ठूलो मिसन सहित सुर्य थापाले काठमाडौँ छोडे, एमालेमा खुशियाली !

शुरूमा वामदेव गौतम, शंकर पोखरेल र गोपाल शाक्य(विक्रम थापा) प्यूठान जिल्लामा झापाली धार नेकपा(माले)को सम्पर्क विस्तार र जनपक्षीय उम्मेद्वारको संभावना खोजी गर्न पुग्नुभएको पाइन्छ। त्यहीँ क्रममा अनेरास्ववियु एकताको पाँचौको संगठनात्मक सम्पर्क २०३७र३८ देखि नै अघि बढेको थियो। त्यसबेलाकै सम्पर्कमा रहनुभएका कमरेड हरि रिजाल अहिले पार्टी केन्द्रीय कमिटी सदस्य हुनुभएको छ।

नेकपा मालेरएमालेको संगठनात्मक विस्तार भने प्यूठानमा २०४६ को आन्दोलनपछि कमरेड वीरबहादुर सिंहको नेतृत्वमा भएको थियो। तत्पश्चात् कमरेडहरू मोदनाथ प्रश्रित, मेघबहादुर विसी, देवराज भार, यज्ञराज बाँस्तोला,रामचन्द्र अधिकारी,युवराज ज्ञवाली, शंकर पोखरेल, प्रकाश ज्वाला,छविलाल ओली, ललित बस्नेत, गोकुल घर्ती मगर, खेममान खड्कां गुलाबजंग शाह, दलबहादुर राना र लीला गिरीले प्यूठानमा पार्टीको नेतृत्वदायी कमिटीका तर्फबाट अञ्चल प्रतिनिधि,सचिव र ईन्चार्ज तथा जिल्ला इन्चार्ज र सह-इन्चार्जको हैसियतमा नेतृत्व प्रदान गर्नुभयो। यस अवधिमा बीरबहादुर सिंह, रमेशप्रसाद राजभण्डारी,धनबहादुर रायमाझी, हरिप्रसाद रिजाल र तुल्सीराम शर्माले पार्टी प्रमुख(सचिवरअध्यक्ष)भएर जिल्लाको नेतृत्व गर्नुभएको अवगत नै छ। यसरी वितेका ३० बर्षमा प्यूठानमा पार्टीले राप्ती अञ्चल र लुम्बिनी प्रदेशका जिम्मेवार नेता-आज पार्टीकै उच्च नेतृत्वमा रहनुभएका कमरेडहरूलाई इञ्चार्ज पाएको तथ्य सर्वविदितै छ।

२०४८ सालको आमचुनावपछि बिजुवारमा युवराज ज्ञवाली, देवराज भार र बीरबहादुर सिंहको प्रशिक्षण लिंदा म अध्ययनको लागि काठमाडौंमा भित्रिसकेको थिएँ। खासमा मैले हाइस्कुल अर्घाखाँचीमा पढेको र पार्टी सम्पर्क पनि त्यहीँबाट पाएको हुँदा प्यूठानको पार्टी काममा भूगोलमा प्रत्यक्ष जोडिने संयोग मिलेको थिएन।२०७० को निर्वाचनअघि एकमहिने अभियानको लागि प्यूठान- १ मा खटिएको र निर्वाचनमा जिल्लाका दुईवटै क्षेत्रमा पार्टीलाई विजयी बनाउने योजनाका साथ अभियानमा समेत गरि निर्वाचनमा ८४ दिन पूरै खटिएको थिएँ। पार्टीका जिल्ला अधिवेशनहरू, अभियानहरू र निर्वाचनको सिलसिलामा त प्रायस्जसो नै जिल्लाका कार्यक्रममा पुग्ने क्रम चलेकै थियो।

नेकपा एमालेको नवौं महाधिवेशनबाट म केन्द्रीय कमिटी सदस्य निर्वाचित भएपनि बितेका आठ बर्षमा म प्रचार र पर्यटन क्षेत्रको जिम्मेवारीमा नै रहें।अहिले प्रचार क्षेत्रको काममा विगत अढाई दशक तथा केन्द्रीय प्रचार विभागमा पूरै दुई दशक नै रहेर जिम्मेवारी बहन गरेको अनुभवभन्दा भिन्न भूगोलको काममा पोलिटव्युरो सदस्य र प्यूठान जिल्ला इन्चार्जको नयाँ जिम्मेवारीमा मलाई र सँगसँगै केन्द्रीय सदस्य र जिल्ला सह-इन्चार्जका रूपमा हरिप्रसाद रिजाललाई केन्द्रीय कमिटीको दोस्रो बैठकले कार्यविभाजन गरेको छ। स्थायी कमिटी सदस्य मणिचन्द्र थापा केन्द्रीय विभागको नेतृत्वमा रहनुभएको छ। यसरी ३४५ सदस्यीय केन्द्रीय कमिटीमा हामी तीन जनाले जिल्लाको प्रतिनिधित्व गर्ने जिम्मेवारी प्राप्त गरेका छौं। जिल्लामा पार्टीले ६४ मध्ये २५ वडा अध्यक्ष, नौमध्ये तीन पालिका प्रमुख र उपप्रमुख र एक प्रदेशसभा सदस्यसहित एक्लै पहिलो शक्तिको हैसियतका साथ भूमिका निर्वाह गरिरहेको छ।