजनको रेखा कोरिन थालेको छ ।

राजेन्द्र लिङ्देन सँग अध्यक्षमा पराजित भए पछि विक्षिप्त भएका कमल थापाले पार्टी विभाजनको तयारी सुरु गरेका छन् । आफुलाई पूर्वराजा ज्ञानेन्द्रकै डिजाइनमा हराइएको भन्दै हल्ला गर्दै हिँडेका थापाले केहि समयमै राप्रपा फुटाउँने तयारी थालीसकेको स्रोतको दावी छ ।

राजेन्द्र लिङ्देनलाई अध्यक्ष स्विकार गरेर जान नसक्ने संकेत थापाले दिइसकेका छन् । नवनिर्वाचित कार्यसमितको सपथ ग्रहण समारोहमा समेत उपस्थित नभएर थापाले एकता महाधिवेशनको म्याण्डेटलाई अस्विकार गरेका छन् । अब कहिल्यै पार्टी नफुटाउँने घोषणा गरेका थपाले आफु हारे पछि भने सहन नसकेर पार्टीनै विभाजन गर्ने तहसम्म डिजाइन थालेका छन् ।

राष्ट्रिय प्रजातन्त्र पार्टीका पराजित अध्यक्ष कमल थापाले पूर्वराजा ज्ञानेन्द्र शाहलाई ‘नबोक्ने’ निष्कर्ष निकालेको छ ।राप्रपा एकता महाधिवेशनमा अर्का प्रत्यासी राजेन्द्र लिङ्देनसँग पराजित भएलगत्तै दरवारमार्गस्थित याक एन्ड यति होटेलमा थापा समूहबाट निर्वाचित पदाधिकारीसहितको प्रारम्भिक समीक्षा बैठकमा सो निष्कर्ष निकालिएको हो।

अध्यक्ष लिङ्देन, उपाध्यक्ष विक्रम पाण्डे र महामन्त्री धवल शमशेर राणाबाहेकका अन्य विजयी पदाधिकारीसहित अधिकांश केन्द्रीय सदस्य उपस्थित रहेको प्रारम्भिक समीक्षा बैठकका अधिकांश सदस्यले पूर्वराजा शाहले धोका दिएको निष्कर्ष निकालेको सहभागी एक नेताले बताए।

‘पूर्वराजाले सचिवालय प्रयोग गरेर कमल थापालाई हराउन उर्दी जारी गरेको तथ्य साटासाट भयो, स्वयं राजाले पनि बोलाएर थापालाई हराउन निर्देशन दिएको तथ्य त्यहाँ खोलियो’, बैठकमा सहभागी एक सदस्यले भने, ‘सबैको निष्कर्ष थियो, संवैधानिक राजतन्त्रको वकालत गरे पनि ज्ञानेन्द्र शाहको पक्षमा भने नखुल्ने र अजेन्डा नबोक्ने निष्कर्ष निकालिएको छ।’

उनका अनुसार उक्त बैठकमा उपाध्यक्ष बुद्धिमान तामाङ, निरञ्जन थापालगायत नेताहरू ‘अप्रत्यासित नतिजा’ ले आफू चकित भएको सामान्य प्रतिक्रिया दिएका थिए।

बैठकमा सहभागीका अनुसार पूर्वराजाका सचिवालयका सदस्यहरू पशुपतिभक्त महर्जन, सागर तिमल्सिना र फणिराज पाठकलगायतले प्रतिनिधि तथा नेताहरूलाई भेटघाट गरी थापाको विपक्षमा माहोल बनाएको निष्कर्षसमेत निकालेको उनले जानकारी दिए।

बैठकमा उपस्थित अधिकांशले पूर्वराजा शाहले धोका दिएको निष्कर्षसहित उनको सचिवालयले थापाको विपक्षमा खेलेको भूमिकाका बारेमा चर्चा गरेको उनले जानकारी दिए।