देउवा सँगै टक्टर लिँदा अमरेश कुमार सिंह नजम्मा सँग पछारिए !

नेपाली काग्रेसका नेता अमरेश कुमार सिंह नेपाली काग्रेसको महाधिवेशन प्रतिनिधीमै पराजित भएका छन् ।

काग्रेस भित्र इण्डीयासँग राम्रो सम्बन्ध भएका नेताको रुपमा चिनिएका सिंह महाधिवेशन प्रतिनिधीमै पराजित भए पछि काग्रेस भित्र ठूलो हल्लाखल्ला मच्चिएको छ । काग्रेस सभापती समेत रहेका प्रधानमन्त्री शेरबहादुर देउवा सँग सिंहले पछिल्लो समय टक्कर लिइरहेका थिए ।

मंगलबार सर्लाही क्षेत्र नम्बर ४ मा भएको अधिवेशनबाट उनी महाधिवेशन प्रतिनिधिमा पराजित भएका हुन्।आफू महाधिवेशन प्रतिनिधिमा पराजित भएको सिंहले सेतोपाटीलाई बताए। सिंहको २४८ मत मात्रै आएको थियो।

सिंह पक्षका नेता तथा कार्यकर्ताहरू क्षेत्रीय कार्यसमिति र महाधिवेशन प्रतिनिधिमा पराजित भएका छन्। यहाँ सभापति शेरबहादुर देउवानिकट नेता तथा कार्यकर्ताले अधिवेशन जितेका छन्।

सिंह केन्द्रीय सदस्य शेखर कोइरालानिकट छन्।सर्लाहीमा क्रियाशील सदस्यताको फारम वितरणदेखि नै संस्थापन पक्षले एकलौटी गरेको आरोप थियो।

क्रियाशील सदस्यताकै विवादले यहाँ पटकपटक कार्यकर्ताबीच झडप र प्रहरीले हवाइफायरसमेत गर्नुपरेको थियो।सर्लाहीका प्रतिनिधि सभा क्षेत्रमा अझै अधिवेशन सकिएको छैन। कतै आज चुनाव र कतै मतगणना बाँकी नै छन्।

सर्लाही कांग्रेस सभापति नागेन्द्रकुमार रायले क्षेत्र नम्बर ३ मा उम्मेदवारी फिर्ता लिने समय आज रहेको बताए। क्षेत्र नम्बर १ मा भने मतगणना जारी रहेको र क्षेत्र नम्बर २ मा आज बिहान ९ बजेदेखि मतदान सुरू हुने उनले बताए।

क्षेत्र नम्बर ४ मा महाधिवेशन प्रतिनिधिमा अमरेशकुमार सिंह पराजित भएको उनले बताए। यो क्षेत्रमा रामआश्रयप्रसाद साह क्षेत्रीय सभापति भएका छन्, उनी सभापति देउवा पक्षका हुन्। ‘क्षेत्र नम्बर ४ मा प्यानल नै सिंहइतरकाले जितेको हो,’ उनले भने।