काग्रेस महामन्त्रीको मतगणना सुरु हुँदै, गगन थापाले जित्छन् की हार्छन् बाहिरियो हिसाबकिताब !

नयाँ नेतृत्व चयनका लागी भएको नेपाली काग्रेसको १४ औँ महाधिवेशन अन्तर्गतको निर्वाचनमा सभापती र उपसभापतीको मतगणना सम्पन्न भैसकेको छ भने अब सबैको ध्यान महामन्त्री तिर गएको छ ।

सभापती पछिको सबैभन्दा कार्यकारी पद महामन्त्रीमा दुई जना निर्वाचित हुने छन् जसका लागी पाँच जना चर्चित नेता विच प्रतिष्पर्धा भैरहेको छ । अब महामन्त्रीमा कस्तो परिणाम आउँला भन्ने सर्वत्र चासो सुरु भएको छ । अबको केहि बेरमा महामन्त्री पदको मतगणना सुरु हुँदै छ ।

महामन्त्री पदका लागि भएको मतदानको गणना आज बिहानबाट हुने भएको छ । कांग्रेस निर्वाचन समितिका अनुसार महामन्त्रीमा खसेको मतको गणना बिहान ८ बजेबाट सुरु हुने भएको हो । चर्चित अनुहारहरु उमेदावार रहेका कारण महामन्त्रीको मतपरिणामलाई निकै चासोका साथ हेरिएको छ ।

महामन्त्रीमा युवा नेता उम्मेदवार रहेकाले कसले जित्छ भन्ने चासो सबैभन्दा बढी छ । महामन्त्रीमा सभापति शेरबहादुर देउवाको प्यानलबाट प्रकाशशरण महत र प्रदीप पौडेल उम्मेदवार भएका छन् । गगन थापा र मीनेन्द्र रिजाल शेखर कोइरालाको प्यानलबाट छन् । कांग्रेस प्रवक्तासमेत रहेका विश्वप्रकाश शर्मा पनि महामन्त्रीमा उठेका छन् ।

उनी प्रकाशमान सिंहको प्यानलबाट महामन्त्रीमा उठेको भए पनि दोस्रो चरणको चुनावमा सिंहले देउवालाई समर्थन गरेका थिए । कांग्रेसको विधानमा २ जना महामन्त्री हुने व्यवस्था रहेको छ । यस अघि भएका विभिन्न मत सर्वेक्षणहरुले काग्रेस महामन्त्रीमा गगन कुमार थापा र विश्वप्रकाश शर्मा बिजयी हुने बताएका छन् । यसको असली परिक्षण अब सुरु हुँदै छ ।

आज बिहान सम्पन्न उपसभापति पदको मतगणनामापूर्णबहादुर खड्का र धनराज गुरुङ विजयी भएका छन् । उपसभापतिका लागि ७ जनाको उम्मेदवारी परेको थियो ।