घनश्याम भुषालले हात जोडेर विन्ती गरे तर एकरती छोएन ओलीलाई !

दशौँ राष्ट्रिय महाधिवेशन बाट अध्यक्षमा पुन निर्वाचित भएर आए पछि एमाले अध्यक्ष केपी ओली झन पेलाह बनेर निस्कीएका छन् । कसैका हारगुहार या अनुरोधले उनलाई छुन छोडेको छ ।

केपी ओली कति सम्म कठोर र निर्मम ढंगले मन नपरेका मान्छेहरुलाई सिध्याउँन लागेका छन् भन्ने दृश्य दुई दिन अघिमात्रै जर्मन हाउस भक्तपुरमा बसेको एमाले केन्द्रिय कमिटीको दोस्रो बैठकमा देखिएको थियो । ओलीले गरेका एकलौटीमा ताली नबजाउँनेहरुको हरिबिजोगनै भएको थियो ।

ओलीले आफुखुशि रुपमा दश प्रतिशत केन्द्रिय सदस्यहरुको लिष्ट पढेका थिए , कम्युनिष्टको क समेत थाहा नभएका र महाधिवेशनको बन्दसत्रमा बन्द होकी सत्र हो मलाई थाह छैन भन्ने दुर्गा प्रसाइ सम्मको नाम केन्द्रिय सदस्यमा आउँदा पंचायत कालमा विधार्थीको राजनिती नेतृत्व गरेका टंक कार्कीको नाम पोलिटव्युरोमा अटाएन ।

पोलिटव्युरोमा टंक कार्कीको नाम नआए पछि एमाले नेता घनश्याम भुषालले हात जोडर हारगुहार गरेका थिए बरु मेरो नाम हटाउँनुस तर टंक कार्कीलाई पोलिटव्युरोमा अटाउँनुस भनेर भुषालले ओली सँग विन्ती विसाए तर ओलीले सुनको नसुनेइ गरेर सबै कुरा उडाई दिए । ओलीका लागी कसैले गरेको तर्क र र विन्तीको कुनै मूल्य थिइन मात्र वाइयात अटेरी मात्रै जस्तो देखिन्थ्यो ।

एमालेको दसौँ महाधिवेशनपछि शनिबार र आइतबार भक्तपुरमा बसेको पहिलो केन्द्रीय कमिटी बैठकमा अध्यक्ष केपी शर्मा ओलीले स्थायी कमिटी सदस्यको नाम सुनाउनुभन्दा पहिले पोलिटब्यूरो सदस्यहरूको नाम पढेर सुनाए । ओलीले वाचन गरेको सूचीमा घनश्याम भुसालको पनि नाम थियो ।

नेकपा एमालेका पूर्वमहासचिव समेत रहेका र यसपालि उपाध्यक्षमा पराजित भएका भुसालले बैठकमा अध्यक्ष ओलीलाई सम्बोधन गर्दै भने, ‘म तपाईंको कार्यशैलीबारे टिप्पणी गर्ने पक्षमा थिइनँ, तर बोल्नैपर्ने भयो । मेरो नाम पोलिटब्यूरो सदस्यबाट हटाइयोस् र टंक कार्कीलाई पोलिटब्यूरो सदस्य बनाइयोस् ।’

बैठकमा भुसालले भने, ‘०३६ सालदेखि नै टंक कार्की मेरो आदरणीय नेता हुनुहुन्छ, त्यसैले मेरो नाम हटाए हुन्छ, तर उहाँलाई पोलिटब्यूरो कमिटीमा देख्न पाउँ । यो केन्द्रीय कमिटी हो, जोक होइन । कसलाई नेतृत्वमा ल्याउने भन्नेबारे क्राइटेरिया बनाइनुपर्छ ।’

नेता भुसालले टंक कार्कीलाई पोलिटब्यूरो सदस्य बनाउन गरेको मागप्रति ओलीले सुनेको नसुन्यै गरे । बरु उनले विधानको मापदण्डलाई पनि वास्ता नगरी ‘अन्य पार्टीबाट आएको’ भन्दै मेडिकल व्यवसायी दुर्गा प्रसाईसहित ९ जनालाई केन्द्रीय कमिटीमा ल्याउने प्रस्ताव राखे ।

टंक कार्कीलाई पोलिटब्यूरोमा ल्याइनुपर्ने भुसालको मागप्रति उपाध्यक्ष अष्टलक्ष्मी शाक्य, युवराज ज्ञवालीलगायतका कसैले पनि एकै शब्द बोलेनन्, कसैले साथ दिएनन् ।चीनका लागि पूर्वराजदूत समेत रहेका टंक कार्की एमालेका त्यागी नेता मानिन्छन् । उनी दसौँ महाधिवेशनमा सचिवमा उठेर पराजित भएका थिए । ओलीले उपाध्यक्षमा पराजित भएका भुसाललाई स्थायी कमिटीमा ल्याए पनि कार्कीलाई भने ल्याएनन् ।

यसैबीच, एमाले केन्द्रीय कमिटीको बैठकमा बोल्दै सचिव योगेश भट्टराईले भीम रावललाई स्थायी कमिटीमा ल्याउन केपी ओलीसँग माग गरे ।कमरेड भीम रावललाई स्थायी कमिटीमा ल्यायो भने पार्टीको गरिमा बढ्छ,’ बैठकमा सचिव भट्टराईले भने,‘ उहाँ स्थायी कमिटीमा बस्न मान्नुहुन्छ कि मान्नुहुन्छ, त्यो पछि थाहा होला, तर उहाँलाई ल्याऔँ, उहाँलाई ल्याउँदा पार्टीको गरिमा बढ्छ ।’

तर, अध्यक्ष ओलीले योगेश भट्टराईको मागको पनि कुनै सुनुवाइ गरेनन् । त्यसबारे केही जवाफ नै दिएनन् । निवर्तमान उपाध्यक्ष रावल महाधिवेशनमा केपी ओलीसँग चुनाव लडेर पराजित भएका थिए । माधव नेपालको पक्षमा नगई रावल एमालेमै रहेको अवस्थामा पनि ओलीले उनलाई जिम्मेवारीविहीन बनाइदिएका छन् ।

यसैबीच एमाले बैठकले गरेको कार्यविभाजनबारे असन्तुष्टि व्यक्त गर्दै रावलले भनेका छन्, ‘एमालेमा भर्खरै भएका मनोनयन र जिम्मेवारी वा कार्यविभाजन हेर्दा केपी ओलीजीको अगुवाइमा लामो समयदेखि हुँदै आएको गुटबन्दीले छलाङ मारेको देखियो । यो देश र जनताप्रति प्रतिवद्ध पार्टी निर्माणको प्रक्रिया नभई गुट स्वार्थ प्रेरित अहम् तुष्टिको नमुना हो । यस्तो प्रवृत्ति हट्नु पार्टी हितमा हुन्छ ।’