बाहिर निस्कँदा कसरी अनुहार देखाउँने भनेर उपाय खोज्दै बिमलेन्द्र निधी !

यो पटक शेरबहादुर देउवालाई जसरी पनि काग्रेस सभापती बन्न नदिने भनेर कुर्लदैँ हिँडेका विमलेन्द्र निधी नमज्जा सँग पछारिएका छन् ।

काग्रेस सभापतीको उमेदवार रहेका निधी पहिलो चरणको निर्वाचनमा नमज्जा सँग पछारिए पछि आफ्नो बोली र मूल्य मान्यताको न्युनतम आदर्श बाट पनि गिरेर निर्णय गर्ने तहमा आइपुगेका छन् । उनले सबैलाई आश्चर्यचकित बनाउँने निर्णय गरेका छन् ।

काग्रेसको १३ आँै महाधिवेशनमा देउवाको दाहिने हात भएर काम गरेका निधी १४ औँ महाधिवेशन सम्म आइपुग्दा देउवाको सबैभन्दा चर्को आलोचक बनेर निस्किएका थिए । सबैभन्दा पहिला तामझामका साथ सभापतीमा उमेदवारी घोषणा गरेका उनी अन्तिमा देउवा सँगै लम्पसार पर्नु पर्ने अवस्थामा पुगेका छन् ।

दुई दिन अघि मात्रै निधीले पहिलो चरणमा कसैले पनि सभापतीमा निर्वाचित नुहुने र त्यस पछि दोस्रो चरणमा सबै मिलेर देउवा विरुद्ध मोर्चाबन्दी गर्ने बताएका थिए तर पहिलो चरणको निर्वाचनको मत परिणाम आएको केहि घण्टामानै उनले देउवालाई समथर्न गरेका छन् । देउवालाई जसरी पनि हराउँने कसम खाएका निधीमा आएको चामत्कारिक परिवर्तनले दुनिँया चकित भएको छ ।

नेपाली कांग्रेसका सभापतिसमेत रहेका प्रधानमन्त्री शेरबहादुर देउवालाई आगामी एक कार्यकालका लागि पार्टीका नेता विमलेन्द्र निधिले पनि समर्थन गरेका छन्।पहिलो चरणमा निधि पनि सभापति पदका उम्मेदवार थिए। पहिलो चरणमा देउवाले सबैभन्दा बढी मत ल्याए पनि ५० प्रतिशत मत कटाउन भने सकेनन्।

दोस्रो धेरै मत सभापति पदका उम्मेदवार शेखर कोइरालाले ल्याएका थिए। देउवा र कोइरालाबीच आज अपरान्ह ३स्३० बजे सभापति पदमा फेरि निर्वाचन हुने भएको छ।

सभापतिमा फेरि निर्वाचन हुने भएपछि देउवाले सभापतिका उम्मेदवार भई पराजित भएका प्रकाशमान सिंह र निधिलाई आज भेटेर कुराकानी गरेका थिए।
सिंहले देउवालाई समर्थन गर्ने बताएका थिए। लगत्तै निधि निवास पुगेका देउवालाई पनि निधिले सभापतिमा समर्थन गर्ने बताएका छन्।

‘सभापतिमा उहाँले देउवालाई नै समर्थन गर्नुभएको छ। यसबारे विज्ञप्ति जारी गरेर विस्तृतमा बताउँछौं,’ निधिको सचिवालय स्रोतले भन्यो। यता सभापतीको उमेदवार बनेर लज्जास्पद मत ल्याएका कल्याण गुरुङले पनी देउवालाई नै समर्थन गरिसकेका छन् । शेखर कोइराला बाहेक सबै उमेदवारको समर्थन देउवाले पाएका छन् ।