सुभाष कर्माचार्यलाई छिर्के लगाउँन खोज्नेको सुचना ओलीको कानमा पुग्यो, केन्द्रिय सदस्य मनोनित गर्ने तयारी !

नेकपा एमालेको दशौँ राष्ट्रिय महाधिवेशन चितवनमा सम्पन्न भैसकेको छ । महाधिवेशनले ३०१ सदस्यीय केन्द्रिय कमिटी निर्वाचित गरेको छ भने अब सो सदस्य संख्याको १० प्रतिशत मनोनयन गरेर कमिटीलाई पुर्णता दिने काम बाँकि छ ।

नेकपा एमालेको विधान अनुसार अहिले रहेको कुल सदस्य संख्याको १० प्रतिशत संख्या केन्द्रिय कमिटीमा मनोनयन गर्न सकिने छ । दशौँ राष्ट्रिय महाधिवेशनबाट निर्वाचित नयाँ केन्द्रिय कमिटीको दोस्रो बैठक मंसिर २५ र ३६ जर्मन हाउस हस्पिटालिटी गट्ठाघर भक्तपुरमा तय भएको छ ,जसको सम्भावित कार्यसुचिमा केन्द्रिय कमिटि सदस्य मनोनयन पनि राखिएको छ ।

महाधिवेशनमा विविध कारणले केन्द्रिय कमिटीमा समेटिन नसकिएका महत्वपुर्ण व्यक्तिहरुलाई कसरी न्यायोचित सम्बोधन गर्न सकिन्छ भनेर एमाले अध्यक्ष ओलीले गृहकार्य थालेका छन् । ओलीले आफ्नो कोर टिमलाई पनि यसको जिम्मेवारी दिएका छन् भने आफुले पनि सुक्ष्म रुपमा अध्ययन गरिरहेको बालकोट स्रोतले जानकारी दिएको छ ।

पार्टी भित्र लामो समय देखिको योगदान ,योग्यता भुगोल ,जनजाती , पिछडीएको क्षेत्र ,महिला सबैलाई समेट्ने गरि मनोनयन गर्ने तयारी ओलीले गरेका छन् । महाधिवेशनमा छुटनै नहुने तर विविध कारणले समेटन् नसकिएकाहरुलाई केन्द्रिय कमिटीमा समेट्ने ओलीको तयारी रहेको छ । ती मध्येको एउटा नाम रहेको छ ,सुभाष कर्माचार्य ।

झण्डै आधा शताब्दी नेकपा एमालेको लागी रगत पसिना बगाएका सिन्धुपाल्चोकका पुराना लोकप्रिय नेता सुभाष कर्माचार्यलाई यो पटक केन्द्रिय कमिटीमा मनोनित गर्नका लागी एमाले अध्यक्ष ओली सकारत्मक रहेको बताइन्छ । कर्माचार्यले चितवन महाधिवेशनमा केन्द्रिय सदस्यको आकांक्षा राखेका थिए तर विविध कारणले उनी अट्न सकेका थिएनन् ।

चितवन महाधिवेशनमा अध्यक्ष ओलीलाई पदाधिकारी सहित सिंगो केन्द्रिय कमिटीको नामावली प्रस्ताव गर्ने सर्वाधिकार बन्दसत्रको हलले दिएको थियो ,त्यस बखत पनि ओलीले कर्माचार्यलाई उच्च प्राथमिकता राख्दै नाम प्रस्ताव गर्न खोजेका थिए तर केहि तत्वहरुको चलखेलका कारण रोकिएको बताइएको छ ।

सिन्धुपाल्चोकमा एमाले निर्माणमा निकै महत्वपुर्ण भूमिका खेलेका कर्माचार्य जिल्ला भित्र कार्यकर्ताको दुख सुखमा साथ दिने भुगोलमै बसेर हेरक अप्ठेरोमा नजिकको साथीको भूमिका खेल्ने गरेका कारण कार्यकर्ताको माया धेरै पाउँने नेतामा चिनिन्छन् । नवौँ महाधिवेशनमा पनि उनले केन्द्रिय सदस्यमा प्रतिष्पर्धा गरेका थिए ।

भूमिगत काल देखीनै पार्टी राजनितीमा सक्रिय कर्माचार्यले २०३७ सालमै अनेरास्ववियु सिन्धपाल्चोकको सदस्य भएका थिए भने २०५१ सालमा प्ररायु संघको केन्द्रिय सदस्यको जिम्मेवारी निर्वाह गरेका थिए । २०४८ देखी २०५७ सम्म नेकपा एमाले सिन्धुपाल्चोकको उप्रप्रमुख र २०५८ देखी २०६६ पार्टी प्रमुख भएर एमाले सिन्धुपाल्चोकलाई नेतृत्व दिएका थिए ।

२०५६ सालको निर्वाचनमा सिन्धुपाल्चोक क्षेत्र नम्बर २ बाट व्यवस्थापिका संसद सदस्य पदमा निर्वाचित भएका कर्माचार्यले २०६३ सालमा संसद पुनस्थापना भए पछि पूर्वराजाको सम्पत्ती छानविन समितीको संयोजक भएर पनि काम गरेका थिए । हाल एमाले बाग्मती प्रदेश कमिटीको सचिवालय सदस्यको जिम्मेवारीमा उनी रहेका छन् ।

कर्माचार्य भन्दा जुनियर कतिपय नेताहरुले पार्टीको केन्द्रिय नेतृत्व देखी राजकिय जिम्मेवारीहरुमा समेत पटक पटक अवसर पाउँदा यो पटक पनि उनी केन्द्रिय कमिटीमा नसमेटिएकोमा जिल्लाका पुराना नेता कार्यकर्ताहरु खिन्न भएका छन् । हरेक हिसाबले उनी योग्य हुँदा हुँदै पनि केन्द्रिय नेतृत्वमा पुग्न नसक्नुमा उनकै क्षमता अभिषाप भएको चर्चा गर्नेहरु पनि भेटिएका छन् ।

जिल्लाको भुगोलमा खासै नजाने र टुरिस्ट नेताको परिचय बनाएका केहि नेताहरुले केन्द्रमा रहेर माथिल्लो नेतृत्व सँग कान फुकेकै कारण कर्माचार्यलाई छिर्के लगाएको भन्नेहरु पनि प्रशस्त देखिन्छन् । कतिपयले भने उनका बारेमा अध्यक्ष ओली सम्मै पनि केहि मान्छेले मिस गाइड गर्न खोजेको पनी शंका गरेका छन् ।

कसैको पनि एकतर्फी कुरा सुनेर निर्णय नगर्ने र हेरक कुरालाई आफ्नै अध्ययन र विश्लेषण गरेर निर्णय लिने नेपालका विरलै नेता मध्येका एक नेकपा एमालेका अध्यक्ष केपी ओलीले यस पटक कर्माचार्यलाई केन्द्रिय सदस्यमा मनोनित गरेर लैजाने मनसाय बनाएको बालेकोट स्रोतको दाबी छ ।