प्रचण्डको चाप्लुसी गरेर माओवादी केन्द्रको महासचिव पड्काउँन जनार्दन शर्माले लगाए यस्तो आइडिया !

सत्तासाझेदार प्रमुख दल नेकपा माओवादी केन्द्रले पनि नयाँ नेतृत्वका लागी राष्ट्रिय सम्मेलन गर्दैै छ , पौषमा हुने सम्मेलन बाट नेतृत्वमा आउँन नेताहरुले प्रचण्डको चाकडी सुरु गरिसकेका छन् ।

अरु पार्टीमा जस्तो महाधिवेशनमा प्रतिष्पर्धा गरेर नेतृत्वमा पुग्न माओवादीमा सकिँदैन त्यसमा प्रचण्डको मन जित्न सक्नु पर्छ र उनको रोजाइमा पर्न सफल हुन पर्छ । प्रचण्डको च्वाइसमा पर्ने प्रतिष्पर्धा माओवादी केन्द्र भित्रै बेतोडले चलेको छ । कतिले भित्र भित्रै त कतिले खुलमखुल्ला प्रतिष्पर्धा गरिरहेका छन् ।

आसन्न सम्मेलन बाट माओवादी केन्द्रको महासचिव बन्ने आकांक्षा राखेका नेता जनार्दन शर्माले प्रचण्डको मन जित्न नयाँ आइडिया लगाएका छन् । बर्षौ देखि प्रचण्डको नाडी छामेर बसेका शर्माले के बोल्दा प्रचण्डलाई मन पर्छ भन्ने नबुझ्ने कुरै भएन त्यो बुझेरनै उनले बोल्न थालेका छन् ।

बर्षौ अघि माओवादीले असान्दर्भिक भनेर मिल्काइसकेको प्रचण्डथको वकालत शर्माले गर्न थालेका छन् । प्रचण्डपथ छोडेर सम्झौता गर्नु माओवादी केन्द्रको ठूलो गल्ती भएको शर्माले पटक पटक बताउँन थालेका छन् । प्रचण्डको उत्तराधीकारी बन्ने मिसनमा रहेका शर्माले जानीबुझीकन स्टाटेजिकल्ली यस्तो भनेको चर्चा सुरु भएको छ ।

शर्माले पार्टीले प्रचण्डपथको कार्यदिशालाई छोड्नु गलत भएको बताएका छन्। बिहीबार काठमाडौंमा आयोजित जनसांस्कृतिक महासंघ नेपालको सातौँ राष्ट्रिय सम्मेलनको उद्घाटन गर्दै शर्माले पार्टीले तत्कालिन अवस्थामा लिएको प्रचण्डपथ र २१ औँ शताब्दीको जनवादलाई छोड्नु पार्टी केन्द्रीय समितिको गम्भिर गल्ती बताए।

‘हामीसँग भएको विचार, हामीले प्रचण्डपथ, २१ औँ शताब्दीको जनवादको जो संश्लेषण गरेका थियौँ,’ उनले भने, ‘त्यसको सही सदूपयोग र कार्यान्वयन गर्ने कुरामा, नयाँ सन्दर्भमा त्यसलाई विकसित गरेर जानुपर्ने आवश्यकतालाई छाडेर हामीले त्यसलाई हापि दियौँ । मानौँ त्यो केहीपनि थिएन । त्यो भित्र बलिदानीको संश्लेषण, सबै वर्ग, जाति, लिङ्ग, समुदायको भावनाको संश्लेषण, हजारौँ घाइते योद्धाहरुको त्याग र विरताको संश्लेषण, सामाजिक अन्तरविरोधहरुलाई समाधान गर्ने वैचारिक संश्लेषणलाई केहीपनि होइन जस्तो गरेर फ्याकीदियौँ । पार्टी केन्द्रीय समितिले गम्भिर गल्ती ग¥यो ।’

उनले यसअघि पनि प्रचण्डपथ त्याग्नु माओवादीको गल्ती भएको बताएका थिए। शर्माले यही कारण पार्टीमा निराश पैदा भएको समेत दावी गरे। ‘त्यसलाई नयाँ संश्लेषण गरेर जानुको सट्टा फ्याक्नुको कारण आज निराशा पैदा भएको हो,’ उनले भने, ‘त्यसले विकेन्द्रीकरण ग¥यो । पार्टीमा फुट, विभाजन भयो । पार्टी नेतृत्वले प्राधिकार प्राप्त गरेको थियो त्यो समाप्त भयो र हामी कमजोर भयौँ ।’

माओवादीले विद्रोह वा चुनावको दोधारे कुरा गरेका कारण पनि पार्टी वैचारिक रुपमा अस्पष्ट भएको बताए। ‘हाम्रो सकारात्मक पक्षहरुलाई हामीले छोड्यौँ र हाम्रा उपलब्धीप्रति गर्जिएर यो हामीले गरेको परिवर्तन भन्न सकेनौँ,’ शर्माको भनाइ छ, ‘सांस्कृतिक रुपमा कमजोर भयौँ । कार्यदिशा पनि स्पष्ट गर्न सकेनौँ । विद्रोह, चुनावलाई जोडेर यो, त्यो दोधारे कुरा ग¥यौँ । आफै कन्फ्युजको अवस्था सिर्जना ग¥यौँ ।’