एमसीसी पास गराउँन केपी ओलीले यती सम्मको रोल खेलिरहेको भिम रावलको खुलासा !

नेकपा एमालेका नेता भिम रावललले विवादास्पद एमसीसी परियोजना पास गराउँन एमालेका अध्यक्ष केपी ओलीले भित्रै भित्रै गम्भिर रोल खेलिरहेको आशंका व्यक्त गरेका छन् ।

केहि समय अघि चितवनमा भएको एमालेको दशौँ राष्ट्रिय महाधिवेशनमा केपी ओली सँग अध्यक्ष पराजित भएका रावलको खुलासाले एमालेमा तरंग गएको छ भने एमसीसी विरोधी अभियान्ताहरु सर्तक बनेका छन् ।

एमाले नेता रावलले एमालेले गरिरहेको विना अर्थको संसद अवरोध कतै एमसीसी पास गराउँने डिजाइन त होइन? भनेर आशंका गरेका छन् । एमालेले संसद अवरोध पनि गरिरहेको जस्तो गर्ने र सरकारले संसदबाट गर्नु पर्ने काम पनि गरिरहको भन्दै रावलको यसमा भित्री सेटिङको अनुमान गरेका छन् ।

रावलले बुधबार सामाजिक सञ्जाल ट्विटरमार्फत संसद्मा एमालेको अवरोध र एमसीसी सम्झौतालाई जोडेर आफ्नो धारणा सार्वजनिक गरेका हुन् । उनले लेखेका छन्, ुसरकारका कामकारबाही गर्न दिएर संसद्का बैठकहरू अवरूद्ध गर्ने कुराको औचित्य के हो ? यो कतै कसैलाई बोल्ने मौका नै नदिएर होहल्लाको बीचमा एमसीसीसँग गरेको सम्झौता अनुमोदन गर्ने खेल त होइन ?

एमाले नेतृत्व त्यस्तो खेलमा सहभागी भएमा राम्रो नहुने रावलको भनाइ छ ।ुयस्तो गरियो भने राष्ट्रघात ठहर्ने छ, उनले भनेका छन् । एमाले नेता रावलले निकै लामो समय देखी एमसीसीको विरोध गर्दै आएका छन् । आफ्नै पार्टी र पार्टी अध्यक्ष प्रति इंकित गर्दै उनले यस्तो आशंका गरे पछि विषय थप पेचिलो बनेको छ ।

सरकारका कामकारबाही चल्न दिई संसद् अवरोध गरेर सांसदहरूलाई बोल्न नदिएकोप्रति रावलले यसअघि पनि आपत्ति जनाइसकेका छन् । एमालेले गरेको संसद्को अवरोधको औचित्यबारे उनले बारम्बार प्रश्न उठाइरहेका छन् । संसद्मा विधेयक पास हुन दिने तर सांसदहरूलाई छलफलमा भाग लिनबाट रोकेको भन्दै उनले असन्तुष्टि जनाएका हुन् ।

एमाले संसदीय दलका उपनेता सुवासचन्द्र नेम्वाङले भने माग पूरा नभएसम्म संसद्को अवरोध जारी रहने अभिव्यक्ति दिएका थिए । मंगलबारदेखि सुरु भएको संसद्को अधिवेशनको पहिलो दिन एमालेले विरोध जनाएको थियो । एमालेको विरोधका बीच सरकारले अध्यादेश पेस गरेको थियो ।.एमालेले माधवकुमार नेपाललगायत १४ सांसदलाई कारबाही गर्नुपर्ने भन्दै संसद्मा विरोध जनाउँदै आएको छ ।