पूर्वराजा ज्ञानेन्द्रसँग प्रचण्डले गरेको पाँचबुँदे सहमतिको प्रमाण भएको खुलासा , कसरि चुहियो यो गोप्य सुचना

प्रमुख प्रतिपक्षी दल नेकपा एमालेले सत्तारुढ दल नेकपा माओवादी केन्द्रका अध्यक्ष पुष्पकमल दहाल प्रचण्ड र पूर्वराजा ज्ञानेन्द्र शाह विच भएको भनिएको पाँच बुँदै सम्झौताको बिषयलाई चर्र्काउँने संकेत गरेको छ ।

केहि दिन अघि एमाले अध्यक्ष ओलीले मिति नै तोकेर पूर्वराजा ज्ञानेन्द्र र तत्कालिन विद्रोही पार्टी माओवादीका अध्यक्ष प्रचण्डका विचमा पाँच बुँदै सम्झौता भएको र त्यो सार्वजनिक हुन पर्ने बताएका थिए ,ओलीले अचानक यस्तो कुरा झिके पछि झस्किएका प्रचण्डले विज्ञप्ती जारी गरेर खण्डन गरेका छन् तर पनि एमालेले यो कुरा चर्काउँदै लगेको छ ।

एमाले नेताहरुले सार्वजनिक अभिव्यक्तिहरुमा प्रचण्ड र ज्ञानेन्द्र विचको सम्झौताको प्रमाण भएको बताइरहेका छन् । प्रचण्डले एक विज्ञप्ती जारी गरेर केपी ओलीलाई विदेशीको एजेण्टनै भने पछि एमालेहरु थप आक्रोसित देखिन्छन् । माओवादी केन्द्रका अन्य पंक्तिले यो बिषयमा खासै प्रतिवाद गर्न सकेको छैन ।

नेकपा एमालेका उपमहासचिव पृथ्वी सुब्बा गुरुङले पूर्वराजा ज्ञानेन्द्रसँग नेकपा माओवादी केन्द्रका अध्यक्ष पुष्पकमल दाहाल प्रचण्डले गरेको पाँचबुँदे सहमतिको प्रमाण भएको दाबी गरेका छन् ।

नेता गुरुङले भने, “शान्तिप्रक्रियामा आउनुभन्दा अघि पूर्वराजा ज्ञानेन्द्रसँग प्रचण्डले गरेको पाँच बुँदे सहमतिको प्रमाण छ । उहाँको राजा वीरेन्द्रसँग पनि कार्यनीतिक गठबन्धन थियो । अहिले पनि ज्ञानेन्द्रको मन जहाँ छ, प्रचण्डको मन त्यहीँ छ । जहाँ ज्ञानेन्द्रको बाटो छ, प्रचण्डको बाटो त्यहीँ छ ।”

ज्ञानेन्द्र र प्रचण्डको पाँच बुँदे सहमति भएको बताउँदा केपी ओलीले माफी माग्नु नपर्ने उनले बताए । गुरुङले थपे, “कठैबरा १ ओलीले प्रचण्डसँग किन माफी माग्ने रु केपी ओलीले गाँजा, भाङ, धतुरो खाएर बोल्नुभएको होइन । मानसिक सन्तुलन गुमाएर भन्नुभएको पनि होइन । भन्ने हो भने त शेरबहादुर देउवा, शेखर कोइराला, उपेन्द्र यादव, बाबुराम भट्टराई र महन्थ ठाकुरलाई पनि भन्नुहुन्थ्यो होला नि । प्रचण्डलाई मात्र किन भन्नुुुभयो होला ?”

प्रचण्डले ओलीसँग विवाद नगर्नु नै राम्रो हुने उनको कथन छ । उनले भने, “राजनेता, ठूला नेताले यस्तो विवाद नगर्नु राम्रो हुन्थ्यो । तल्लो स्तरमा उत्रनु हुँदैनथ्यो । प्रचण्डले जहिल्यै एमाले र केपी ओलीविरुद्ध विषवमन गर्नुभएको छ । उहाँको अरु के काम छ र रु”
ओलीको सरकार गिराएर प्रचण्डले कालो धनलाई सेतो धन बनाउन खोजेको आरोप पनि उनले लगाए । गुरुङले भने, “प्रचण्ड र माधव नेपाल मिलेर केपी ओलीको सरकार गिराए । हाम्रो बजेट विस्थापन गरेर कालो धनलाई सेतो बनाए । अर्थतन्त्रमा गम्भीर असर पार्ने गरी कुशासनको प्रारम्भ भयो । कमिसन र भ्रष्टाचारलाई संस्थागत गरे । राष्ट्रिय स्वाधीनतालाई बेवास्ता गरी चुच्चे नक्साको व्यवहारमा अमल गरेनन् । प्रतिगमनकारी बाटोमा गइरहेका छन् ।”

प्रचण्ड र ओलीको तुलना गर्दै उनले भने, “एक जना प्रतिक्रियावादीहरुसँग मिलेर नेपालको कम्युनिस्ट आन्दोलन सिध्याउन लाग्नुभएको छ, अर्को नेपालको कम्युनिस्ट आन्दोलनलाई सुदृढ र व्यवस्थित बनाउन लाग्नुभएको छ । एक जना राष्ट्रिय स्वाधीनताको झन्डालाई उच्च बनाउँदै वामपन्थीको नेतृत्व गर्दै हुनुहुन्छ भने अर्को दक्षिणपन्थी गठबन्धनमा लागेर वामपन्थी आन्दोलनलाई ध्वस्त बनाउन लाग्नुभएको छ । उहाँहरुबीचको आरोप प्रत्यारोप स्वाभाविक लाग्छ ।”

एमालेले दसौं महाधिवेशन गरेको चितवन प्रचण्डको बपौती नभएको उनको जिकिर छ । उनले भने, “प्रचण्डले एमालेले महाधिवेशन गर्दा चितवनलाई कुरुक्षेत्र बनाउनुभयो । चितवनलाई बपौती ठान्नुभयो । हामीले उद्घाटन सत्र गरेको ठाउँ कृष्णभक्त पोखरेलको निर्वाचन क्षेत्र हो । बन्द सत्र गरेको ठाउँ सुरेन्द्र पाण्डेको निर्वाचन क्षेत्र हो । जोसँग खोटो मोहर हुन्छ, त्यो धरमरमा हुन्छ ।”

प्रचण्डले केपी ओलीलाई दलाल भन्नु कुनै नौलो कुरा नभएको पनि एमाले उपमहासचिव गुरुङले बताए । उनले भने, “केपी कम्युनिस्ट, समृद्धवादी, राष्ट्रवादी हो भनेर देशभरिका जनता गोलबन्द भएकाले उहाँ त्रसित र आतंकित बन्नुभएको छ । एउटा कम्युनिस्टले अर्को कम्युनिस्टलाई गाली, विरोध र आलोचना नौलो कुरा होइन । तर वाद, विवाद र प्रतिवाद हुँदैमा सहकार्यको ढोका बन्द हुँदैन । राजनीतिमा स्थायी शत्रु वा मित्र हुँदैन । गलत कुराको खण्डन गर्नुपर्छ ।”