अन्तत दुर्गा प्रसाइले बाजी मारे, ओलीले दिए महत्वपुर्ण जिम्मेवारी !

व्यवसायिक पृष्ठभूमिबाट राजनितीमा आएका दुर्गा प्रसाइले एमालेको राजनितीमा छलाङ हानेका छन् । एमाले अध्यक्ष ओलीले उनलाई महत्वपुर्ण जिम्मेवारी दिने तयारी गरेका छन् ।

एमाले अध्यक्ष ओलीले प्रसाईलाई एमाले केन्द्रिय सदस्यमा नाम प्रस्ताव गरेका छन् । भक्तपुरको जर्मन हाउसमा जारी एमाले केन्द्रिय कमिटिको बैठकमा ओलीले प्रसाईलाई केन्द्रिय सदस्यमा प्रस्ताव गरेका हुन् । प्रसाई सँगै विशाल भट्राई , ऐन महर लगायतको नाम पनि प्रस्ताव भएको बताइएको छ ।

झापाको बिएण्डसी मेडिकल कलेजका सञ्चालक समेत रहेका प्रसाईं एमालेको विधान महाधिवेशनबाट पार्टीमा सक्रिय देखिएका थिए त्यसपछि उनी एमालेको महाधिवेशनमा झापाबाट महाधिवेशन प्रतिनिधिको रूपमा सहभागी भएका थिए।

केहि समय अघि ओटीभी नेपाल डट कम सँगको विशेष कुराकानीमा प्रसाइले आफु सँग चुनावी प्रतिष्पर्धा गर्न प्रधानमन्त्री शेरबहादुर देउवा र माओवादी केन्द्रका अध्यक्ष पुष्पकमल दहाल प्रचण्डलाई चुनौती दिएका थिए । प्रचण्ड सँग चुनाव हारेमा उनको ड्राइभर बन्छु भनेर घोषणा गरे पछि उनको प्रशंसा चुलिएको थियो ।

प्रसाईं त्यसभन्दा पहिले नेकपा माओवादी केन्द्रमा थिए। उनी माओवादी केन्द्रका अध्यक्ष पुष्पकमल दाहालनिकट थिए।प्रसाईं २०५८ सालमा तत्कालीन विद्रोही माओवादीमा प्रवेश गरेका थिए। शान्ति स्थापनापछि उनी प्रचण्डनिकट भएर माओवादीमा थिए।

तर, पछिल्लो समय प्रचण्डसँग असन्तुष्टि व्यक्त गर्दै प्रसाईं एमालेमा पुगेका हुन्। ओलीलाई प्रसाईं ‘हजुरबुवा’ भन्छन्।आफ्नो मेडिकल कलेजलाई सम्बन्धन दिन नसकेको आरोप उनले प्रचण्डलाई लगाउने गरेका छन्। प्रचण्ड प्रधानमन्त्री हुँदा बिएण्डसीलाई सम्बन्धन दिन खोजिएको थियो।

पछिल्लो समय ओली प्रधानमन्त्री हुँदा बिएण्डसीलाई सम्बन्धन दिन खोजिएको थियो। तर, प्रचण्ड समूहले साथ नदिँदा सम्बन्धनको प्रक्रिया असफल भएसँगै प्रसाईंले माओवादी छोडेका थिए।

एमाले विधान महाधिवेशनबाट औपचारिक रूपमा एमाले प्रवेश गर्दै प्रसाईं चितवनको महाधिवेशनमा पुगेका थिए।एमाले र माओवादी एकता गरी नेकपा गठनताका प्रसाईं चर्चामा आएका थिए। दुई शीर्ष नेतालाई वार्ता गराउँदै खानासमेत खुवाएको प्रसाईंको तस्बिर बाहिर आएको थियो।