विश्वप्रकाश शर्मा काग्रेस महामन्त्रीमा निर्वाचित !

कांग्रेस सभापति शेरबहादुर देउवा समूहका प्रकाश शरण महतलाई पछि पार्दै शर्मा महामन्त्रीमा निर्वाचित भएका हुन्। यसको आधिकारिक घोषणा हुन बाँकी छ। उनी प्रकाशमान सिंह समूहबाट महामन्त्रीको उम्मेदवार बनेका हुन्।

उनी २८९ मत गणना गर्न बाँकी छँदै महामन्त्रीमा निर्वाचित भएका हुन्। उनका निकटतम् प्रतिस्पर्धी महत ३६९ मतले पछाडि छन्।कांग्रेस केन्द्रीय निर्वाचत समितिका अनुसार, २ः४५ बजेसम्म ४३९० मत गणना भएको छ। जसमा गगन थापाले २८२३ र शर्माले १८२४ मत पाएका छन्।

त्यस्तै, महतले १४५५, प्रदीप पौडेलले १३०३, मिनेन्द्र रिजालले ७५३ र राजाराम कार्कीले १०० मत पाएका छन्।पहिलो र दोस्रो हुने महामन्त्रीमा निर्वाचित हुनेछन्। कांग्रेस महाधिवेशनमा ४६७९ मत खसेका छन्। महाधिवेशनमा ४७४३ मतदाता रहेका थिए। आज बिहान १०ः२० बजेदेखि मतगणना शुरू भएको हो।

शर्मा अहिले सानेपा पुगेका छन् अन्तिम नतिजा आएलगत्तै हुँदा उनी खुशियाली मनाउँन बीपी संग्रहालय सुन्दरीजल जाने तयारी गरेका छन्् ’, , विश्वप्रकाशले बीपी स्मृति दिवसको अवसर पारेर सुन्दरीजलमै गएर गत भदौ २४ गते महामन्त्री पदमा उम्मेदवारी घोषणा गरेका थिए ।

यसअघि उपसभापतिको पनि सानेपामै मतगणना भएको थियो। उपसभापतिमा पूर्णबहादुर खड्का र धनराज गुरुङ निर्वाचित भएका छन्।

सम्बन्धित समाचार

प्रकाशित: सोमबार, मंसिर २३ २०८२