प्रकाशमानलाई यति कुरो बुझाईदिने मान्छे पाँच दिन अघि भेटिएको भए ..

नेपाली काग्रेसको १४ महाधिवेशनमा नयाँ नतृत्व चयनको लागी भएको मतदानको अधिकांश पदहरुको अन्तिम परिणाम आइसकेको छ भने केहि पदको अन्तिम परिणाम आउँनेक्रम जारी रहेको छ । महाधिवेशनमा देखिएका केहि अनपेक्षित दृश्यको बारेमा व्यापक समिक्षा हुन थालेको छ ।

सबैभन्दा अनपेक्षित र अस्वाभाविक दृश्य त त्यहि देखियो की कुनै पनि हालतमा यस पटक शेरबहादुर देउवालाई सभापती बन्नै दिनु हुँदैन उनी बाट पार्टी चल्दै चल्दैन भनेर सबैभन्दा चर्को रुपमा चिच्याउँने प्रकाशमान सिंह र विमलेन्द्र निधीलेले अन्तिममा देउवालाई समर्थन गरिदिए यसको कारण लेखाजोखा भइरहेको छ ।

संस्थापन इतर भन्ने टिम बाट साझा उमेदवार छनोट हुन नसके पछि रामचन्द्र पौडेल र शशांक कोइराला सभापतीको रेस बाटै बाहिरिएका थिए भने शेखर कोइराला र प्रकाशमान सिंहले उमेदवारी दिएका थिए । उमेदवारी दुवै जनाले दिए पनि दास्रो चरणमा चुनाव गएमा जसले बढि भोट ल्याउँछ उसलाई सघाउँने भन्ने समझदारी बनेको थियो तर प्रकाशमान र निधीले सहमती तोडे किन त ? यसको कारण खोजी हुन थालेको छ ।

प्रकाशमान सिंहले आफु शेखर भन्दा सिनियर भएका कारण सहयोग नगरेको तर्क गरेका छन् । उनले आफुले निशर्त देउवालाई सहयोग गरेको भन्दै विज्ञप्तीनै जारी गरेर आफु माथी लागेको आरोपको खण्डन गरेका छन् तर पनि उनले देउवा सँग केहि न केही सौदाबाजी गरेकै हुन पर्ने चर्चा राजननितीक बजारमा चलिरहेको छ।

नेपाली काग्रेसको राजनितीलाई अन्यन्तै नजिक बाट नियाली रहेका राजनितीक विश्लेष पुरञ्जन आचार्यले ओटीभी नेपाल डटकम सँग कुराकानी गर्दै प्रकाशमान सिंहले शेखर कोइराला सँग व्यक्तिगत इगो राख्दा निकै ठूलो अवसर गुमाएको बताएका छन् । प्रकाशमानलाई गणेशमानकै हाइट लिने अवसर आएको तर उनले गुमाएको तर्क आचार्यले गरेका छन् ।

यदि अहिले प्रकाशमानले शेखर कोइरालालाई समर्थन गरेको थिए भने नेपाली काग्रेसको नेतृत्व बाट शेरबहादुर देउवा विदा हुन्थे र प्रकाशमानलेनै उठाएको नेतृत्व प्ररिवर्तनको एजेण्डाले जित्ने थियो । आजको दिनमा नेपालको राजनितीमा प्रकाशमानको बेग्लै हाइट हुन्थ्यो । वास्तवमै सिंह परिवार एउटा त्यागको परिवार भनेर स्थापित हुन्थ्यो आचार्यले भनेका छन् ।

विश्लेषक आचार्यले सिंहले कोइरालाई समर्थन गरेर सभापती बनाएको भए प्राविधिक रुपमा सभापती शेखर भए पनि वास्तविक नेता प्रकाशनमान हुने थिए भनेका छन् । सभापती हुँदैमा नेता भयो भन्न नमिल्ने अवस्था आउँने विश्लेषण उनले गरेका छन् । यस पटक सिंहले बल्डर मात्रै होइन कहिल्यै सुधार हुन नसक्ने गल्ती गरेको आचार्यले ठोकुवा गरेका छन् ।

यदि शेखरको ठाउँमा प्रकाशमान दास्रो भएको भए कुनै पनि हालतमा शेखरले प्रकशनमानलाई सहयोग गर्ने थिए भन्ने दाबी पनि आचार्यले गरेका छन् । सहि समयमा सहि निर्णय लिन नसक्दा प्रकाशमान सिंहले ठुलो मूल्य चुकाएको भन्दै आचार्यले अब यो प्रश्नले उनलाई जीवनभर लखेटिरहने दाबी पनि गरेका छन् ।

नेपाली काग्रेसको १४ औँ महाधिवेशनको समिक्षा गर्दै राजनितीक विश्लेषक पुरञ्जन आचार्य सँग ओटीभी नेपाल डट कमले गरेको भिडियो कुराकानी हेर्नुहोस्