गणेशमानले मुखैमा आएको प्रधानमन्त्री खाएनन् तर उनका छोराले उधारो प्रधानमन्त्रीमा इमान बेचे

नेपाली काग्रेसका त्यागी र निष्ठाको धरोधर बनेर जीवन विताएका स्वर्गिय नेता गणेशमान सिंहले जहिले पनि आर्दश र मूल्य मान्यताको राजनिती गरे मुखैमा आएको प्रधानमन्त्रीको पद समेत अस्विकार गरे तर आज उनका छोराले बुवाको त्यो निष्ठा भताभुङ्ग बनाएका छन् ।

गणेशमानको विरासत बाट राजनितीको पेवा खाएर बसेका प्रकाशमानले नेपाली काग्रेसको १४ औँ महाधिवेशनमा सभापतीको उमेदवार बनेका थिए । निकै कम मत पाए पछि दोस्रो चरणको निर्वाचनमा उनले आफुले पाएको मत देउवाको शरणमा सुम्पिएका छन् । त्यो पनि उधारो प्रधानमन्त्रीको लोभमा ।

देउवाले प्रधानमन्त्री दिन्छु भने पछि आफुले उनलाई सघाउँने निर्णय गरेको सिंहले आफु निकस्थहरु सँग खुलासा गरेका छन् । गणेशमानको छोराले आफुलाई उधारो प्रधानमन्त्रीको लोभमा बेचे पछि उनको चर्को आलोचना भइरहेको छ । दिनभन उनी सामाजिक संजाल प्रयोगकर्ताहरुको तारो बनेका छन् ।

कांग्रेस सभापतिको दोस्रो मतदानमा शेरबहादुर देउवालाई समर्थन गरेका प्रकाशमान सिंहले आफ्ना मतदाताहरुसँग गोप्य भेला गर्दै शक्ति बाँडफाँटसहित प्रधानमन्त्री पदसम्म दिने वचन पाएपछि आफूले यस्तो निर्णय लिएको जानकारी दिएका छन्।

पहिलो चरणमा सोमबार भएको मतदानमा पाँच जना उम्मेदवारमध्ये कसैले पनि ५० प्रतिशत कटाउन नसकेपछि बढी मत ल्याउने दुई जनाबीचको प्रतिष्पर्धामा सिंहले देउवालाई सघाउने निर्णय गरेका थिए।

कांग्रेस सभापतिका लागि दोस्रो चरणको मतदान राष्ट्रिय सभागृहमा मंगलबार दिउँसो ४ बजेदेखि सुरु भएको छ।देउवाले ५० प्रतिशतभन्दा ८२ मत मात्र कम ल्याएका थिए।

आफ्ना मतदाताहरुसँगको भेटमा सिंहले देउवाबाट पार्टी र राष्ट्रिय राजनीतिमा पर्याप्त अवसर पाउने प्रतिबद्धता पाएपछि आफूले उनलाई समर्थन गर्ने निर्णय गरेको जानकारी दिँदै भने( ‘ढुक्क भएर मतदान गर्नुहोला, सबै विषयमा कुरा भएको छ।’

उनले देउवासँग शक्ति बाँडफाँटको कुरा भएको र राष्ट्रिय निर्वाचनपछि कांग्रेसको सरकार बन्दा आफूलाई देउवाले प्रधानमन्त्रीमा प्रस्ताव गर्नेसम्मको आश्वासन पाएको जानकारी आफ्ना मतदाताहरुलाई दिएका थिए।