केपी ओलीलाई भेटे पछि भद्रकुमारीले किन भनिन् ओली त मैले सोचे जस्तो रहेनछन् !

लामो समय देखी नेकपा एमालेका अध्यक्ष केपी ओलीको प्रशंसा गर्र्दै आएकी पूर्वमन्त्री एवं समाजसेवी ९१ बर्षिया भद्रकुमारी घलेको घरैमा पुगेर ओलीले भेटका छन् ।

अनेपेक्षित रुपमा ओली घरमै आइपुगे पछी घले चौपट्कै खुशि भएकी छिन् । श्रीमती राधिका जी मात्रै आउँने होला जस्तो लागेका थियो ओली जी नै पो टुप्लुक्क आइपुग्नु भयो भेटघाट सकेर ओली हिँडे पछि घलले ओटीभी नेपाल सँग भनिन् ।

जीवनमै पहिलो पटक ओली सँग प्रत्यक्ष भेटघाट र कुराकानी भएको बताउँदै घलले कुरा सुन्दा र प्रत्यक्ष भेट्दा आफुलाई निकै फरक लागेको बताइन् । घलेलाई सबैभन्दा आश्चर्य चाँही के कुरामा लागेको रहेछ भने उनी सँगको भेटमा ओली केही नबोलेकोमा ।

‘त्यत्ति धेरै प्यारप्यार बोलिरहने मान्छे म सँग भेट्दा खासै केहि बोलेनन् मैले आफ्ना कुराहरु राखेँ उनी गम्भिर भएर सुनीमात्रै राखे केहि कुराहरु टिपोट पनि गरे म त छक्कै परे बावु , त्यत्ति धेरै बोलीरहने मान्छको त्यस्तो रुप पनि देखियो’। घलले भनिन् । सम्वृद्ध नेपाल सुखि नेपाली ओलीलेनै बनाउँछन् मलाई पुरा विश्वास छ यत्तिको नेता नेपालमा अरु कोहि छैन ।

शनिवार दिउँसो पत्ती राधिका शाक्य सहित घले निवास मैतिदेवी पुगेका अध्यक्ष ओलीले करिब एक घण्टा त्यहाँ बिताएका थिए । घलेले निकै लामो समय देखी ओलीको काम गराई बाट आफु प्रभावित भएको भनेर बोल्दै आएकी थिइन् ।

दुई दिन अघि मात्रै ओटीभी नेपाल डट कमले समाजसेवी घलेको अन्तवार्ता प्रसारण गरेको थियो । अन्तवार्तामा घलेले आफ्नो अहिले सम्म ओली सँग प्रत्यक्ष भेटघाट कहिल्यै नभएको बताएकी थिइन् । ओली मान्छे मन परेर होइन काम मन परेर समर्थन गरेको भन्दै उनले प्रत्यक्ष ओली सँग भेटघाट पनि नभएको र कुराकानी पनि नभएको बताएकी थिइन् ।

ओटीभी नेपाल डट कमको न्युज पोर्टल , युटुव च्यानल र फेसबुक पेजमा प्रकाशन प्रसारण भएको अन्तवार्ता लाखौँ दर्शकले हेरेका छन् । दशौँ राष्ट्रिय महाधिवेशन बाट भारी मतका साथ अध्यक्षमा निर्वाचित भए पछि घलेले ओलीलाई दुई तिहाई मत सहित फेरी प्रधानमन्त्री बन्नका लागी आर्शिवाद पनि दिएकी थिइन् ।

आज भएको भेटघाटमा पनि घलेले फेरी पनि दुई तिहाई ल्याएर प्रधानमन्त्री बन्नका लागी आर्शिवाद दिएकी छिन् भने अहिले सम्म देश किन बनेन भनेर े आफ्ना कुरा राखेकी थिइन् । आज खासै केहि नबोलेका ओलीले घलेको कुरा निकै गम्भिरतापुर्वक सुनेर केहि टिपोट पनि गरेका थिए ।

ओली सँग भेटघाट पछि ओटीभी नेपाल डटकमले प्रतिक्रिया लिँदा घलेले यतिखेर आफुमा खुशीको सिमानै नरहेको बताइन् । मलाई त श्रीमती राधिका जी मात्रै आउँनुहुन्छ होला जस्तो लागेको थियो पहिले पनि आउँनु भएको थियो तर ओलीजीनै पो आउँनु भयो म त अचम्ममा परे घलले भनिन् ।

सबैतिर त्यति धेरै बोल्ने ओलीले आज केहि नबोलेको देखेर आफु छक्क परेको उनले सुनाइन् । मैले मात्रै आफ्नो कुरा राखे उहाँले सुनिरहँनु भो सन्चो विचन्चो सोधेर स्वास्थ्यलाभको कामना गरेर फर्कनु भयो म दंगदास छु बावु दंगदास । घलेले भनिन् ।

करिब एक बर्ष अघि ओटीभी नेपाल डट कमले पहिलो पटक तत्कालिन प्रधानमन्त्री केपी ओलीको बारेमा घले सँग पहिलो अन्तवार्ता गरेको थियो । पचास लाख भन्दा बढि पटक हेरिएको उक्त अन्तर्वाता हेरिएको थियो । सम्वृद्ध नेपाल सुखि नेपाली बनाउँने काम ओली बाहेक अरुले गर्न नसक्ने घलेले पटक पटक बताउँदै आएकी छिन् ।