काग्रेसलाई दक्षिणपन्थी, बर्जुवा दलाल पार्टी भन्दै प्रचण्डले दिए चर्को भाषण !

आगामी निर्वाचन सम्मै बाम लोकतान्त्रीक गठबन्धन गरेर जानु पर्छ र एमाले र केपी ओलीलाई पत्तासाफ पार्नु पर्छ भनेर लगातार अभिव्यक्ति दिँदै आएका माओवादी केन्द्रका अध्यक्ष पुष्पकमल दहाल प्रचण्ड आगामी निर्वाचनमा काग्रेसले गठबन्धन नगर्ने कुरामा कन्फर्म भएका छन् ।

काग्रेसले गठबन्धन नगर्ने कुरामा प्रचण्ड कन्फर्म भएको जनाउ उनी स्वयमले दिएका अधिव्यक्ति बाट देखिएको छ । परामादेश बाट शेरबहादुर देउवालाई प्रधानमन्त्री बनाउँन मुख्य भूमिका खेलेका प्रचण्डले त्यस यता सार्वजनिक रुपले काग्रेस प्रति खासै तिखो टिप्पणी गरेका थिएनन् तर हिजो पहिलो पटक उनी काग्रेस माथी खनिएका छन् ।

प्रचण्डले चर्को अभिव्यक्ती दिएर सरकारको नेतृत्व गरिरहेको नेपाली काग्रेस र प्रमुख प्रतिपक्षी दल नेकपा एमालेलाई तारो बनाएका छन् । प्रचण्डले काग्रेस र एमाले दक्षिणपन्थी बुर्जुवा दलाल पार्टी भएको भन्दै आगामी निर्वाचनमा माओवादी केन्द्र पहिलो पार्टी बन्ने उद्घोष गरेका छन । उनले कार्यकतालाई सिंह जस्तै गर्जन पनि निर्देशन दिएका छन् ।

शनिबार पार्टीको प्रदेश सम्मेलनको संयुक्त उद्घाटन गर्दै प्रचण्डले एमाले र कांग्रेस विचारहिन र सिद्दान्तहिन बनेको आरोप समेत लगाए।अरु पार्टीले महाविधेशन भनेर भिड जम्मा गर्ने गरेका छन्,’ प्रचण्डले भने, ‘एमालेले पञ्च र्याली गर्‍यो । त्यो निभ्ने बेलाको बत्ति मात्रै हो । त्यो विचारहिनताको अधिवेशनका रुपमा गयो । दुनियाँले देख्यो । त्यहाँ माक्र्सवादको म पनि उच्चरण गरिएन । त्यहाँ व्यक्ति पुजा गरियो । सिद्दान्तहिनताको प्रदर्शन गरियो ।’

प्रचण्डले कांग्रेसमा पनि उम्मेवारी मनोनय र चुनावमात्रै हुने र विचारको बहस नहुने आरोप लगाए। ‘कांग्रेसको त झन हामीले हेरिरहेका छौं,’ उनले भने, ‘विचारको बहस छैन् । खाली उम्मेदवारी दर्ता र चुनाव मात्रै छ ।’ उनले थपे, ‘बरु मैले हिजो उद्घाटनका बेला समिक्षा गर्नुप¥यो भने । ती कुनै पनि पार्टीका महाधिवेशन विचार र मुद्दा केन्द्रित छैनन् ।’

उनले राष्ट्रिय सम्मेलनमा आफूहरुले अनावश्यक तामझाम नगर्ने जानकारी दिए । प्रचण्डले भने, ‘हामी ८ लाख सदस्य भएको पार्टी हो । हामी त्यो भन्दा ठूला तामझाम गर्न सक्छौं । त्यो गरौंला पनि कुनै दिन । तर, यसपाली हामी विचार केन्द्रित हुने छौं ।’

आफूले राष्ट्रिय सम्मेलनमा प्रस्तुत गरिने प्रतिवेदन लेखिरहेको बताउँदै प्रचण्डले त्यो निरन्तरतामा क्रमभंग गर्ने खालको हुने दावी गरे। ‘म केही दिनदेखि प्रतिवेदन व्यस्थ थिएँ । त्यो पुरै सकिएको त छैन, ट्रयाक खोल्ने काम सकिएको छ । तर, त्यसले निरन्तरतामा क्रमभंग गर्छ,’ प्रचण्डले भने।

उनले माओवादीले मात्रै विचारको विकास गर्ने सम्भावना बोको समेत दावी गरे। ‘विश्वमा नै हाम्रो पार्टी त्यस्तो ठाउँमा छ, जसले विचारको विकास गर्ने सम्भावना बोकेको छ । विद्यमान चुनौतीको सामना पनि गर्ने सम्भावना बोकेको छ।’

‘प्रचण्ड’ले आउने चुनावमा एक नम्बर बन्ने दावी गरेका छन् । शनिबार पार्टीको प्रदेश सम्मेलन उद्घाटन गर्दै प्रचण्डले आफूहरु फरक जातको भएको समते दावी गरे।हामी भनेको अलि अर्कै जात विरासत का मान्छे हौं,’ उनले भावुक हुँदै भने, ‘तर, हामी भेडासँग हिँड्दाहिँडदै्र भेडा जस्तै भयौं कि जस्तो लाग्छ कहिलेकाहीँ । हामी भेडा होइनौं, हामी सिंह नै हौं। हामी सिंह जस्तो गर्जिनपर्छ । सबै अआफ्नो ठाउँमा गर्जिऔं । आउने चुनावमा हामी एक नम्बर भएर देखाउने हो ।’

प्रचण्डले आक्रामक ढंगले प्रस्तुत हुन पनि कार्यकर्ताहरुलाई निर्देशन समेत दिए। ‘म युवा, विद्यार्थी, महिला सबै कमरेडहरुलाई भन्न चाहान्छु तपाईंहरु आक्रामक ढंगले प्रस्तुत हुनुहोस्,’ उनले भने, ‘आक्राम ढंगले हामी गयौं भने कुनै यस्ता दक्षिणपन्थी, बुर्जुवा, दलालहरुले हामीलाई केही गर्न सक्ने छैनन्।